ਹਰਿਆਣਾ ਵਿਧਾਨਸਭਾ ਸਪੀਕਰ ਸ੍ਰੀ ਹਰਵਿੰਦਰ ਕਲਿਆਣ ਮਹਾਨ ਸੰਤ ਗੁਰੂ ਬ੍ਰਹਮਾਨੰਦ ਦੀ ਜੈਯੰਤੀ ਨੂੰ ਸ਼ਾਨਦਾਰ, ਗਰਿਮਾਮਈ ਅਤੇ ਜਨਭਾਗੀਦਾਰੀ ਨਾਲ ਪਰਿਪੂਰਣ ਬਨਾਉਣ ਲਈ ਵਿਆਪਕ ਪੱਧਰ 'ਤੇ ਤਿਆਰੀਆਂ ਵਿੱਚ ਜੁਟੇ ਹੋਏ ਹਨ। ਇਸੀ ਲੜੀ ਵਿੱਚ ਉਨ੍ਹਾਂ ਨੇ ਮੰਗਲਵਾਰ ਨੂੰ ਵਿਧਾਨਸਭਾ ਸਕੱਤਰੇਤ ਵਿੱਚ ਸੂਚਨਾ, ਜਨਸੰਪਰਕ ਅਤੇ ਭਾਸ਼ਾ ਵਿਭਾਗ ਦੇ ਮਹਾਨਿਦੇਸ਼ਕ ਸ੍ਰੀ ਪਾਰਥ ਗੁਪਤਾ, ਵਿਭਾਗ ਦੀ ਵਧੀਕ ਨਿਦੇਸ਼ਕ ਸ੍ਰੀਮਤੀ ਵਰਸ਼ਾ ਖਾਂਗਵਾਲ ਅਤੇ ਕੈਥਲ ਦੀ ਡਿਪਟੀ ਕਮਿਸ਼ਨਰ ਅਪਰਾਜਿਤਾ ਸਮੇਤ ਹੋਰ ਸੀਨੀਅਰ ਅਧਿਕਾਰੀਆਂ ਦੇ ਨਾਲ ਮੀਟਿੰਗ ਕਰ ਆਯੋਜਨ ਨੂੰ ਲੈ ਕੇ ਵਿਸਤਾਰ ਰੂਪਰੇਖਾ ਤਿਆਰ ਕੀਤੀ।
ਇਸ ਤੋਂ ਪਹਿਲਾਂ ਵਿਧਾਨਸਭਾ ਸਪੀਕਰ ਕਰਨਾਲ, ਕੈਥਲ, ਪਾਣੀਪਤ, ਕੁਰੂਕਸ਼ੇਤਰ ਸਮੇਤ ਕਈ ਜਿਲ੍ਹਿਆਂ ਵਿੱਚ ਵੱਖ-ਵੱਖ ਥਾਵਾਂ 'ਤੇ ਮੀਟਿੰਗਾਂ ਕਰ ਚੁੱਕੇ ਹਨ। ਗੁਰੂ ਬ੍ਰਹਮਾਨੰਦ ਜੈਯੰਤੀ ਸਮਾਰੋਹ ਵਿੱਚ ਸੂਬੇ ਦੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਮੁੱਖ ਮਹਿਮਾਨ ਵਜੋ ਸ਼ਿਰਕਤ ਕਰਣਗੇ।
ਗੁਰੂ ਬ੍ਰਹਮਾਨੰਦ ਜੈਯੰਤੀ ਇਸ ਸਾਲ 23 ਦਸੰਬਰ ਨੂੰ ਕੈਥਲ ਜਿਲ੍ਹਾ ਦੇ ਚੁਹਰ ਮਾਜਰਾ ਪਿੰਡ ਵਿੱਚ ਸਰਕਾਰੀ ਪੱਧਰ 'ਤੇ ਮਣਾਈ ਜਾਵੇਗੀ। ਇਹ ਆਯੋਜਨ ਸਮਾਜਿਕ ਸਮਰਸਤਾ, ਅਧਿਆਤਮਿਕ ਚੇਤਨਾ ਅਤੇ ਗਰੁੂ ਪਰੰਪਰਾ ਦੇ ਪ੍ਰਤੀ ਸਨਮਾਨ ਦਾ ਪ੍ਰਤੀਕ ਹੋਵੇਗਾ। ਇਸ ਸਿਲਸਿਲੇ ਵਿੱਚ 11 ਦਸੰਬਰ ਨੂੰ ਵਿਧਾਨਸਭਾ ਸਪੀਕਰ ਹਰਵਿੰਦਰ ਕਲਿਆਣ ਦੀ ਅਗਵਾਈ ਹੇਠ ਸੰਤ-ਮਹਾਤਮਾਵਾਂ, ਵਿਧਾਇਕ , ਸਾਬਕਾ ਵਿਧਾਇਕਾਂ ਅਤੇ ਸਮਾਜ ਦੇ ਮਾਣਯੋਗ ਲੋਕਾਂ ਨੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਨਾਲ ਮੁਲਾਕਾਤ ਕਰ ਉਨ੍ਹਾਂ ਨੂੰ ਜੈਯੰਤੀ ਸਮਾਰੋਹ ਵਿੱਚ ਸ਼ਾਮਿਲ ਹੋਣ ਦਾ ਸੱਦਾ ਦਿੱਤਾ।
ਇਸ ਦੌਰਾਨ ਆਯੋ੧ਨ ਨੂੰ ਇਤਿਹਾਸਕ ਅਤੇ ਸਫਲ ਬਨਾਉਣ ਨੂੰ ਲੈ ਕੇ ਵੀ ਵਿਸਤਾਰ ਵਿਚਾਰ -ਵਟਾਂਦਰਾਂ ਕੀਤਾ ਗਿਆ। ਵਿਧਾਨਸਭਾ ਸਪੀਕਰ ਨੇ ਪਹਿਲਾਂ ਘਰੌਂਡਾ, ਇਸਰਾਨਾ, ਇੰਦਰੀ, ਨੀਨੋਖੇੜੀ, ਕੁਰੂਕਸ਼ੇਤਰ, ਕਰਨਾਲ, ਅਸੰਧ ਅਤੇ ਪੁੰਡਰੀ ਵਿੱਚ ਮੀਟਿੰਗਾਂ ਦੀ ਅਗਵਾਈ ਕਰ ਸਮਾਜਿਕ ਸੰਗਠਨਾ, ਜਨਪ੍ਰਤੀਨਿਧੀਆਂ ਅਤੇ ਸਥਾਨਕ ਕਾਰਜਕਰਤਾਵਾਂ ਤੋਂ ਸੁਝਾਅ ਪ੍ਰਾਪਤ ਕੀਤੇ, ਤਾਂ ਜੋ ਸਮਾਰੋਹ ਜਨਭਾਵਨਾਵਾਂ ਅਨੁਰੂਪ ਸਹੀ ਢੰਗ ਨਾਲ ਆਯੋਜਿਤ ਕੀਤਾ ਜਾ ਸਕੇ।
ਇੰਨ੍ਹਾਂ ਤਿਆਰੀਆਂ ਵਿੱਚ ਵਿਧਾਇਕ ਸਤਪਾਲ ਜਾਂਬਾ, ਦੇਵੀ ਦਰਸ਼ਨਾ ਜੀ, ਹਰਿਆਣਾ ਸਰਕਾਰ ਵਿੱਚ ਚੇਅਰਮੈਨ ਧਰਮਵੀਰ ਮਿਰਜਾਪੁਰ, ਸਾਬਕਾ ਮੁੱਖ ਸੰਸਦੀ ਸਕੱਤਰ ਸੁਲਤਾਨ ਜਡੌਲਾ, ਸਾਬਕਾ ਵਿਧਾਇਕ ਰਣਧੀਰ ਗੋਲਨ, ਮੱਖਣ ਸਿੰਘ, ਤੇਜਵੀਰ ਸਿੰਘ, ਕਲੀਰਾਮ ਪਟਵਾਰੀ, ਅਖਿਲ ਭਾਰਤੀ ਰੋਡ ਮਹਾਸਭਾ ਦੇ ਪ੍ਰਧਾਨ ਬਲਕਾਰ ਸਿੰਘ, ਜਿਲ੍ਹਾ ਪਰਿਸ਼ਦ ਚੇਅਰਮੈਨ ਕਰਮਵੀਰ ਕੌਲ, ਅਸ਼ੋਕ ਗੁੱਜਰ ਸਮੇਤ ਅਨੇਕ ਸਮਾਜਿਕ ਅਤੇ ਸਿਆਸਤਦਾਨ ਪ੍ਰਤੀਨਿਧੀਆਂ ਦਾ ਵਿਸ਼ੇਸ਼ ਸਹਿਯੋਗ ਮਿਲ ਰਿਹਾ ਹੈ।
ਇਸ ਮੌਕੇ 'ਤੇ ਵਿਧਾਨਸਭਾ ਸਪੀਕਰ ਹਰਵਿੰਦਰ ਕਲਿਆਣ ਨੇ ਕਿਹਾ ਕਿ ਗੁਰੂ ਬ੍ਰਹਮਾਨੰਦ ਸਿਰਫ ਇੱਕ ਸੰਤ ਹੀ ਨਹੀਂ ਸਨ, ਸਗੋ ਉਹ ਸਮਾਜਿਕ ਸਮਰਸਤਾ ਅਤੇ ਮਨੁੱਖਤਾ ਦੇ ਮਹਾਨ ਪੱਥ ਪ੍ਰਦਰਸ਼ਕ ਸਨ। ਉਨ੍ਹਾਂ ਨੇ ਨਾਰੀ ਸਿਖਿਆ, ਮਹਿਲਾ ਸਸ਼ਕਤੀਕਰਣ ਅਤੇ ਵਾਤਾਵਰਣ ਸਰੰਖਣ ਵਰਗੇ ਵਿਸ਼ਿਆਂ 'ਤੇ ਸਮਾਜ ਨੂੰ ਸਾਲਾਂ ਪਹਿਲਾਂ ਜਾਗਰੁਕ ਕੀਤਾ।
ਉਨ੍ਹਾਂ ਨੇ ਕਿਹਾ ਕਿ ਸੰਤ ਮਹਾਪੁਰਸ਼ ਕਿਸੇ ਇੱਕ ਜਾਤੀ ਜਾਂ ਧਰਮ ਤੱਕ ਸੀਮਤ ਨਹੀਂ ਹੁੰਦੇ, ਸਗੋ ਉਹ ਸੰਪੂਰਣ ਸਮਾਜ ਅਤੇ ਮਨੁੱਖਤਾ ਦੇ ਲਈ ਪੇ੍ਰਰਣਾ ਸਰੋਤ ਹੁੰਦੇ ਹਨ। ਉਨ੍ਹਾਂ ਦੀ ਸਿਖਿਆਵਾਂ ਨੂੰ ਜਨ-ਜਨ ਤੱਕ ਪਹੁੰਚਾਉਣਾ ਅੱਜ ਦੇ ਸਮੇਂ ਦੀ ਜਰੂਰਤ ਹੈ। ਰਾਜ ਸਰਕਾਰ ਵੱਲੋਂ ਮਹਾਪੁਰਸ਼ਾਂ ਦੀ ਜੈਯੰਤੀਆਂ ਨੂੰ ਸਰਕਾਰੀ ਪੱਧਰ 'ਤੇ ਮਨਾਉਣ ਦਾ ਉਦੇਸ਼ ਵੀ ਉਨ੍ਹਾਂ ਦੇ ਵਿਚਾਰਾਂ ਅਤੇ ਸੰਦੇਸ਼ਾਂ ਨੂੰ ਸਮਾਜ ਦੇ ਆਖੀਰੀ ਵਿਅਕਤੀ ਤੱਕ ਪਹੁੰਚਾਉਣਾ ਹੈ।
ਵਿਧਾਨਸਭਾ ਸਪੀਕਰ ਨੇ ਸੰਤ ਸਮਾਜ, ਸਮਾਜਿਕ ਸੰਗਠਨਾਂ ਅਤੇ ਸਰਵ ਸਮਾਜ ਦੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਇਸ ਪਵਿੱਤਰ ਮੌਕੇ 'ਤੇ ਵੱਧ ਤੋਂ ਵੱਧ ਗਿਣਤੀ ਵਿੱਚ ਹਿੱਸਾ ਲੈਣ ਅਤੇ ਗੁਰੂ ਬ੍ਰਹਮਾਨੰਦ ਦੀ ਸਿਖਿਆਵਾਂ ਨੂੰ ਆਪਣੇ ਜੀਵਨ ਵਿੱਚ ਆਤਮਸਾਤ ਕਰਨ।