ਮਿਸ਼ਨ ਤੰਦਰੁਸਤ ਪੰਜਾਬ ਤਹਿਤ ਡੇਅਰੀ ਵਿਕਾਸ ਬੋਰਡ ਵਲੌ ਰੁਪਨਗਰ ਸ਼ਹਿਰ ਵਿਚ ਦੁੱਧ ਖਪਤਕਾਰ ਜਾਗਰੂਕਤਾ ਮੁਹਿੰਮ ਤਹਿਤ ਮੋਬਾਇਲ ਲੈਬੋਟਰੀ ਰਾਂਹੀ ਕੈਂਪ ਦਾ ਆਯੋਜਿਤ ਕੀਤਾ ਗਿਆ ਜਿਸ ਦਾ ਉਦਘਾਟਨ ਗੁਰਮੋਹਣ ਸਿੰਘ ਸਮਾਜ ਸੈਵੀ ਵਲੌ ਕੀਤਾ ਗਿਆ। ਇਸ ਕੈਪ ਦੋਰਾਨ ਦਰਸ਼ਨ ਸਿੰਘ ਡੇਅਰੀ ਟੈਕਨੋਲੋਜਿਸਟ ਨੇ ਦਸਿਆ ਕਿ ਇਸ ਦੁੱਧ ਖਪਤਕਾਰ ਜਾਗਰੂਕਤਾ ਮੁਹਿੰਮ ਦਾ ਮੰਤਵ ਦੁੰਧ ਖਪਤਕਾਰਾਂ ਨੂੰ ਦੁੱਧ ਦੀ ਬਣਤਰ,ਮਨੁੱਖੀ ਸਿਹਤ ਲਈ ਇਸ ਦਾ ਮਹੱਤਵ ਅਤੇ ਇਸ ਵਿਚ ਸੰਭਾਵਿਤ ਮਿਲਾਵਟਾਂ ਸਬੰਧੀ ਜਾਣਕਾਰੀ ਦੇਣਾ ਹੈ। ਉਨ੍ਹਾਂ ਇਹ ਵੀ ਸ਼ਪਸਟ ਕੀਤਾ ਕਿ ਇਸ ਜਾਗਰੂਕਤਾ ਮੁਹਿੰਮ ਤਹਿਤ ਹੀ ਖਪਤਕਾਰ ਦੁੱਧ ਵਿਚ ਮਿਲਾਵਟ ਦੀ ਸੰਭਾਵਨਾ ਖਤਮ ਕਰ ਸਕਦਾ ਹੈ। ਅੱਜ ਦੇ ਇਸ ਕੈਪ ਦੋਰਾਨ 44 ਖਪਤਕਾਰਾਂ ਵਲੌ ਦੁੱਧ ਦੇ ਸੈਂਪਲ ਲਿਆਦੇ ਗਏ ਜਿਹਨਾ ਨੂੰ ਟੈਸਟ ਕਰਕੇ ਲਿਖਤ ਰੂਪ ਵਿਚ ਨਤੀਜੇ ਮੋਕੇ ਤੇ ਹੀ ਮੁਫਤ ਦਿੱਤੇ ਗਏ।ਉਨ੍ਹਾਂ ਇਹ ਵੀ ਦਸਿਆ ਕਿ ਇਹਨਾ ਵਿਚੋਂ 38 ਨਮੁਨੇ ਮਿਆਰਾਂ ਅਨੁਸਾਰ ਪਾਏ ਗਏ ਅਤੇ ਬਾਕੀ 6 ਨਮੂਨਿਆਂ ਵਿਚ ਪਾਣੀ ਦੀ ਮਿਲਾਵਟ ਪਾਈ ਗਈ ਜਿਸ ਦੀ ਮਿਕਦਾਰ 12 ਫੀ ਸਦੀ ਤੌ 19 ਫੀ ਸਦੀ ਤੱਕ ਸੀ।ਉਨ੍ਰਾਂ ਇਹ ਵੀ ਦਸਿਆ ਕਿ ਪਾਣੀ ਦੀ ਮਿਲਾਵਟ ਤੌਂ ਇਲਾਵਾ ਕਿਸੇ ਵੀ ਸੈਂਪਲ ਵਿਚ ਹਾਨੀਕਾਰਕ/ਬਾਹਰੀ ਪਦਾਰਥ ਨਹੀ ਪਾਏ ਗਏ।ਉਨ੍ਰਾਂ ਇਹ ਵੀ ਦਸਿਆ ਕਿ ਕੈਪਾਂ ਤੌ ਇਲਾਵਾ ਸਾਰੇ ਵਿਭਾਗੀ ਦਫਤਰਾਂ ਵਿਚ ਦੁੱਧ ਦੀ ਪਰਖ ਮੁਫਤ ਕਰਵਾਈ ਜਾ ਸਕਦੀ ਹੈ।ਕਿਸੇ ਵੀ ਥਾਂ ਤੇ ਵਿਸੇਸ ਤੌਰ ਤੇ ਅਜਿਹਾ ਕੈਪ ਆਯੋਜਿਤ ਕਰਾਉਣ ਲਈ ਜਿਲ੍ਹਾ ਪੱਧਰੀ ਦਫਤਰਾਂ ਜਾਂ ਹੈਲਪ ਲਾਈਨ ਨੰਬਰ 01881-222028 ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ। ਇਸ ਮੋਕੇ ਪੰਜਾਬ ਡੇਅਰੀ ਵਿਕਾਸ ਬੋਰਡ ਦੇ ਅਮਲੇ ਅਤੇ ਖਪਤਕਾਰਾਂ ਤੌ ਇਲਾਵਾ ਮੈਡਮ ਪਰਮਜੀਤ ਕੌਰ, ਵੰਦਨਾ ਕੁਮਾਰੀ , ਸੰਦੀਪ ਕੌਰ,ਨਿਰਮਲਾ,ਤੇਜਿੰਦਰ ਕੌਰ ,ਹਰਦੀਪ ਕੌਰ,ਹਰਬੰਸ ਕੌਰ,ਕੁਲਵਿੰਦਰ ਕੌਰ,ਮੋਨਿਕਾ ਰਾਣੀ ਡੀ.ਐਫ.ਏ,ਸ਼੍ਰੀ ਮੁਹੰਮਦ ਹਾਸ਼ਮ ,ਸ਼ੀ ਰਮੇਸ਼ , ਸ਼੍ਰੀ ਪ੍ਰੇਮ ਚੰਦ,ਸ਼੍ਰੀ ਨਿਰਮਲ ਸਿੰਘ,ਸ਼੍ਰੀ ਨਰੇਸ ਕੁਮਾਰ,ਸ਼੍ਰੀ ਗੁਰਦੀਪ ਸਿੰਘ ਅਤੇ ਹੋਰ ਪਤਵੰਤੇ ਹਾਜਰ ਸਨ।