ਰਾਜ ਬਚਨ ਸਿੰਘ ਸੰਧੂ, ਪੀ.ਪੀ.ਐਸ, ਸੀਨੀਅਰ ਕਪਤਾਨ ਪੁਲਿਸ ਰੂਪਨਗਰ ਨੇ ਪ੍ਰੈਸ ਨੋਟ ਰਾਂਹੀ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਜਿਲ੍ਹਾ ਪੁਲਿਸ ਵੱਲੋ ਮਾੜੇ ਅਨਸਰਾਂ ਖਿਲਾਫ ਚਲਾਈ ਮੁਹਿੰਮ ਤਹਿਤ ਅਸਲਾ ਐਮੂਨੇਸ਼ਨ ਦੀ ਇੱਕ ਵੱਡੀ ਖੇਪ ਬ੍ਰਾਮਦ ਕਰਨ ਵਿੱਚ ਸਫਲਤਾ ਪ੍ਰਾਪਤ ਕੀਤੀ ਹੈ। ਜਿਹਨਾਂ ਨੇ ਹੋਰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਮੁਕੱਦਮਾ ਨੰ. 60 ਮਿਤੀ 23.03.2018 ਅ/ਧ 379,34 ਹਿੰ.ਦੰ. ਥਾਣਾ ਸਿਟੀ ਰੂਪਨਗਰ ਦੀ ਤਫਤੀਸ਼ ਇੰਸ. ਅਤੁਲ ਸੋਨੀ ਇੰਚਾਰਜ ਸੀ.ਆਈ.ਏ. ਸਟਾਫ ਰੂਪਨਗਰ ਅਤੇ ਥਾ. ਬਲਵਿੰਦਰ ਕੁਮਾਰ ਸੀ.ਆਈ.ਏ. ਸਟਾਫ ਰੂਪਨਗਰ ਦੀ ਟੀਮ ਵੱਲੋ ਡੂੰਘਾਈ ਨਾਲ ਕੀਤੀ ਜਾ ਰਹੀ ਸੀ, ਜੋ ਇਸ ਮੁਕੱਦਮਾ ਦੇ ਦੋਸ਼ੀ ਸੁਖਬੀਰ ਸਿੰਘ ਪੁੱਤਰ ਗੁਰਿੰਦਰ ਸਿੰਘ ਅਤੇ ਪ੍ਰੇਮ ਮਸੀਹ ਪੱੁਤਰ ਕਸ਼ਮੀਰ ਮਸੀਹ ਵਾਸੀਆਨ ਕੋਟਲਾ ਨਿਹੰਗ ਥਾਣਾ ਸਿੰਘ ਭਗਵੰਤਪੁਰ ਜਿਲ਼੍ਹਾ ਰੂਪਨਗਰ ਨੇ ਇੰਕਸਾਫ ਕੀਤਾ ਕਿ ਉਹਨਾਂ ਨੇ ਚੋਰੀ ਕੀਤੇ ਮੋਟਰਸਾਇਕਲ ਭਾਖੜਾ ਮੇਨ ਲਾਈਨ ਨਹਿਰ ਵਿੱਚ ਸੱੁਟ ਦਿੱਤੇ ਸਨ। ਜੋ ਨਹਿਰ ਵਿੱਚ ਸਰਚ ਅਭਿਆਨ ਤਹਿਤ ਰੰਗੀਲਪੁਰ ਵੱਡੇ ਪੁਲ ਦੇ ਨਜ਼ਦੀਕ ਨਹਿਰ ਵਿਚੋ ਗੋਤਾਖੋਰਾਂ ਦੀ ਮਦਦ ਨਾਲ ਇੱਕ ਥੈਲਾ ਪਲਾਸਟਿਕ ਬ੍ਰਾਮਦ ਹੋਇਆ, ਜੋ ਥੈਲੇ ਵਿੱਚੋ ਇੱਕ ਵਿਦੇਸ਼ੀ ਗੰਨ, ਇੱਕ ਪਿਸਟਲ .38 ਬੌਰ, ਦੇਸੀ ਕੱਟਾ .12 ਬੌਰ ਅਤੇ 02 ਮੈਗਜੀਨ ਵਿਦੇਸ਼ੀ ਗੰਨ ਸਮੇਤ 206 ਕਾਰਤੂਸ (19 ਚਲੇ ਹੋਏ ਅਤੇ 187 ਅਣਚਲੇ ਹੋਏ) ਵੱਖੑਵੱਖ ਬੌਰ ਦੇ ਬ੍ਰਾਮਦ ਹੋਏ। ਇਹ ਅਸਲਾ ਮਾੜੇ ਅਨਸਰਾਂ ਵੱਲੋ ਜਾਂ ਗੈਂਗਸਟਰਾਂ ਵੱਲੋ ਪੁਲਿਸ ਦੇ ਵੱਧਦੇ ਹੋਏ ਦਬਾਅ ਨੂੰ ਦੇਖਦੇ ਹੋਏ ਛੁੱਪਾ ਕੇ ਰੱਖਿਆ ਹੋਇਆ ਹੋ ਸਕਦਾ ਹੈ। ਜਿਸ ਸਬੰਧੀ ਮੁਕੱਦਮਾ ਨੰ. 29 ਮਿਤੀ 28.03.2018 ਅ/ਧ 25—54—59 ਅਸਲਾ ਐਕਟ ਥਾਣਾ ਸਿੰਘ ਭਗਵੰਤਪੁਰ ਦਰਜ਼ ਰਜਿਸਟਰ ਕਰਕੇ ਇਸ ਦੀ ਗਹਿਰਾਈ ਨਾਲ ਤਫਤੀਸ਼ ਕੀਤੀ ਜਾ ਰਹੀ ਹੈ ਕਿ ਇਸ ਅਸਲੇ ਦਾ ਸਬੰਧ ਕਿਸੇ ਮੌਜੂਦਾ ਗੈਂਗਸਟਰ ਗਤੀਵਿਧੀਆਂ ਨਾਲ ਤਾਂ ਨਹੀ ਹੈ। ਇਸ ਅਸਲੇ ਦੇ ਬ੍ਰਾਮਦ ਹੋ ਜਾਣ ਨਾਲ ਕਿਸੇ ਵੱਡੀ ਘਟਨਾ ਦੇ ਵਾਪਰਨ ਤੋ ਪਹਿਲਾਂ ਹੀ ਉਸ ਪਰ ਕਾਬੂ ਪਾ ਲਿਆ ਗਿਆ ਹੈ। ਇਸ ਅਸਲੇ ਨਾਲ ਸਬੰਧਤ ਦੋਸ਼ੀ/ਦੋਸ਼ੀਆਂ ਦੀ ਸਰਗਰਮੀ ਨਾਲ ਭਾਲ ਕੀਤੀ ਜਾ ਰਹੀ ਹੈ, ਜਿਹਨਾਂ ਦੇ ਕਾਬੂ ਆਉਣ ਤੇ ਹੋਰ ਵੀ ਵੱਡੇ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ