ਦਵਿੰਦਰ ਸਿੰਘ ਲੋਟੇ ਸਹਾਇਕ ਡਾਇਰੈਕਟਰ, ਯੁਵਕ ਸੇਵਾਵਾਂ, ਲੁਧਿਆਣਾ ਦੀ ਅਗਵਾਈ ਹੇਠ 10 ਦਿਨਾਂ ਅੰਤਰਰਾਜੀ ਦੌਰਾ ਭਾਰਤ ਦੇ ਵੱਖ-ਵੱਖ ਰਾਜਾਂ ਨਾਢਾ ਸਾਹਿਬ, ਪਾਉਂਟਾ ਸਾਹਿਬ (ਹਿਮਾਚਲ ਪ੍ਰਦੇਸ਼), ਦੇਹਰਾਦੂਨ, ਰਿਸ਼ੀਕੇਸ਼, ਹਰਦੁਆਰ, ਜਿੰਮ ਕਾਰਬਟ ਨੈਸ਼ਨਲ ਪਾਰਕ (ਉਤੱਰਾਖੰਡ) ਕਾਸ਼ੀਪੁਰ, ਜਿੰਮ ਕਾਰਬਟ ਫਾਲ, ਨੈਨੀਤਾਲ, ਨਾਨਕਮਤਾ ਸਾਹਿਬ(ਉਤਰਾਖੰਡ) ਤੇ ਮਹਿੰਦਰ ਨਗਰ (ਨੇਪਾਲ) ਥਾਵਾਂ 'ਤੇ ਕਰਵਾਇਆ ਗਿਆ, ਜਿਸ ਵਿੱਚ ਲੁਧਿਆਣਾ/ਮੋਗਾ ਜ਼ਿਲ੍ਹੇ ਦੇ ਵੱਖ- ਵੱਖ ਸਕੂਲਾਂ ਦੀਆਂ ਕੌਮੀ ਸੇਵਾ ਯੋਜਨਾ ਇਕਾਈਆਂ ਦੇ ਵਲੰਟੀਅਰਾਂ, ਯੂਥ ਕਲੱਬਾਂ ਤੇ ਕਾਲਜ਼ਾ ਦੇ ਯੁਵਕ/ਯੁਵਤੀਆਂ ਨੇ ਭਾਗ ਲਿਆ ।ਇਸ ਅੰਤਰਰਾਜ਼ੀ ਦੌਰੇ ਦੌਰਾਨ ਯੁਵਕ/ਯੁਵਤੀਆਂ ਵਲੋਂ ਨੈਨੀਤਾਲ ਵਿਖੇ ਸੱਭਿਆਚਾਰਕ ਪ੍ਰੋਗਰਾਮ ਪੇਸ ਕੀਤੇ ਤੇ ਵੱਖ-ਵੱਖ ਰਾਜਾ ਦੇ ਯੁਵਕ/ਯੁਵਤੀਆਂ ਲੋਕਾ ਨਾਲ ਮਿਲ ਕੇ ਆਪਣੇ ਸੱਭਿਆਚਾਰ ਦਾ ਆਦਾਨ-ਪ੍ਰਦਾਨ ਕੀਤਾ।ਇਸ ਟੂਰ ਦੇ ਭਾਗੀਦਾਰਾਂ ਨੇ ਨੇਪਾਲ ਜਾ ਕੇ ਉਥੋਂ ਦੇ ਲੋਕਾਂ ਦਾ ਵਿਚਾਰ ਵਟਾਂਦਰਾ ਕੀਤਾ ਤੇ ਆਪਣੀ ਸੱਭਿਆਚਾਰਕ ਸਾਂਝ ਵੀ ਪੈਦਾ ਕੀਤੀ।
ਇਸ ਅੰਤਰਰਾਜੀ ਦੌਰੇ ਦੌਰਾਨ ਨਾਲ ਭਾਗੀਦਾਰਾਂ ਦੇ ਵੱਖ-ਵੱਖ ਰਾਜਾ ਦੀ ਧਾਰਮਿਕ, ਇਤਿਹਾਸਕ ਅਤੇ ਭੂਗੋਲਿਕ ਸਥਿਤੀ ਬਾਰੇ ਵੀ ਜਾਣਕਾਰੀ ਪ੍ਰਾਪਤ ਕੀਤੀ । ਇਸ ਦੌਰੇ ਦੌਰਾਨ ਭਾਗੀਦਾਰਾਂ ਨੇ ਖੂਬ ਆਨੰਦ ਮਾਣਿਆ ਤੇ ਅੱਗੇ ਤੋਂ ਅਜਿਹੇ ਦੌਰੇ ਨਿਰੰਤਰ ਜਾਰੀ ਰੱਖਣ ਲਈ ਇੱਛਾ ਜਾਹਿਰ ਕੀਤੀ ।ਸ: ਦਵਿੰਦਰ ਸਿੰਘ ਲੋਟੇ ਵੱਲੋਂ ਦੱਸਿਆ ਗਿਆ ਕਿ ਰਾਸ਼ਟਰੀ ਸਦਭਾਵਨਾ ਅਤੇ ਕੌਮੀ ਏਕਤਾ ਪ੍ਰਫੁੱਲਤ ਕਰਨ ਲਈ ਅੰਤਰਰਾਜ਼ੀ ਟੂਰ ਪ੍ਰੋਗਰਾਮ ਤਹਿਤ ਪੰਜਾਬ ਦੇ ਨੌਜਵਾਨ ਯੁਵਕ/ਯੁਵਤੀਆਂ ਨੂੰ ਭਾਰਤ ਦੇ ਦੂਜੇ ਸੂਬਿਆਂ ਵਿੱਚ ਲਿਜਾਇਆ ਗਿਆ ਹੈ। ਇਸ ਦੌਰੇ ਦੌਰਾਨ ਨੌਜਵਾਨਾਂ ਵਿੱਚ ਮਿੱਤਰਤਾ, ਅਨੁਸਾਸ਼ਨ ਦੀ ਭਾਵਨਾ, ਸ਼ਹਿਣਸੀਲਤਾ, ਇਮਾਨਦਾਰੀ ਤੇ ਇੱਕਠੇ ਰਹਿ ਕੇ ਆਪਣੇ ਸੱਭਿਆਚਾਰ ਨੂੰ ਪ੍ਰਫੱਲਿਤ ਕਰਨ ਦੀ ਭਾਵਨਾ ਪੈਦਾ ਹੋਈ ਹੈ। ਇਸ ਦੌਰੇ ਦੌਰਾਨ ਸ੍ਰੀ ਦਵਿੰਦਰ ਸਿੰਘ ਲੋਟੇ ਸਹਾਇਕ ਡਾਇਰੈਕਟਰ, ਯੁਵਕ ਸੇਵਾਵਾਂ, ਲੁਧਿਆਣਾ, ਸੀ੍ਰ ਚਮਨ ਲਾਲ ਸਟੈਨੋ, ਮਿਸ ਰਾਜ ਬਾਲਾ, ਗੁਰਪ੍ਰੀਤ ਸਿੰਘ, ਗੁਰਚਰਨ ਸਿੰਘ, ਇੰਦਰਜੀਤ ਸਿੰਘ, ਜਸਵਿੰਦਰ ਕੌਰ ਤੇ ਰਮਨਜੋਤ ਕੌਰ ਨੇ ਵਿਸ਼ੇਸ਼ ਤੌਰ 'ਤੇ ਯੋਗਦਾਨ ਪਾਇਆ ।