ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਵਿਭਾਗ ਬਰਨਾਲਾ ਵੱਲੋਂ ਤੰਦਰੁਸਤ ਪੰਜਾਬ ਮਿਸ਼ਨ ਤਹਿਤ ਵੱਖ ਵੱਖ ਬਲਾਕਾਂ ਵਿੱਚ ਮੁੱਖ ਖੇਤੀਬਾੜੀ ਅਫਸਰ ਬਰਨਾਲਾ ਡਾ. ਰਛਪਾਲ ਸਿੰਘ ਖੋਸਾ ਦੇ ਦਿਸ਼ਾਂ ਨਿਰਦੇਸ਼ਾਂ ਹੇਠ ਟੀਮਾਂ ਦਾ ਗਠਨ ਕੀਤਾ ਗਿਆ। ਜਿਸ ਵਿੱਚ ਬਰਨਾਲਾ ਬਲਾਕ ਵਿੱਚ ਖੇਤੀਬਾੜੀ ਵਿਕਾਸ ਅਫ਼ਸਰ ਡਾ. ਸੁਖਪਾਲ ਸਿੰਘ, ਡਾ. ਗੁਰਮੀਤ ਸਿੰਘ, ਸੋਨੀ ਖਾਨ, ਏ ਟੀ ਐਮ ਬਰਨਾਲਾ ਵੱਲੋਂ ਭੈਣੀ ਮਹਿਰਾਜ ਵਿੱਚੋਂ ਮਿੱਟੀ ਦੇ 28 ਅਤੇ ਪਾਣੀ ਦੇ 5 ਸੈਂਪਲ ਲਏ ਗਏ। ਇਸ ਤਹਿਤ ਸ਼ਹਿਣਾ ਬਲਾਕ ਵਿੱਚ ਖੇਤੀਬਾੜੀ ਵਿਕਾਸ ਅਫ਼ਸਰ ਡਾ. ਗੁਰਬਿੰਦਰ ਸਿੰਘ, ਨਵਦੀਪ ਸਿੰਘ, ਜਸਵਿੰਦਰ ਸਿੰਘ, ਬੀ. ਟੀ. ਐਮ. ਤੇ ਹੋਰ ਸਟਾਫ ਨੇ ਸ਼ਹਿਣਾ ਵਿੱਚੋਂ ਮਿੱਟੀ ਦੇ 35 ਪਾਣੀ ਦੇ 14 ਸੈਂਪਲ ਲਏ, ਮਹਿਲਕਲਾਂ ਬਲਾਕ ਵਿੱਚ ਚਰਨ ਰਾਮ ਏ ਈ ਓ, ਹਰਪਾਲ ਸਿੰਘ, ਏ ਐਸ ਆਈ ਅਤੇ ਸਟਾਫ ਨੇ ਚੰਨਣਵਾਲ ਪਿੰਡ ਵਿੱਚੋ ਮਿੱਟੀ ਦੇ 25 ਅਤੇ ਪਾਣੀ ਦੇ 15 ਸੈਂਪਲ ਲਏ ਗਏ। ਬਰਨਾਲਾ ਜ਼ਿਲੇ ਦੇ ਮਿੱਟੀ ਦੇ ਕੁੱਲ 88 ਅਤੇ ਪਾਣੀ ਦੇ 34 ਸੈਂਪਲ ਲਏ ਗਏ। ਜਿਨਾਂ ਸੈਪਲਾਂ ਨੂੰ ਮੁੱਖ ਖੇਤੀਬਾੜੀ ਦਫ਼ਤਰ ਵਿੱਚ ਸਥਿਤ ਭੂਮੀ ਪਰਖ ਲੈਬਾਟਰੀ ਵਿੱਚ ਟੈਸਟ ਕਰਨ ਉਪਰੰਤ ਕਿਸਾਨਾਂ ਨੂੰ ਸਾਇਲ ਹੈਲਥ ਕਾਰਡ ਜਾਰੀ ਕਰ ਦਿੱਤੇ ਜਾਣਗੇ। ਇਸ ਮੌਕੇ ਬਲਾਕ ਸ਼ਹਿਣਾ ਵਿੱਚ ਖੇਤੀਬਾੜੀ ਅਫ਼ਸਰਾਂ ਨੇ ਕਿਸਾਨਾਂ ਨੂੰ ਅਪੀਲ ਕੀਤੀ ਕਿ ਡੀ ਏ ਪੀ ਖਾਦ ਮਿੱਟੀ ਪਰਖ ਦੇ ਆਧਾਰ ਤੇ ਹੀ ਪਾਉਣੀ ਚਾਹੀਦੀ ਹੈ, ਜਿਨਾਂ ਕਿਸਾਨਾਂ ਨੇ ਕਣਕ ਦੀ ਫ਼ਸਲ ਸਮੇਂ ਡੀ ਏ ਪੀ ਖਾਦ ਦੀ ਵਰਤੋਂ ਕੀਤੀ ਗਈ ਸੀ, ਉਹਨਾਂ ਖੇਤਾਂ ਵਿੱਚ ਝੋਨੇ ਦੀ ਫਸਲ ਨੂੰ ਡੀ ਏ ਪੀ ਖਾਦ ਪਾਉਣ ਦੀ ਜਰੂਰਤ ਨਹੀਂ ਹੈ। ਉਹਨਾਂ ਇਹ ਵੀ ਦੱਸਿਆ ਕਿ ਭੂਮੀ ਪਰਖ ਲੈਬੋਰਟਰੀ ਬਰਨਾਲਾ ਵਿਖੇ ਮਿੱਟੀ ਅਤੇ ਪਾਣੀ ਟੈਸਟ ਮੁਫ਼ਤ ਕੀਤੇ ਜਾਂਦੇ ਹਨ।