ਰਤਨ ਗਰੁੱਪ ਆਫ਼ ਇੰਸਟਿਚਿਊਸ਼ਨਜ਼, ਸੋਹਾਣਾ ਦੀ ਮੈਨੇਜਮੈਂਟ ਵੱਲੋਂ ਫੋਰਟਿਸ ਹਸਪਤਾਲ ਦੇ ਸਹਿਯੋਗ ਨਾਲ ਵਿਦਿਆਰਥਣਾਂ ਨੂੰ ਮੁੱਢਲੀ ਸਹਾਇਤਾ ਦੇ ਤਰੀਕੇ ਦੱਸੇ ਗਏ । ਇਸ ਸੈਮੀਨਾਰ ਦਾ ਮੁੱਖ ਮੰਤਵ ਕਿਸੇ ਐਮਰਜੈਂਸੀ ਦੇ ਦੌਰਾਨ ਜ਼ਖਮੀ ਵਿਅਕਤੀ ਨੂੰ ਪ੍ਰਥਾਮਿਕ ਚਕਿਤਸਾ ਦੇ ਕੇ ਉਸ ਦੀ ਅਣਮੁੱਲੀ ਜਾਨ ਬਚਾਉਣ ਦੇ ਤਰੀਕਿਆਂ ਨਾਲ ਵਿਦਿਆਰਥੀਆਂ ਨਾਲ ਜਾਣੂ ਕਰਾਉਣਾ ਸੀ। ਇਸ ਕੈਂਪ 'ਚ ਜਿੱਥੇ ਵਿਦਿਆਰਥੀਆਂ ਨੂੰ ਪ੍ਰਥਾਮਿਕ ਸਹਾਇਤਾ ਦੇ ਤਰੀਕੇ ਦੱਸੇ ਗਏ ਉੱਥੇ ਹੀ ਡਰਾਈਵਰਾਂ ਸਮੇਤ ਸਕੂਲ ਦੇ ਸਮੂਹ ਸਟਾਫ਼ ਨੂੰ ਵੀ ਇਸ ਕੈਂਪ 'ਚ ਹਿੱਸਾ ਲਿਆ । ਫਰੋਟਿਜ਼ ਹਸਪਤਾਲ ਦੀ ਡਿਪਟੀ ਚੀਫ਼ ਨਰਸਿੰਗ ਅਫ਼ਸਰ ਰਵਨੀਤ ਕੌਰ, ਕਲੀਨਿਕ ਇੰਸਟਰਕਟਰ ਜਸਪ੍ਰੀਤ ਕੌਰ ਅਤੇ ਹਰਵਿੰਦਰ ਕੌਰ ਨੇ ਮਿਲ ਕੇ ਵਿਦਿਆਰਥੀਆਂ ਨੂੰ ਇਹ ਵਡਮੁੱਲੀ ਜਾਣਕਾਰੀ ਦਿਤੀ।ਵਿਦਿਆਰਥੀਆਂ ਨੂੰ ਮੁੱਢਲੀ ਸਹਾਇਤਾ ਬਾਰੇ ਜਾਣਕਾਰੀ ਦਿੰਦੇ ਹੋਏ ਡਾਕਟਰਾਂ ਦੀ ਟੀਮ ਨੇ ਜ਼ਖਮੀ ਵਿਅਕਤੀ,,ਸੱਪ ਜਾਂ ਮਧੂ ਮੱਖੀ ਡੰਗਣ ਤੇ ਇਲਾਜ,ਅੱਖਾਂ 'ਚ ਕਿਸੇ ਤਰਾਂ ਦੀ ਸੱਟ ਜਾਂ ਕੁੱਝ ਚਲੇ ਜਾਣ ਆਦਿ ਜਿਹੇ ਅਹਿਮ ਮੁੱਦਿਆਂ ਤੇ ਵਡਮੁੱਲੀ ਜਾਣਕਾਰੀ ਦਿਤੀ ।ਇਸ ਮੌਕੇ ਰਤਨ ਗਰੁੱਪ ਦੇ ਚੇਅਰਮੈਨ ਸੁੰਦਰ ਲਾਲ ਅਗਰਵਾਲ ਨੇ ਵਿਦਿਆਰਥੀਆਂ ਨੂੰ ਮੁੱਢਲੀ ਚਕਿਤਸਾ ਬਾਰੇ ਜਾਗਰੂਕ ਕਰਦੇ ਹੋਏ ਕਿਹਾ ਕਿ ਮੁੱਢਲੀ ਚਕਿਤਸਾ ਨਾਲ ਨਾ ਸਿਰਫ਼ ਜ਼ਖਮੀ ਵਿਅਕਤੀ ਦੀ ਮਦਦ ਕੀਤੀ ਜਾ ਸਕਦੀ ਹੈ ਬਲਕਿ ਉਸ ਦੀ ਕੀਮਤੀ ਜਾਨ ਵੀ ਬਚਾਈ ਜਾ ਸਕਦੀ ਹੈ । ਉਨ੍ਹਾਂ ਅੱਗੇ ਕਿਹਾ ਕਿ ਮੁੱਢਲੀ ਚਕਿਤਸਾ ਦੀ ਜਾਣਕਾਰੀ ਹਰ ਵਿਅਕਤੀ ਲਈ ਜਾਣਕਾਰੀ ਹੋਣਾ ਸਰਕਾਰ ਵੱਲੋਂ ਜ਼ਰੂਰੀ ਕਰਨਾ ਚਾਹੀਦਾ ਹੈ ਕਿਉਂਕਿ ਜੇਕਰ ਹਰ ਇਨਸਾਨ ਮੁੱਢਲੀ ਚਿਕਿਤਸਾ ਬਾਰੇ ਜਾਣੂ ਹੋਏਗਾ ਤਾਂ ਰੋਜ਼ਾਨਾ ਸੜਕ ਹਾਦਸਿਆਂ 'ਚ ਹੀ ਮਰਨ ਵਾਲੇ ਹਜ਼ਾਰਾਂ ਲੋਕਾਂ ਦੀਆਂ ਕੀਮਤੀ ਜਾਨਾਂ ਮੁੱਢਲੀ ਚਕਿਤਸਾ ਨਾਲ ਬਚਾਈਆਂ ਜਾ ਸਕਣਗੀਆਂ ।ਇਸ ਦੌਰਾਨ ਨਾ ਸਿਰਫ਼ ਵਿਦਿਆਰਥੀਆਂ ਬਹੁਤ ਸੁਚੱਜੇ ਢੰਗ ਨਾਲ ਮੁੱਢਲੀ ਚਕਿਤਸਾ ਬਾਰੇ ਜਾਣਕਾਰੀ ਲਈ ਬਲਕਿ ਕਿਸੇ ਵੀ ਮੁਸ਼ਕਲ ਦੀ ਹਾਲਤ 'ਚ ਲੋੜਵੰਦ ਵਿਅਕਤੀ ਦੀ ਮਦਦ ਕਰਨ ਦਾ ਪ੍ਰਣ ਲਿਆ । ਇਸ ਵਡਮੁੱਲੀ ਜਾਣਕਾਰੀ ਲਈ ਮੈਂਨਜ਼ਮੈਂਟ ਵੱਲੋਂ ਫੋਰਟਿਸ ਹਸਪਤਾਲ ਦੇ ਡਾਕਟਰਾਂ ਦੀ ਟੀਮ ਨੂੰ ਸਨਮਾਨਿਤ ਵੀ ਕੀਤਾ ਗਿਆ।