ਸਰਬੱਤ ਦੇ ਭਲੇ ਲਈ ਕੜੀ ਚਾਵਲ ਦੇ ਜੱਗ ਦਾ ਵਿਸ਼ਾਲ ਆਯੋਜਨ ਕੀਤਾ ਗਿਆ
Web Admin
5 ਦਰਿਆ ਨਿਊਜ਼
îà¯ð , 19 Aug 2013
Last updated on: Aug 19, 2013, 00:00 IST
ਸਰਬੱਤ ਦੇ ਭਲੇ ਦੀ ਕਾਮਨਾ ਕਰਦੇ ਹੋਏ ਬਾਬਾ ਬਾਲ ਭਾਰਤੀ ਮਾਰਕੀਟ ਕਮੇਟੀ ਪਿੰਡ ਮਟੋਰ ਵਲੋਂ ਸ਼ਿਵ ਭੋਲੇ ਸ਼ੰਕਰ ਨੂੰ ਸਮਰਪਿਤ ਅੱਜ ਕੜੀ ਚਾਵਲ ਦੇ ਜੱਗ ਦਾ ਵਿਸ਼ਾਲ ਆਯੋਜਨ ਕੀਤਾ ਗਿਆ। ਕਮੇਟੀ ਦੇ ਸਮੂਹ ਮੈਂਬਰਾਂ ਨੇ ਪਹਿਲਾਂ ਬਾਬਾ ਬਾਲ ਭਾਰਤੀ ਮੰਦਿਰ ਦੇ ਵਿਚ ਮੱਥਾ ਟੇਕਿਆ ਅਤੇ ਉਸ ਤੋਂ ਬਾਅਦ ਲੋਕਾਂ ਵਿਚ ਲੰਗਰ ਵਰਤਾਉਣਾ ਸ਼ੁਰੂ ਕੀਤਾ। ਇਸ ਮੌਕੇ ਜਿਲ੍ਹਾ ਕਾਂਗਰਸ ਕਮੇਟੀ ਮੋਹਾਲੀ ਦੇ ਜਨਰਲ ਸਕੱਤਰ ਕਮ ਮੀਡੀਆ ਇੰਚਾਰਜ ਹਰਕੇਸ਼ ਚੰਦ ਸ਼ਰਮਾ ਮੱਛਲੀ ਕਲਾਂ ਅਤੇ ਸਾਬਕਾ ਕੌਂਸਲਰ ਹਰਪਾਲ ਸਿੰਘ ਚੰਨਾ ਵਲੋਂ ਵਿਸ਼ੇਸ਼ ਤੌਰ 'ਤੇ ਆਪਣੀ ਹਾਜ਼ਰੀ ਲਗਵਾਈ ਅਤੇ ਲੰਗਰ ਦੇ ਵਿਚ ਇਨ੍ਹਾਂ ਆਗੂਆਂ ਵੱਲੋਂ ਸੇਵਾ ਕੀਤੀ ਗਈ। ਇਨ੍ਹਾਂ ਆਗੂਆਂ ਨੇ ਮਾਰਕੀਟ ਵੱਲੋਂ ਲਗਾਏ ਗਏ ਇਸ ਲੰਗਰ ਦੀ ਭਰਵੀਂ ਸਲਾਘਾ ਕੀਤੀ ਅਤੇ ਕਿਹਾ ਕਿ ਅਜਿਹੇ ਕਾਰਜਾਂ ਨਾਲ ਲੋਕਾਂ ਵਿਚ ਆਪਸੀ ਭਾਈਚਾਰੇ ਦੀ ਭਾਵਨਾ ਵਿਚ ਵਾਧਾ ਹੁੰਦਾ ਹੈ। ਉਨ੍ਹਾਂ ਹੋਰਨਾਂ ਸਮਾਜ ਸੇਵੀ ਸੰਸਥਾਵਾਂ ਨੂੰ ਵੀ ਇਸ ਮਾਰਕੀਟ ਦੇ ਚੰਗੇ ਕੀਤੇ ਜਾ ਰਹੇ ਕੰਮਾਂ ਤੋਂ ਪ੍ਰੇਰਨਾ ਲੈਣੀ ਚਾਹੀਦੀ ਹੈ। ਇਸ ਮੌਕੇ ਅੱਜ ਹਜ਼ਾਰਾ ਲੋਕਾਂ ਨੇ ਕੜੀ ਚਾਵਲ ਦਾ ਲੰਗਰ ਖਾ ਕੇ ਆਨੰਦ ਮਾਣਿਆ। ਇਸ ਮੌਕੇ ਮਾਰਕੀਟ ਦੇ ਪ੍ਰਧਾਨ ਮਹਿੰਦਰ ਲਾਲਾ ਸਮਾਜ ਸੇਵੀ ਆਗੂ ਪ੍ਰਦੀਪ ਕੁਮਾਰ ਸੋਨੀ, ਮੱਖਣ ਸਿੰਘ, ਰਮੇਸ਼ ਕੁਮਾਰ, ਨਰਿੰਦਰ ਕੁਮਾਰ ਬਿੱਟੂ ਗੰਭੀਰ, ਅਸ਼ਵਨੀ ਕੁਮਾਰ, ਜਿਮੀਦਾਰਾ ਢਾਬੇ ਦੇ ਮਾਲਕ ਹੈਪੀ, ਕੁਲਵਿੰਦਰ ਸਿੰਘ ਬਿੱਲਾ ਹਾਜ਼ਰ ਸਨ ਅਤੇ ਇਨ੍ਹਾਂ ਸਾਰਿਆਂ ਦੇ ਯਤਨਾਂ ਸਦਕਾ ਅੱਜ ਦਾ ਜੱਗ ਨੇਪਰੇ ਚੜਿਆ।