ਅੱਜ ਆਦੇਸ਼ ਕਾਲਜ ਘੜੂਆਂ ਦੇ ਵਿਦਿਆਰਥੀ ਵਲੋਂ ਦੀਵਾਲੀ ਤੇ ਵਾਤਾਵਰਣ ਨੂੰ ਸਾਫ਼-ਸੁਥਰਾ ਰੱਖਣ ਦਾ ਵਾਅਦਾ ਕੀਤਾ ਗਿਆ ਅਤੇ ਦੀਵਾਲੀ ਮੌਕੇ ਪਟਾਖੇ ਨਾਂ ਚਲਾਉਣ ਬਾਰੇ ਕਿਹਾ। ਇਸ ਮੌਕੇ ਵਾਤਾਵਰਣ ਨੂੰ ਸਾਫ਼ ਰੱਖਣ ਲਈ ਸੰਸਥਾ ਵਿਖੇ ਸੈਮੀਨਾਰ ਦਾ ਆਯੋਜਨ ਕੀਤਾ ਗਿਆ। ਜਿਸ ਵਿਚ ਪਟਾਖਿਆਂ ਦੀਆਂ ਹਾਨੀਆਂ ਬਾਰੇ ਜਾਣੂ ਕਰਵਾਇਆ ਗਿਆ। ਪਟਾਖਿਆਂ ਵਿਚ ਪਾਏ ਕੈਮੀਕਲ ਵਾਤਾਵਰਣ ਨੂੰ ਦੂਸ਼ਿਤ ਕਰਦੇ ਹਨ ਜੋ ਸਾਡੀ ਸਿਹਤ ਲਈ ਹਾਨੀਕਾਰਕ ਸਾਬਤ ਹੁੰਦੇ ਹਨ। ਸੰਸਥਾ ਦੇ ਪ੍ਰਿੰਸੀਪਲ ਡਾ. ਪੁਨਡੀਰ ਨੇ ਵਿਦਿਆਰਥੀਆਂ ਦੇ ਇਸ ਸੁੱਚਜੇ ਕਦਮ ਦੀ ਸਲਾਘਾ ਕੀਤੀ। ਆਦੇਸ਼ ਗਰੁੱਪ ਦੇ ਟੈਕਨੀਕਲ ਵਿੰਗ ਦੇ ਡਾਇਰੈਟਰ ਇੰਜ. ਗੁਰਫਤਿਹ ਸਿੰਘ ਗਿੱਲ ਨੇ ਇਹ ਸੁਨੇਹਾ ਆਪਣੀਆਂ ਬਾਕੀ ਸੰਸਥਾਵਾਂ ਵਿਚ ਵੀ ਦੇਣ ਦਾ ਵਾਅਦਾ ਕੀਤਾ ਅਤੇ ਦੀਵਾਲੀ ਨੂੰ ਸਹੀ ਤੇ ਸੁੱਚਜੇ ਢੰਗ ਨਾਲ ਮਨਾਉਣ ਲਈ ਵਿਦਿਆਰਥੀਆਂ ਨੂੰ ਪ੍ਰੇਰਿਤ ਕੀਤਾ । ਜਿਸ ਮੌਕੇ ਵੱਖ-ਵੱਖ ਵਿਭਾਗ ਦੇ ਮੁੱਖੀਆਂ ਤੋਂ ਇਲਾਵਾ ਸੰਸਥਾ ਦੇ ਪੀ. ਆਰ. ਓ. ਰਸ਼ਪਾਲ ਸਿੰਘ ਪਾਲੀ, ਡੀਨ ਦਾਖਲੇ ਹਿਮਾਸ਼ੂ ਸੂਰਮਾ ਤੇ ਜਰਮਜੀਤ ਸਿੰਘ ਹਾਜ਼ਰ ਸਨ।