5 Dariya News

ਫਿਲੌਰ , 16 Jan 2017

ਪੰਜਾਬ ਵਿੱਚ ਦੱਬੇ ਕੁਚਲਿਆਂ, ਕਿਸਾਨਾਂ ਅਤੇ ਦਲਿਤਾਂ ਖਿਲਾਫ ਹੋ ਰਹੇ ਅਪਰਾਧਾਂ ਖਿਲਾਫ ਆਵਾਜ ਚੁੱਕਣ ਵਾਲੇ ਬੰਦ ਸਿੰਘ ਨੇ ਅੱਜ ਫਿਲੋਰ ਵਿਧਾਨ ਸਭਾ ਹਲਕੇ ਵਿੱਚ ਵੱਖ-ਵੱਖ ਥਾਵਾਂ ਉਤੇ ਨੁੱਕੜ ਮੀਟਿੰਗਾਂ ਨੂੰ ਸੰਬੋਧਨ ਕਰਦਿਆਂ ਆਮ ਆਦਮੀ ਪਾਰਟੀ ਦੇ ਹੱਕ ਵਿੱਚ ਚੋਣ ਪ੍ਰਚਾਰ ਕੀਤਾ। ਬੰਤ ਸਿੰਘ ਅਕਾਲੀ-ਭਾਜਪਾ ਸਰਕਾਰ ਵੇਲੇ ਦਲਿਤਾਂ ਉਤੇ ਹੋਏ ਕਹਿਰ ਦਾ ਸ਼ਿਕਾਰ ਹਨ। ਉਨਾਂ ਵੱਲੋਂ ਪੰਜਾਬ ਦੇ ਦਲਿਤ ਬਹੁਤਾਤ ਵਾਲੇ ਖੇਤਰ ਦਾ ਦੌਰਾ ਕੀਤਾ ਜਾ ਰਿਹਾ ਹੈ।ਉਨਾਂ ਕਿਹਾ ਕਿ ਹੋਰਨਾਂ ਪਾਰਟੀਆਂ ਦਲਿਤਾਂ ਨੂੰ ਹਮੇਸ਼ਾਂ ਵੋਟ ਬੈਂਕ ਵਜੋਂ ਵਰਤਦੀਆਂ ਹਨ ਅਤੇ ਉਨਾਂ ਦੇ ਜੀਵਨ-ਪੱਧਰ ਨੂੰ ਉਚਾ ਚੁੱਕਣ ਲਈ ਕੋਈ ਕਦਮ ਨਹੀਂ ਚੁੱਕਿਆ ਜਾਂਦਾ। ਉਨਾਂ ਕਿਹਾ ਕਿ ਆਮ ਆਦਮੀ ਪਾਰਟੀ ਇਕਲੌਤੀ ਪਾਰਟੀ ਹੈ, ਜਿਸ ਨੇ ਦਲਿਤਾਂ ਲਈ ਵਿਸ਼ੇਸ਼ ਮੈਨੀਫੈਸਟੋ ਜਾਰੀ ਕੀਤਾ ਅਤੇ ਇਸ ਤੋਂ ਇਲਾਵਾ ਆਮ ਆਦਮੀ ਪਾਰਟੀ ਵਿੱਚ ਉਪ ਮੁੱਖ ਮੰਤਰੀ ਦਲਿਤ ਭਾਈਚਾਰੇ ਨਾਲ ਸਬੰਧਿਤ ਕਿਸੇ ਵਿਅਕਤੀ ਨੂੰ ਬਣਾਏ ਜਾਣ ਦਾ ਐਲਾਨ ਹੈ। ਆਪਣੇ ਉਤੇ ਹੋਏ ਜੁਲਮਾਂ ਬਾਰੇ ਦੱਸਦਿਆਂ ਬੇਅੰਤ ਸਿੰਘ ਨੇ  ਕਿਹਾ ਕਿ ਉਸਦੀ ਸਕੂਲ ਜਾਂਦੀ ਲੜਕੀ ਨਾਲ ਸਾਮੂਹਿਕ ਦੁਸ਼ਕਰਮ ਕੀਤਾ ਗਿਆ ਅਤੇ ਉਪਲੀਆਂ ਜਾਤਾਂ ਦੇ ਅਪਰਾਧੀਆਂ ਨੇ ਉਨਾਂ ਨੂੰ ਜਾਨ ਤੋਂ ਮਾਰਨ ਦੀਆਂ ਧਮਕੀਆਂ ਦਿੱਤੀਆਂ, ਜੇਕਰ ਉਸਨੇ ਇਨਸਾਫ ਲਈ ਅਦਾਲਤ ਦਾ ਦਰਵਾਜਾ ਖੜਕਾਇਆ।
ਉਨਾਂ ਕਿਹਾ ਕਿ ਅਕਾਲੀ ਸਰਕਾਰ ਵੇਲੇ ਹਾਲ ਹੀ ਵਿੱਚ ਦਲਿਤਾਂ ਉਤੇ ਜੁਲਮ ਕਾਫੀ ਵਧੇ ਹਨ। ਉਨਾਂ ਕਿਹਾ ਕਿ ਆਮ ਆਦਮੀ ਪਾਰਟੀ ਦੀ ਸਰਕਾਰ ਇਸ ਭਾਈਚਾਰੇ ਉਤੇ ਹੋਏ ਜੁਲਮਾਂ ਦਾ ਹਿਸਾਬ ਲਏਗੀ ਅਤੇ ਦੋਸ਼ੀਆਂ ਨੂੰ ਕਿਸੇ ਵੀ ਕੀਮਤ ਉਤੇ ਬਖਸ਼ਿਆ ਨਹੀਂ ਜਾਵੇਗਾ।ਬੰਤ ਸਿੰਘ ਨੇ ਕਿਹਾ ਕਿ ਜਦੋਂ ਉਸ ਨੇ ਵਿਰੋਧ ਜਤਾਇਆ ਅਤੇ ਇਨਸਾਫ ਲਈ ਲੜਿਆ ਤਾਂ ਮੇਰੇ ਦੋਵੇਂ ਹੱਥ ਅਤੇ ਇੱਕ ਲੱਤ ਦੁਸ਼ਕਰਮੀਆਂ ਵੱਲੋਂ ਵੱਢ ਦਿੱਤੀ ਗਈ। ਇੱਥੇ ਇਹ ਦੱਸਣਯੋਗ ਹੈ ਕਿ ਬੰਤ ਸਿੰਘ ਦੇ ਜੱਦੀ ਪਿੰਡ ਝਬਾਰ ਵਿਖੇ ਜਿਮੀਦਾਰਾਂ ਵੱਲੋਂ ਅਣਮਨੁੱਖੀ ਤਸ਼ੱਦਦ ਕਰਦਿਆਂ ਹੋਇਆ ਉਸਦੀਆਂ ਦੋਵੇਂ ਬਾਹਾਂ ਅਤੇ ਇੱਕ ਲੱਤ ਵੱਢ ਦਿੱਤੀ ਗਈ ਸੀ।ਬੰਤ ਨਾਲ ਹੋਏ ਅੱਤਿਆਚਾਰਾਂ ਨੇ ਉਸ ਨੂੰ ਧਨਾਢਾਂ ਦੇ ਖਿਲਾਫ ਦਲਿਤਾਂ ਦੇ ਸੰਘਰਸ਼ ਦਾ ਇੱਕ ਮੁੱਖ ਚਿਹਰਾ ਬਣਾ ਦਿੱਤਾ। ਧਨਾਢਾਂ ਨੇ ਬੰਤ ਸਿੰਘ ਦੁਆਰਾ ਆਪਣੀ ਧੀ ਨਾਲ ਹੋਏ ਸਾਮੂਹਿਕ ਦੁਸ਼ਕਰਮ ਖਿਲਾਫ ਆਵਾਜ ਉਠਾਉਣ ਉਤੇ ਉਸਦੇ ਹੱਥ ਪੈਰ ਕੱਟ ਕੇ ਸਜਾ ਦਿੱਤੀ ਗਈ।ਤੇਜਤਰਾਰ ਕਵੀ ਬੰਤ ਸਿੰਘ ਸੀਪੀਆਈ (ਐਮਐਲ) ਦੇ ਸਾਬਕਾ ਆਗੂ ਰਹੇ ਹਨ, ਜੋ ਪਿਛਲੇ 40 ਸਾਲਾਂ ਤੋਂ ਗਾਥਾਵਾਂ ਅਤੇ ਗੀਤ ਗਾ ਰਹੇ ਹਨ। ਆਮ ਆਦਮੀ ਪਾਰਟੀ ਦੀ ਸਹਾਇਤਾ ਨਾਲ ਬੰਤ ਸਿੰਘ ਪੰਜਾਬ ਦੇ ਦਲਿਤ ਭਾਈਚਾਰੇ ਦੀ ਸਹਾਇਤਾ ਕਰਨੀ ਚਾਹੁੰਦੇ ਹਨ, ਜੋ ਕਿ ਸੂਬੇ ਦੀ ਕੁੱਲ ਵਸੋਂ ਦਾ ਇੱਕ ਤਿਹਾਈ ਹੈ।