ਲਾਲੜੂ ਮੰਡੀ ਵਿੱਚ ਪੰਜਾਬ ਸਰਕਾਰ ਦੀ ਲਾਟਰੀ ਦੀ ਆੜ ਵਿੱਚ ਭੋਲੇ ਭਾਲੇ ਲੋਕਾ ਨਾਲ ਧੋਖਾਧੜੀ ਕਰਨ ਵਾਲੇ ਪੁਲਿਸ ਨੇ ਗ੍ਰਿਫਤਾਰ ਕੀਤੇ ਜੋ ਹੱਥ ਲਿਖਤ ਪਰਚੀ ਦੇ ਕੇ, ਵੱਡੇ ਇਨਾਮਾ ਦਾ ਝਾਂਸਾ ਦੇ ਕੇ ਲੋਕਾ ਨਾਲ ਧੋਖਾਧੜੀ ਕਰਦੇ ਸਨ। ਇਹ ਜਾਣਕਾਰੀ ਦਿੰਦਿਆਂ ਐਸ.ਪੀ.ਪੁਲਿਸ (ਜਾਂਚ) ਸ੍ਰੀ ਹਰਬੀਰ ਸਿੰਘ ਅਟਵਾਲ ਅਤੇ ਉਪ ਕਪਤਾਨ ਪੁਲਿਸ(ਜਾਂਚ) ਮੋਹਾਲੀ ਗੁਰਵਿੰਦਰ ਸਿੰਘ ਨੇ ਦੱਸਿਆ ਹੈ ਕਿ ਸ੍ਰੀ ਕੁਲਦੀਪ ਸਿੰਘ ਚਾਹਲ ਆਈ.ਪੀ.ਐਸ ਜਿਲਾ੍ਹ ਪੁਲਿਸ ਮੁੱਖੀ ਐਸ.ਏ.ਐਸ ਨਗਰ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਜਿਲ੍ਹੇ ਅੰਦਰ ਸਰਕਾਰੀ ਲਾਟਰੀ ਦੀ ਆੜ ਵਿੱਚ ਲੱਗ ਰਹੇ ਦੜਾ ਸੱਟਾ ਤੇ ਕਾਬੂ ਪਾਉੇਣ ਲਈ ਅਤੇ ਭੋਲੇ ਭਾਲੇ ਲੋਕਾਂ ਨੂੰ ਠੱਗੀ ਦਾ ਸ਼ਿਕਾਰ ਹੋਣ ਤੋ ਬਚਾਉਣ ਲਈ ਇੰਸਪੈਕਟਰ ਤਰਲੋਚਨ ਸਿੰਘ ਇੰਚਾਰਜ ਸੀ.ਆਈ.ਏ ਸਟਾਫ ਮੁਹਾਲੀ ਦੀ ਨਿਗਰਾਨੀ ਹੇਠ ਏ.ਐਸ.ਆਈ ਗੁਰਪ੍ਰਤਾਪ ਸਿੰਘ ਨੇ ਸਮੇਤ ਪੁਲਿਸ ਪਾਰਟੀ ਦੌਰਾਨੇ ਗਸਤ ਮੁਖਬਰ ਖਾਸ ਦੀ ਇਤਲਾਹ ਤੇ ਅਮਨਦੀਪ ਕੁਮਾਰ ਉਰਫ ਅਮਨ ਪੁੱਤਰ ਸ਼ਾਮ ਲਾਲ, ਵਰਿੰਦਰ ਮਿਤਲ ਪੁਤਰ ਅਸ਼ੋਕ ਮਿਤਲ, ਸੁਖਵੀਰ ਸਿੰਘ ਪੁਤਰ ਰਾਮ ਦਾਸ ਵਾਸੀਅਨ ਘਨੋਰ ਜਿਲਾ ਪਟਿਆਲਾ ਜੋ ਕਿ ਲਾਲੜੂ ਮੰਡੀ ਵਿੱਚ ਪੰਜਾਬ ਸਰਕਾਰ ਦੀ ਲਾਟਰੀ ਦੀ ਆੜ ਵਿੱਚ ਭੋਲੇ ਭਾਲੇ ਲੋਕਾ ਨਾਲ ਹੱਥ ਲਿਖਤ ਪਰਚੀ ਦੇ ਕੇ, ਵੱਡੇ ਇਨਾਮਾ ਦਾ ਝਾਂਸਾ ਦੇ ਕੇ ਲੋਕਾ ਨਾਲ ਧੋਖਾਧੜੀ ਕਰਦੇ ਸਨ ਨੂੰ ਥਾਣਾ ਲਾਲੜੂ ਜਿਲਾ ਐਸ.ਏ.ਐਸ ਨਗਰ ਦਰਜ ਰਜਿਸਟਰ ਕਰਾਕੇ ਰਾਣਾ ਮਾਰਕੀਟ ਦੁਕਾਨ ਵਿੱਚ ਦੜਾ ਸੱਟਾ ਲਗਾਉਂਦੇ ਸਮੇ ਗ੍ਰਿਫਤਾਰ ਕੀਤਾ, ਜਿਨਾ ਪਾਸੋ 10,070 ਰੁਪਏ ਦੀ ਕਰੰਸੀ ਨੋਟ ਤੇ ਕੰਮਪਿਊੇਟਰ, ਯੂ.ਪੀ.ਐਸ, ਸਮੇਤ ਪ੍ਰਿੰਟਰ ਬਰਾਮਦ ਕੀਤਾ ਗਿਆ ਮੁਕੱਦਮਾ ਦੀ ਤਕਮੀਲ ਤਫਤੀਸ ਜਾਰੀ ਹੈ।