ਸਿਹਤ ਵਿਭਾਗ ਕਪੂਰਥਲਾ ਨੇ ਸਵੱਛ ਭਾਰਤ ਤਹਿਤ ਚਲਾਈ ਗਈ ਕਾਇਆ ਕਲਪ ਮੁਹਿੰਮ ਵਿੱਚ ਇੱਕ ਵਾਰ ਫੇਰ ਬਾਜੀ ਮਾਰੀ ਹੈ। ਸਿਵਲ ਸਰਜਨ ਡਾ. ਜਸਮੀਤ ਬਾਵਾ ਨੇ ਦੱਸਿਆ ਕਿ ਸਿਹਤ ਵਿਭਾਗ ਲੋਕਾਂ ਨੂੰ ਵਧੀਆ ਸਿਹਤ ਸਹੂਲਤਾਂ ਦੇਣ ਲਈ ਵਚਨਬੱਧ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਮੁਹਿੰਮ ਦੇ ਤਹਿਤ ਸਿਹਤ ਕੇਂਦਰਾਂ ਦੀ ਗੁਣਵੱਤਾ ਨੂੰ ਵੇਸਟ ਮੈਨੇਜਮੈਂਟ, ਹਾਈਜੀਨ ਪ੍ਰਮੋਸ਼ਨ, ਸਪੋਰਟ ਸਰਵਿਸ ਤੇ ਇੰਨਫੈਕਸ਼ਨ ਕੰਟਰੋਲ ਮੈਨੇਜਮੈਂਟ ਆਦਿ ਬਿੰਦੂਆਂ ਦੇ ਆਧਾਰ ਤੇ ਪਰਖਿਆ ਜਾਂਦਾ ਹੈ।ਉਨ੍ਹਾਂ ਇਸ ਸਫਲਤਾ ਲਈ ਇਸ ਮੁਹਿੰਮ ਨਾਲ ਜੁੜੇ ਸਾਰੇ ਸਟਾਫ ਨੂੰ ਵਧਾਈ ਦਿੱਤੀ ਹੈ ਤੇ ਕਿਹਾ ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਉਹ ਭਵਿੱਖ ਵਿੱਚ ਵੀ ਇਸ ਗੁਣਵੱਤਾ ਨੂੰ ਕਾਇਮ ਰੱਖਣਗੇ।ਕਾਇਆ ਕਲਪ ਮੁਹਿੰਮ ਦੇ ਜਿਲਾ ਪ੍ਰੋਗਰਾਮ ਅਫਸਰ ਡਾ. ਸਾਰਿਕਾ ਦੁੱਗਲ ਨੇ ਦੱਸਿਆ ਕਿ ਸਰਕਾਰੀ ਸਿਹਤ ਕੇਂਦਰਾਂ ਵਿੱਚ ਸਫਾਈ ਵਿਵਸਥਾ, ਇੰਨਫੈਕਸ਼ਨ ਕੰਟਰੋਲ ਆਦਿ ਨੂੰ ਵਧਾਵਾ ਦੇਣਾ ਇਸ ਮੁਹਿੰਮ ਦਾ ਉਦੇਸ਼ ਹੈ। ਨਾਲ ਹੀ ਸਰਕਾਰੀ ਸਿਹਤ ਕੇਂਦਰਾਂ ਪ੍ਰਤੀ ਲੋਕਾਂ ਦੇ ਮਨਾਂ ਵਿੱਚ ਜੋ ਗਲਤ ਧਾਰਨਾਵਾਂ ਹਨ ਉਸ ਨੂੰ ਦੂਰ ਕਰਨਾ ਹੈ। ਜਿਕਰਯੋਗ ਹੈ ਕਿ ਡਿਪਟੀ ਮੈਡੀਕਲ ਕਮਿਸ਼ਨਰ ਡਾ. ਸਾਰਿਕਾ ਦੁੱਗਲ ਦੀ ਅਗਵਾਈ ਹੇਠ ਪਹਿਲਾਂ ਵੀ ਸਟੇਟ ਪੱਧਰ ਤੇ ਇਸ ਮੁਹਿੰਮ ਤਹਿਤ ਸਿਹਤ ਵਿਭਾਗ ਕਪੂਰਥਲਾ ਨਾਮਣਾ ਖੱਟ ਚੁੱਕਿਆ ਹੈ। ਡਾ. ਰਾਜੀਵ ਭਗਤ ਤੇ ਏ.ਐਚ.ਏ. ਡਾ. ਸ਼ੁਭਰਾ ਸਿੰਘ ਦਾ ਕਹਿਣਾ ਹੈ ਕਿ ਇਸ ਮੁਹਿੰਮ ਤੇ ਖਰਾ ਉਤਰਣ ਲਈ ਇੱਕ ਸਿਹਤ ਸੰਸਥਾ ਨੂੰ ੩੦੦ ਦੇ ਕਰੀਬ ਪੈਰਾਮੀਟਰਾਂ ਤੇ ਖਰਾ ਉਤਰਣਾ ਜਰੂਰੀ ਹੈ ਜੋਕਿ ਆਪਣੇ ਆਪ ਵਿੱਚ ਚੁਣੋਤੀ ਹੈ। ਡਾ. ਸਾਰਿਕਾ ਦੁੱਗਲ ਨੇ ਇਸ ਸਫਲਤਾ ਦਾ ਸਿਹਰਾ ਸਿਵਲ ਸਰਜਨ ਡਾ. ਜਸਮੀਤ ਬਾਵਾ ਦੇ ਕੁਸ਼ਲ ਮਾਰਗਦਰਸ਼ਨ ਨੂੰ ਦਿੱਤਾ ਹੈ ਤੇ ਕਿਹਾ ਹੈ ਕਿ ਉਨ੍ਹਾਂ ਦਾ ਉਦੇਸ਼ ਸਭਨਾਂ ਦੇ ਸਹਿਯੋਗ ਨਾਲ ਉਹ ਸਿਹਤ ਵਿਭਾਗ ਕਪੂਰਥਲਾ ਨੂੰ ਸਟੇਟ ਪੱਧਰ ਦੇ ਮੋਹਰੀ ਜਿਲ੍ਹਿਆਂ ਵਿੱਚ ਸ਼ਾਮਲ ਕਰਣਾ ਹੈ।
ਇਸ ਪ੍ਰਕਾਰ ਰਹੇ ਰਿਜਲਟ
ਪੀ.ਐਚ.ਸੀ ਤੇ ਯੂ.ਪੀ.ਐਚ.ਸੀ. ਕਲਸਟਰ ਵਿੱਚ ਸਟੇਟ ਦੀਆਂ ਪਹਿਲੀਆਂ ਚਾਰ ਥਾਵਾਂ ਤੇ ਲੜੀਵਾਰ ਪੀ.ਐੱਚ.ਸੀ. ਭਾਣੋਲੰਗਾ ਪਹਿਲੇ, ਅਰਬਨ ਪ੍ਰਾਈਮਰੀ ਹੈਲਥ ਸੈਂਟਰ ਹਦਿਆਬਾਦ ਦੂਸਰੇ, ਪੀ.ਐੱਚ.ਸੀ.ਅਠੌਲੀ ਤੀਸਰੇ ਤੇ ਅਰਬਨ ਪ੍ਰਾਈਮਰੀ ਹੈਲਥ ਸੈਂਟਰ ਰਾਇਕਾ ਮੁਹੱਲਾ ਚੌਥੇ ਸਥਾਨ ਤੇ ਰਹੇ। ਤੋਂ ਇਲਾਵਾ ਪੀ.ਐਚ.ਸੀ. ਖਾਲੂ ਅਠਵੇਂ, ਸਪਰੋੜ ਦਸਵੇਂ, ਪਰਮਜੀਤਪੁਰ ੧੧ਵੇਂ ਅਤੇ ਪੀ.ਐੱਚ.ਸੀ. ਪਲਾਹੀ ੧੨ਵੇਂ ਸਥਾਨ ਤੇ ਰਹੇ। ਪ੍ਰਾਈਮਰੀ ਹੈਲਥ ਸੈਂਟਰ ੨੪ ਣ੭ ਦੀ ਕੈਟੇਗਰੀ ਵਿੱਚ ਪੀ.ਐਚ.ਸੀ. ਢਿਲਵਾਂ ਪਹਿਲੇ, ਪੀ.ਐਚ.ਸੀ.ਸੁਰਖਪੁਰ ਦੂਸਰੇ ਤੇ ਪੀ.ਐੱਚ.ਸੀ ਡਡਵਿੰਡੀ ਤੀਸਰੇ ਸਥਾਨ ਤੇ ਰਹੇ।
ਇਸੀ ਤਰ੍ਹਾਂ ਸੀ.ਐਚ.ਸੀ. ਕੈਟੇਗਰੀ ਵਿੱਚ ਸੀ.ਐਚ.ਸੀ. ਕਾਲਾ ਸੰਘਿਆ ਨੇ ਤੀਸਰਾ, ਬੇਗੋਵਾਲ ਨੇ ਚੌਥਾ, ਪਾਂਛਟ ਨੇ ਨੌਂਵਾ ਤੇ ਫੱਤੂਢਿੰਗਾ ਨੇ ਸਟੇਟ ਤੇ ਸੋਲਹਵਾਂ ਸਥਾਨ ਹਾਸਲ ਕੀਤਾ।ਸਬਵਡੀਜਨਲ ਹਸਪਤਾਲ ਦੀ ਕੈਟੇਗਰੀ ਵਿੱਚ ਐਸ.ਡੀ.ਅੱੈਚ. ਫਗਵਾੜਾ ਰਾਜ ਪੱਧਰ ਤੇ ੬ਵੇਂ ਸਥਾਨ ਤੇ ਰਿਹਾ।ਜਿਕਰਯੋਗ ਹੈ ਕਿ ਸਿਹਤ ਵਿਭਾਗ ਕਪੂਰਥਲਾ ਦੀਆਂ ਕੁੱਲ ੨੩ ਸਿਹਤ ਸੰਸਥਾਵਾਂ ਨੇ ਇਸ ਮੁਹਿੰਮ ਵਿੱਚ ਭਾਗ ਲਿਆ ਸੀ ਜਿਨ੍ਹਾਂ ਵਿਚੋਂ ੧੬ ਨੇ ਕੁਆਲੀਫਾਈ ਕੀਤਾ।