ਮੋਰਿੰਡਾ ਕਾਈਨੋਰ ਰੁਪਨਗਰ ਰੋਡ ਤੇ ਅੱਧੀ ਦਰਜਨ ਪਿੰਡਾਂ ਦੇ ਕਿਸਾਨਾਂ ਅਤੇ ਪਿੰਡ ਵਾਸੀਆਂ ਵੱਲੋਂ ਪਿੰਡ ਬੂਰਮਾਜਰਾ ਦੇ ਟੀ.ਪੁਆਇੰਟ ਤੇ ਮੋਟਰਾਂ ਦੀ ਬਿਜਲੀ ਦੀ ਸਪਲਾਈ ਨਾ ਆਉਣ ਕਾਰਨ ਆਵਾਜਾਈ ਰੋਕ ਕੇ 3 ਘੰਟੇ ਧਰਨਾ ਦਿੱਤਾ ਗਿਆ । ਜਿਸ ਕਾਰਨ ਆਉਣ ਵਾਲੇ ਰਾਹਗੀਰਾਂ ਨੂੰ ਕਾਫੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾਂ ਪਿਆ ਤੇ ਦੋਨੇ ਪਾਸੇ ਤਿੰਨ ਕਿਲੋਮੀਟਰ ਤੱਕ ਲੰਮੀਆ ਵਾਹਨਾਂ ਦੀਆਂ ਕਤਾਰਾ ਲੱਗ ਗਈਆ। ਇਸ ਮੌਕੇ ਕਿਸਾਨਾਂ ਵੱਲੋਂ ਪੰਜਾਬ ਵਿਰੁੱਧ ਨਾਅਰੇਬਾਜੀ ਕੀਤੀ ਅਤੇ ਪੰਜਾਬ ਸਰਕਾਰ ਦਾ ਪੁਤਲਾ ਵੀ ਫੁਕਿਆ ਗਿਆ । ਮੌਕੇ ਤੋਂ ਇੱਕਤਰ ਜਾਣਕਾਰੀ ਅਨੁਸਾਰ ਪਿੰਡ ਬੂਰਮਾਜਾਰਾ ਵਿਚ ਲੱਗੇ ਗਰਿੰਡ ਤੋਂ ਪਿੰਡ ਬੂਰਮਾਜਰਾ ,ਦੁਲਚੀ ਮਾਜਰਾ, ਰੋਲੂਮਾਜਰਾ , ਧਨੋਰੀ ,ਸ਼ਾਤਪੁਰ ਅਤੇ ਸਮਰੋਲੀ ਪਿੰਡਾ ਨੂੰ ਇਸ ਗਰਿੰਡ ਤੋਂ ਮੋਟਰਾਂ ਦੀ ਸਪਲਾਈ ਦਿੱਤੀ ਜਾਦੀ ਹੈ । ਇਸ ਮੌਕੇ ਧਰਨੇ ਤੇ ਬੈਠੇ ਕਿਸਾਨਾਂ ਨੇ ਦੱਸਿਆ ਕਿ ਪਿਛਲੇ 3 ਦਿਨਾਂ ਤੋਂ ਮੋਟਰਾਂ ਨੂੰ ਸਿਰਫ ਤਿੰਨ ਘੰਟੇ ਹੀ ਬਿਜਲੀ ਆਉਦੀ ਹੈ ਜਿਸ ਵਿਚ ਵੀ ਕਈ ਕਈ ਵਾਰੀ ਕੱਟ ਲੱਗ ਜਾਦੇ ਹਨ। ਜਿਸ ਕਾਰਨ ਸਾਡੇ ਝੋਨੇ ਦੇ ਖੇਤਾ ਵਿਚ ਤਰੇੜਾ ਪੈ ਗਈਆ ਹਨ ਉਨ੍ਹਾ ਦੋਸ ਲਾਇਆ ਕਿ ਅਸੀ ਜਦੋਂ ਇਸ ਸਬੰਧੀ ਅਧਿਕਾਰੀ ਨੂੰ ਬਿਜਲੀ ਬਾਰੇ ਫੋਨ ਕਰਦੇ ਹਾਂ ਤਾਂ ਉਨ੍ਹਾਂ ਵੱਲੋਂ ਇਹ ਜੁਆਬ ਮਿਲਦਾ ਹੈ ਕਿ ਪਟਿਆਲੇ ਤੋਂ ਕੱਟ ਦਾ ਮੈਸਜਿਸ ਆ ਗਿਆ ਹੈ ਜਿਸ ਕਾਰਨ ਬਿਜਲੀ ਬੰਦ ਕਰ ਦਿੱਤੀ ਗਈ ਹੈ । ਕਈ ਵਾਰੀ ਕਿਸੇ ਵੀ ਅਧਿਕਾਰੀ ਵੱਲੋਂ ਸਾਡਾ ਫੋਨ ਨਹੀ ਚੁੱਕਿਆ ਜਾਦਾਂ। ਇਸ ਸਬੰਧੀ ਅਸੀ ਸਬੰਧਤ ਸਹਾਇਕ ਇੰਜ. ਨੂੰ ਵੀ ਕਈ ਵਾਰੀ ਲਿਖਤੀ ਜਾਣਕਾਰੀ ਦੇ ਚੁੱਕੇ ਹਾਂ ਪਰ ਫਿਰ ਵੀ ਕੋਈ ਸੁਣਾਈ ਨਹੀ ਹੋ ਰਹੀ । ਇਸ ਕਾਰਨ ਮਜਬੂਰ ਹੋ ਧਰਨਾਂ ਦੇਣਾ ਪਿਆ । ਇਸ ਮੌਕੇ ਪਹੁੰਚੇ ਸਬੰਧਤ ਐਸ.ਡੀ.ਓ ਗੁਰਵਿੰਦਰ ਸਿੰਘ ਨੇ ਭਰੋਸਾ ਦਿੱਤਾ ਕਿ ਅੱਜ ਹੀ ਤੁਹਾਡੀਆ ਜੋ ਵੀ ਮੰਗਾਂ ਹਨ ਇਨ੍ਹਾ ਉੱਚ ਅਧਿਕਾਰੀਆ ਕੋਲ ਭੇਜ ਦਿੱਤੀਆ ਜਾਣਗੀਆ । ਐਸ.ਡੀ.ਓ ਗੁਰਿੰਦਰ ਸਿੰਘ ਦੇ ਭਰੋਸੇ ਤੇ ਕਿਸਾਨਾ ਵੱਲੋਂ ਧਰਨਾ ਸਮਾਪਤ ਕਰ ਦਿੱਤਾ ।
ਕਿਸਾਨਾਂ ਦੇ ਹੱਕ ਵਿਚ ਪਹੁੰਚੇ ਹਲਕਾ ਵਿਧਾਇਕ ਚਰਨਜੀਤ ਸਿੰਘ ਚੰਨੀ ਨੇ ਕਿਹਾ ਕਿ ਕਿਸਾਨਾਂ ਦੀ ਹਾਤੈਸੀ ਕਹਾਉਣ ਵਾਲੀ ਸਰਕਾਰ ਕਿਸਾਨਾ ਨਾਲ ਸ਼ਰੇਆਮ ਧੋਖਾ ਕਰ ਰਹੀ ਹੈ ਉਨ੍ਹਾ ਕਿਹਾ ਪੰਜਾਬ ਦੇ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਵੱਲੋਂ ਬਿਆਨ ਦਿੱਤੇ ਜਾ ਰਹੇ ਸਨ ਕਿ ਪੰਜਾਬ ਸਰਕਾਰ ਕੋਲ ਬਿਜਲੀ ਵਾਧੂ ਹੈ ਅਸੀ ਬਿਜਲੀ ਪਾਕਿਸਤਾਨ ਨੂੰ ਵੇਚਾਗੇ ਪਰ ਅੱਜ ਪੰਜਾਬ ਦੀਆਂ ਕਈ ਵੱਡੀਆਂ ਫੈਕਟਰੀਆਂ ਨੂੰ ਵੀ ਕਈ ਕਈ ਘੰਟੇ ਬਿਜਲੀ ਨਾ ਹੋਣ ਕਾਰਨ ਬੰਦ ਰਹਿੰਦੀਆਂ ਹਨ । ਉਨ੍ਹਾ ਕਿਹਾ ਪੰਜਾਬ ਦਾ ਕਿਸਾਨ ਅਤੀ ਦੁਖੀ ਹੋਕੇ ਖੁਦਕਸ਼ੀਆ ਕਰ ਰਹੇ ਹਨ । ਉਨ੍ਹਾ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਕਿ ਜਿਨ੍ਹਾ ਕਿਸਾਨਾਂ ਦੀਆਂ ਬਿਜਲੀ ਨਾ ਆਉਣ ਕਾਰਨ ਝੋਨੇ ਦੇ ਖੇਤਾ ਵਿਚ ਤ੍ਰੇੜਾ ਪੈ ਗਈਆ ਹਨ ਉਨ੍ਹਾ ਖੇਤਾ ਦੀਆਂ ਵਿਸ਼ੇਸ ਗਿਦਾਵਰੀਆ ਕਰਵਾਕੇ ਹਰ ਕਿਸਾਨ ਨੂੰ 35000 ਰੁਪਏ ਪ੍ਰਤੀ ਏਕੜ ਮੁਆਵਜਾ ਦਿੱਤਾ ਜਾਵੇ । ਉਨ੍ਹਾਂ ਕਿਹਾ ਪੰਜਾਬ ਵਿਚ ਜੋ ਵੀ ਬਿਜਲੀ ਪਲਾਟ ਲੱਗ ਰਹੇ ਹਨ ਇਸ ਸਾਰੇ ਪ੍ਰਾਈਵੇਟ ਹਨ । ਉਨ੍ਹਾਂ ਕਿਹਾ ਕਿ ਜੇਕਰ ਪੰਜਾਬ ਸਰਕਾਰ ਵੱਲੋਂ ਦੋ ਦਿਨ ਵਿਚ ਬਿਜਲੀ ਦਾ ਕੋਈ ਪ੍ਰਬੰਧ ਨਾ ਕੀਤਾ ਤਾਂ ਮੰਗਵਾਰ ਨੂੰ ਸਥਾਨਕ ਥਾਂ ਤੇ ਫਿਰ ਧਰਨਾ ਦਿੱਤਾ ਜਾਵੇਗਾ ਜਿਸ ਦੀ ਜੁਮੇਵਾਰੀ ਪੰਜਾਬ ਸਰਕਾਰ ਦੀ ਹੋਵੇਗੀ । ਇਸ ਮੌਕੇ ਮਹਿੰਦਰ ਸਿੰਘ ਬੂਰਮਾਜਰਾ , ਜਸਵੰਤ ਸਿੰਘ ਬੂਰਮਾਜਰਾ, ਗੁਰਤੇਜ ਸਿੰਘ ਬੂਰਮਾਜਰਾ, ਹਰਦੀਪ ਸਿੰਘ ਝੰਡਾ , ਅੰਗਰੇਜ ਸਿੰਘ ਧਨੋਰੀ , ਸਤਵਿੰਦਰ ਸਿੰਘ ਭੱਕੂਮਾਜਰਾ, ਮੇਜਰ ਸਿੰਘ ਸਮਰੋਲੀ , ਸ਼ੇਰ ਸਿੰਘ ਧਨੋਰੀ, ਦਰਸ਼ਨ ਸਿੰਘ ਰੋਲੂ ਮਾਜਰਾ, ਕਰਨੈਲ ਸਿੰਘ , ਮੇਵਾ ਸਿੰਘ , ਹਰਪ੍ਰੀਤ ਸਿੰਘ ਤੋਂ ਇਲਾਵਾ ਅਨੇਕਾਂ ਕਿਸਾਨ ਹਾਜਰ ਸਨ ।