ਸਿਖਿਆ ਦੇ ਖੇਤਰ ਵਿੱਚ ਵਧੀਆ ਪ੍ਰਦਰਸ਼ਨ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਪ੍ਰੋਤਸਾਹਿਤ ਕਰਨ ਲਈ ਅੱਜ ਸੋਨੀਪਤ ਦੇ ਗਨੌਰ ਵਿੱਚ ਬੀਐਸਟੀ ਗਰਾਉਂਡ ਵਿੱਚ ਯੁਵਾ ਸਨਮਾਨ ਸਮਾਰੋਹ ਦਾ ਆਯੋਜਨ ਕੀਤਾ ਗਿਆ, ਜਿਸ ਵਿੱਚ ਬਤੌਰ ਮੁੱਖ ਮਹਿਮਾਨ ਸਾਬਕਾ ਮੁੱਖ ਮੰਤਰੀ ਅਤੇ ਕੇਂਦਰੀ ਊਰਜਾ ਅਤੇ ਆਵਾਸ ਅਤੇ ਸ਼ਹਿਰੀ ਕਾਰਜ ਮੰਤਰੀ ਮਨੋਹਰ ਲਾਲ ਨੇ 216 ਮੇਧਾਵੀ ਵਿਦਿਆਰਥੀਆਂ ਨੂੰ ਸਕੂਟੀ, ਟੈਬਲੇਟ ਅਤੇ ਸਾਈਕਲ ਦੇ ਕੇ ਪੁਰਸਕ੍ਰਿਤ ਕੀਤਾ। ਇਹ ਸਨਮਾਨ ਦੱਸਵੀ ਅਤੇ ਬਾਹਰਵੀਂ ਬੋਰਡ ਪ੍ਰੀਖਿਆ ਵਿੱਚ ਬਿਹਤਰੀਨ ਪ੍ਰਦਰਸ਼ਨ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਦਿੱਤਾ ਗਿਆ। ਪ੍ਰੋਗਰਾਮ ਦੀ ਅਗਵਾਈ ਅਗਨੌਰ ਦੇ ਵਿਧਾਇਕ ਦੇਵੇਂਦਰ ਕਾਦਿਆਨ ਨੇ ਕੀਤੀ।
ਇਸ ਮੌਕੇ 'ਤੇ ਕੇਂਦਰੀ ਮੰਤਰੀ ਸ੍ਰੀ ਮਨੋਹਰ ਲਾਲ ਨੇ ਕਿਹਾ ਕਿ ਸਾਡੀ ਸਰਕਾਰ ਨੇ ਯੋਗਤਾ ਦੇ ਆਧਾਰ 'ਤੇ ਬਿਨਾ ਪਰਚੀ-ਬਿਨਾਂ ਖਰਚੀ ਦੇ ਨੋਕਰੀ ਦੇਣ ਦਾ ਕੰਮ ਕੀਤਾ ਹੈ। ਇਸ ਦਾ ਨਤੀਜਾ ਹੈ ਕਿ ਅੱਜ ਯੁਵਾ ਸਿਰਫ ਆਪਣੀ ਪੜਾਈ ਦੇ ਬਲਬੂਤੇ ਨੌਕਰੀ ਪਾ ਰਹੇ ਹਨ ਅਤੇ ਉਨ੍ਹਾਂ ਨੂੰ ਮਾਤਾ-ਪਿਤਾ ਦੀ ਜਮੀਨ ਜਾਂ ਜੇਵਰਾਤ ਵੇਚਣ ਦੀ ਜਰੂਰਤ ਨਹੀਂ ਪੈ ਰਹੀ। ਉਨ੍ਹਾਂ ਨੇ ਕਿਹਾ ਕਿ ਗਨੌਰ ਵਿੱਚ ਕੌਮਾਂਤਰੀ ਮੰਡੀ ਨੂੰ ਸਫਲ ਬਨਾਉਣ ਲਈ ਨੈਸ਼ਨਲ ਹਾਈਵੇ ਗੋਹਾਨਾ ਤੋਂ ਗਨੌਰ ਅਤੇ ਗਨੌਰ ਤੋਂ ਬਡੌਤ ਨਿਰਮਾਣ ਨੂੰ ਲੈ ਕੇ ਚਰਚਾ ਹੋਈ ਹੈ।
ਉਨ੍ਹਾਂ ਨੇ ਕਿਹਾ ਕਿ ਰੈਪਿਡ ਟ੍ਰੇਨ ਦਿੱਲੀ ਤੋਂ ਸੋਨੀਪਤ, ਗਨੌਰ ਹੁੰਦੇ ਹੋਏ ਕਰਨਾਲ ਤੱਕ ਜਾਵੇਗੀ, ਜਿਸ ਨਾਲ ਇਸ ਖੇਤਰ ਦੇ ਵਿਕਾਸ ਨੂੰ ਹੋਰ ਵੱਧ ਤੇਜੀ ਮਿਲੇਗੀ। ਉਨ੍ਹਾਂ ਨੇ ਕਿਹਾ ਕਿ ਸੋਨੀਪਤ ਤੋਂ ਕਰਨਾਲ ਤੱਕ ਸੜਕ ਦੇ ਦੋਨੋਂ ਪਾਸੇ ਇੰਡਸਟਰੀ ਲਗਾਈ ਜਾ ਰਹੀ ਹੈ, ਜਿਸ ਨਾਲ ਨੌਜੁਆਨਾਂ ਦੇ ਲਈ ਰੁਜ਼ਗਾਰ ਦੇ ਮੌਕੇ ਖੁੱਲਣਗੇ। ਉਨ੍ਹਾਂ ਨੇ ਕਿਹਾ ਕਿ ਰਾਈ ਏਜੂਕੇਸ਼ਨ ਸਿਟੀ ਵਿੱਚ ਦੱਸ ਏਕੜ ਵਿੱਚ ਆਈਆਈਟੀ ਬਣਵਾਈ ਗਈ ਹੈ ਅਤੇ ਬੜੀ ਵਿੱਚ ਰੇਲ ਫੈਕਟਰੀ ਦਾ ਨਿਰਮਾਣ ਹੋਇਆ ਹੈ। ਜਲਦੀ ਹੀ ਜਮੀਨ ਮਿਲਦੇ ਹੀ ਆਈਐਮਟੀ ਬਨਾਉਣ ਦਾ ਕੰਮ ਵੀ ਸ਼ੁਰੂ ਹੋਵੇਗਾ।