ਦੀ ਫ਼ਰੀਦਕੋਟ ਸਹਿਕਾਰੀ ਖੇਤੀਬਾੜੀ ਵਿਕਾਸ ਬੈਂਕ ਲਿਮਟਿਡ ਦੇ ਡਾਇਰੈਕਟਰਾਂ ਵੱਲੋਂ ਚੋਣ ਕੀਤੀ ਗਈ ਜਿਸ ਵਿਚ ਸਰਬਸੰਮਤੀ ਨਾਲ ਨਛੱਤਰ ਸਿੰਘ ਦਾਨਾ ਰੋਮਾਣਾ ਨੂੰ ਬੈਂਕ ਦਾ ਚੇਅਰਮੈਨ ਚੁਣਿਆ ਗਿਆ ਜਦ ਕਿ ਸੀਨੀਅਰ ਮੀਤ ਪ੍ਰਧਾਨ ਜਸਵਿੰਦਰ ਸਿੰਘ ਜੱਸ ਕਾਉਣੀ, ਮੀਤ ਪ੍ਰਧਾਨ ਲਖਵੀਰ ਸਿੰਘ ਗੋਲੇਵਾਲਾ ਅਤੇ ਸਹਿਕਾਰੀ ਖੇਤੀਬਾੜੀ ਵਿਕਾਸ ਬੈਂਕ ਲਿਮਟਿਡ ਚੰਡੀਗੜ੍ਹ ਦਾ ਨੁਮਾਇੰਦਾ ਹਰਜੀਤ ਸਿੰਘ ਫਰੀਦਕੋਟ ਨੂੰ ਚੁਣਿਆ ਗਿਆ।ਚੋਣ ਉਪਰੰਤ ਸਮੂਹ ਬੈਂਕ ਦੇ ਡਾਇਰੈਕਟਰ ਅਤੇ ਚੇਅਰਮੈਨ ਚੁਣੇ ਜਾਣ ਤੇ ਮੁੱਖ ਮੰਤਰੀ ਅਤੇ ਹਲਕਾ ਵਿਧਾਇਕ ਕੁਸ਼ਲਦੀਪ ਸਿੰਘ ਢਿੱਲੋਂ ਨਾਲ ਮੁਲਾਕਾਤ ਕੀਤੀ। ਨਵੇਂ ਚੁਣੇ ਗਏ ਡਾਇਰੈਕਟਰ ਜਿੰਨ੍ਹਾਂ ਵਿਚ ਪਰਮਜੀਤ ਕੌਰ ਖਾਰਾ, ਸਰੋਜ ਬਾਲਾ ਪੰਜ ਗਰਾਂਈ ਕਲਾਂ, ਜਲੌਰ ਸਿੰਘ ਸਿਰਸੜੀ, ਗੁਰਭਜਨ ਸਿੰਘ ਸਾਧਾਂਵਾਲਾ ਅਤੇ ਨਾਇਬ ਸਿੰਘ ਜੰਡਵਾਲਾ ਸ਼ਾਮਿਲ ਹਨ। ਉਨ੍ਹਾਂ ਸਾਰਿਆਂ ਨੂੰ ਦੀ ਫ਼ਰੀਦਕੋਟ ਸਹਿਕਾਰੀ ਖੇਤੀਬਾੜੀ ਵਿਕਾਸ ਬੈਂਕ ਲਿਮਟਿਡ ਦੇ ਚੇਅਰਮੈਨ ਅਤੇ ਹੋਰ ਅਹੁਦੇਦਾਰ ਚੁਣੇ ਜਾਣ ਤੇ ਖੁਸ਼ੀ ਦਾ ਇਜ਼ਹਾਰ ਕਰਦਿਆਂ ਕਰਦਿਆਂ ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੀ ਹੋਰ ਜਿੰਮੇਵਾਰੀ ਵਧ ਗਈ ਹੈ ਇਸ ਲਈ ਆਪਣੇ ਪ੍ਰਤੀ ਲੱਗੇ ਫ਼ਰਜ਼ਾਂ ਨੂੰ ਤਨਦੇਹੀ ਨਾਲ ਨਿਭਾਉਣ। ਜ਼ਿਕਰਯੋਗ ਹੈ ਕਿ ਇਸ ਵਿਚ ਕੁੱਲ 09 ਡਾਇਰੈਕਟਰ ਚੁਣੇ ਗਏ ਹਨ ਜਿੰਨ੍ਹਾਂ ਵੱਲੋਂ ਚੇਅਰਮੈਨ ਅਤੇ ਹੋਰ ਅਹੁਦੇਦਾਰਾਂ ਦੀ ਚੋਣ ਕੀਤੀ ਜਾਂਦੀ ਹੈ। ਇਸ ਮੌਕੇ ਪ੍ਰਧਾਨ ਨਗਰ ਕੌਂਸਲ ਅਮਰ ਕੁਮਾਰ ਬੀਨੂੰ, ਡਾ. ਰੇਸ਼ਮ ਸਿੰਘ, ਸ਼ਿਵਰਾਜ ਸਿੰਘ ਸਾਦਿਕ,ਬਲਵੰਤ ਸਿੰਘ ਭਾਣਾ,ਬਲਕਰਨ ਸਿੰਘ ਨੰਗਲ ਤੋਂ ਇਲਾਵਾ ਵੱਡੀ ਗਿਣਤੀ ਵਿਚ ਸਮਰਥੱਕ ਹਾਜ਼ਰ ਸਨ।