ਮਨੀਮਾਜਰਾ ਸਥਿੱਤ ਸ਼ਿਵਾਲਿਕ ਇਨਕਲੇਵ 'ਚ ਗੁਰੂਦੇਵ ਸਵਾਮੀ ਦੇਵੀ ਦਯਾਜੀ ਮਹਾਰਾਜ ਦੀ 100ਵੀਂ ਬਰਸੀ ਬਹੁਤ ਹੀ ਧੂਮ ਧਾਮ ਨਾਲ ਮਨਾਈ ਗਈ। ਦੋ ਰੋਜਾ ਯੋਗ ਸਮਾਗਮ 29 ਅਤੇ 1 ਮਾਰਚ ਨੂੰ ਆਯੋਜਿਤ ਕੀਤਾ ਗਿਆ। ਜਿਸ 'ਚ ਸ਼ਰੀਰਕ, ਮਾਨਸਿਕ, ਭਾਵਨਾਤਮਕ ਅਤੇ ਅਧਿਆਤਮਕ ਰੂਪ ਨਾਲ ਲੋਕਾਂ ਨੂੰ ਪ੍ਰੇਰਿਤ ਕੀਤਾ ਗਿਆ। ਇਸ ਸਮਾਗਮ 'ਚ ਗੁਰੂ ਰਾਮ ਲਾਲਜੀ ਅਤੇ ਪ੍ਰਭੂ ਮੂਲਖ ਰਾਜ ਜੀ ਮਹਾਰਾਜ ਦਾ ਗੁਣਗਾਣ ਹੋਇਆ। ਇਸ ਯੋਗ ਸਮਾਗਮ 'ਚ ਚੰਡੀਗੜ੍ਹ ਸਹਿਤ ਦਿੱਲੀ, ਪੰਜਾਬ, ਹਰਿਆਣਾ, ਉੱਤਰ ਪ੍ਰਦੇਸ਼, ਰਾਜਸਥਾਨ ਅਤੇ ਆਂਧਰਾ ਪ੍ਰਦੇਸ਼ ਦੀਆਂ ਸਭਾਵਾਂ ਤੋਂ ਵੱਡੀ ਗਿਣਤੀ 'ਚ ਭਗਤਾਂ ਨੇ ਭਾਗ ਲਿਆ।ਇਸ ਸਮਾਗਮ 'ਚ ਮੋਤੀਆ ਗਰੁੱਪ ਦੇ ਡਾਇਰੈਕਟਰ ਐਲਸੀ ਮਿੱਤਲ ਸ਼ਾਮਲ ਹੋਏ, ਜਿਨ੍ਹਾਂ ਨੇ ਸੂਤਰ ਨੀਤੀ, ਜਲਕ੍ਰਿਆ ਅਤੇ ਜਲਪਾਨ ਕ੍ਰਿਆ ਦਾ ਪ੍ਰਦਰਸ਼ਨ ਕੀਤਾ। ਪ੍ਰੋਗਰਾਮ 'ਚ ਕਰਨਾਲ ਆਸ਼ਰਮ ਦੀ ਯੋਗ ਆਚਾਰਿਆ ਦੇਮੰਤੀ ਸ਼ਰਮਾ ਨੇ ਮੌਜ਼ੂਦ ਲੋਕਾਂ ਨੂੰ ਧਿਆਨ, ਪ੍ਰਣਾਯਾਮ ਅਤੇ ਗੁਰੂਜੀ ਦੇ ਬਾਰੇ 'ਚ ਦੱਸਿਆ।ਮੋਤੀਆ ਗਰੁੱਪ ਦੇ ਡਾਇਰੈਕਟਰ ਐਲਸੀ ਮਿੱਤਲ ਨੇ ਕਿਹਾ, ਸਵਾਮੀ ਦੇਵੀ ਦਯਾਜੀ ਮਹਾਰਾਜ ਦੀ 100ਵੀਂ ਬਰਸੀ ਦੇ ਮੌਕੇ ਯੋਗ ਸਮਾਗਮ 'ਚ ਭਾਗ ਲੈ ਕੇ ਬਹੁਤ ਖੁਸ਼ਕਿਸਮਤ ਮਹਿਸੂਸ ਕਰ ਰਿਹਾ ਹਾਂ। ਅਜਿਹੇ ਯੋਗ ਸਮਾਗਮਾਂ ਦੇ ਮਾਧਿਅਮ ਨਾਲ ਲੋਕਾਂ ਨੂੰ ਯੋਗ ਨਾਲ ਜੋੜਨਾਂ ਬਹੁਤ ਹੀ ਜ਼ਰੂਰੀ ਹੈ।
ਅੱਜ ਦੀ ਭੱਜ ਦੌੜ੍ਹ ਭਰੀ ਜੀਵਨਸ਼ੈਲੀ ਦੇ ਕਾਰਨ ਲੋਕ ਆਪਣੇ ਸਰੀਰ 'ਤੇ ਧਿਆਨ ਨਹੀਂ ਦੇ ਪਾ ਰਹੇ ਹਨ। ਇਹ ਸਮਾਗਮ ਉਨ੍ਹਾਂ ਲੋਕਾਂ ਨੂੰ ਪ੍ਰੇਰਿਤ ਕਰਨ ਦੇ ਲਈ ਕੀਤਾ ਗਿਆ ਸੀ ਜਿਹੜੇ ਭੱਜ ਨੱਠ ਭਰੀ ਜ਼ਿੰਦਗੀ ਦੇ ਕਾਰਨ ਆਪਣੀ ਸਿਹਤ ਦਾ ਧਿਆਨ ਨਹੀਂ ਰੱਖ ਪਾਉਂਦੇ।ਦੱਸ ਦੇਈਏ ਕਿ ਇਸ ਪ੍ਰੋਗਰਾਮ 'ਚ ਮੁਕੇਸ਼ ਦੀਵਾਨ, ਦੀਪਕ ਗਰਗ ਅਤੇ ਰਾਜੀਵ ਤਨੇਜਾ ਨੇ ਭਜਨਾਂ ਨਾਲ ਭਗਤਾਂ ਨੂੰ ਮੰਤਰ ਮੁਗਧ ਕੀਤਾ। ਭਗਤ ਵੀ ਭਜਨਾਂ ਦਾ ਆਨੰਦ ਮਾਣਦੇ ਨਜ਼ਰ ਆਏ। ਨਾਲ ਹੀ ਇਸ ਯੋਗ ਪ੍ਰਦਰਸ਼ਨੀ 'ਚ ਮਦਨ ਲਾਲ ਜਿੰਦਲ, ਅਮਰੀਕ ਸਿੰਘ, ਬਲਦੇਵ ਰਾਜ ਆਹੂਜਾ, ਸੁਰਿੰਦਰ ਸ਼ਰਮਾ, ਸੁਮਿਤ ਕਸ਼ਿਅਪ, ਰਾਜ ਕੁਮਾਰ ਗਰਗ ਅਤੇ ਚੰਡੀਗੜ੍ਹ ਦੇ ਹੋਰ ਯੋਗੀਆਂ ਨੇ ਵਿਭਿੰਨ ਯੋਗ ਆਸਣ ਕੀਤੇ। ਇਸ ਮੌਕੇ 'ਤੇ ਮੁੱਖ ਬੁਲਾਰੇ ਅਤੇ ਮੁੱਖ ਮਹਿਮਾਨ ਹਰਿਆਣਾ ਯੋਗ ਫੈਡਰੇਸ਼ਨ ਦੇ ਪ੍ਰੈਜੀਡੈਂਟ ਰਜਿੰਦਰ ਕੁਮਾਰ ਵਿਜ ਨੇ ਲੋਕਾਂ ਨੂੰ ਜੀਵਨ 'ਚ ਯੋਗ ਦੀ ਅਹਿਮੀਅਤ ਦੇ ਬਾਰੇ 'ਚ ਦੱਸਿਆ ਅਤੇ ਰੋਜ਼ਾਨਾ ਯੋਗ ਕਰਨ ਦਾ ਸੰਦੇਸ਼ ਦਿੱਤਾ।ਇਸ ਮਹੱਤਵਪੂਰਣ ਮੌਕੇ 'ਤੇ ਯੋਗ ਪ੍ਰਤੀਭਾਗੀਆਂ ਨੇ ਬਹੁਤ ਵਧੀਆ ਪ੍ਰਦਰਸ਼ਨ ਕੀਤਾ। ਜਿਸ 'ਚ ਆਚਾਰਿਆ ਜਸਰਾਜ, ਐਸ ਕੇ ਗੋਇਲ, ਆਰ ਐਲ ਸ਼ਰਮਾ ਅਤੇ ਧਰਮਿੰਦਰ ਅਬਰੋਲ ਸ਼ਾਮਲ ਸਨ। ਯੋਗ ਪ੍ਰਦਰਸ਼ਨੀ ਦਾ ਸੰਚਾਲਨ ਸੁਨੀਲ ਕੁਮਾਰ ਗੋਇਲ ਨੇ ਕੀਤਾ।ਪ੍ਰੋਗਰਾਮ ਦੇ ਅੰਤ 'ਚ ਵਿਸ਼ਾਲ ਭੰਡਾਰੇ ਦਾ ਵੀ ਆਯੋਜਨ ਕੀਤਾ ਗਿਆ ਜਿਸ 'ਚ ਭਗਤਾਂ ਨੇ ਲੰਗਰ ਛਕਿਆ। ਦਿਵਿਯਾ ਯੋਗ ਮੰਦਰ 'ਚ ਕਈ ਦਹਾਕਿਆਂ ਤੋਂ ਨਿਰੰਤਰ ਮੁਫਤ 'ਚ ਯੋਗ ਸਿਖਾਇਆ ਜਾ ਰਿਹਾ ਹੈ।