ਪਟਿਆਲਾ ਫਾਊਂਡੇਸ਼ਨ ਵੱਲੋਂ ਸਵੈ-ਸਹਾਇਤਾ ਗਰੁੱਪਾਂ ਨਾਲ ਜੁੜੀਆਂ ਮਹਿਲਾਵਾਂ ਨੂੰ ਜ਼ਰੂਰੀ ਡਿਜੀਟਲ ਤਕਨਾਲੋਜੀ, ਆਰਥਿਕ ਸਾਖਰਤਾ ਅਤੇ ਸੁਰੱਖਿਅਤ ਆਨਲਾਈਨ ਵਾਤਾਵਰਨ ਮੁਹਈਆ ਕਰਵਾ ਕੇ ਉਨ੍ਹਾਂ ਨੂੰ ਸਸ਼ਕਤ ਬਣਾਉਣ ਲਈ ਕਰਵਾਏ "ਪ੍ਰੋਜੈਕਟ ਐੱਸ.ਐੱਚ.ਜੀ. ਆਨਲਾਈਨ" ਸਫਲਤਾਪੂਰਵਕ ਸੰਪੰਨ ਹੋਇਆ। ਇਹ ਪ੍ਰੋਜੈਕਟ ਨਵੰਬਰ 2024 ਵਿੱਚ ਜਰਮਨੀ-ਅਧਾਰਿਤ ਐਨ. ਜੀ.ਓ.-ਓ.ਐਮ.ਈ.ਡੀ. ਨਾਲ ਸਾਂਝੇਦਾਰੀ ਵਿੱਚ ਸ਼ੁਰੂ ਕੀਤਾ ਗਿਆ ਸੀ।
ਸਮਾਪਤੀ ਸਮਾਰੋਹ ਦੌਰਾਨ ਪਟਿਆਲਾ ਫਾਊਂਡੇਸ਼ਨ ਦੇ ਸੀ.ਈ.ਓ., ਰਵੀ ਸਿੰਘ ਅਹਲੂਵਾਲੀਆ ਨੇ ਕਿਹਾ ਦੱਸਿਆ ਕਿ ਇਸ ਪ੍ਰੋਜੈਕਟ ਦੌਰਾਨ 10 ਵੱਖ-ਵੱਖ ਸਵੈ ਸਹਾਇਤਾ ਗਰੁੱਪਾਂ (ਐੱਸ.ਐੱਚ.ਜੀ.) ਦੀਆਂ 30 ਮਹਿਲਾਵਾਂ ਨੂੰ ਸਿਖਲਾਈ ਦਿੱਤੀ ਗਈ, ਜਿਸ ਨਾਲ ਉਨ੍ਹਾਂ ਨੇ ਨੈੱਟਵਰਕਿੰਗ ਬਾਰੇ ਇੱਕ ਸੁਰੱਖਿਅਤ ਡਿਜੀਟਲ ਥਾਂ ਬਣਾਉਣ ਸਬੰਧੀ ਜਾਣਕਾਰੀ ਦਿੱਤੀ ਗਈ। ਇਸ ਉਪਰਾਲੇ ਦਾ ਮੁੱਖ ਉਦੇਸ਼ ਕੇਵਲ ਡਿਜੀਟਲ ਟੂਲਾਂ ਦੀ ਸਿੱਖਿਆ ਦੇਣਾ ਨਹੀਂ ਸੀ, ਸਗੋਂ ਮਹਿਲਾਵਾਂ ਨੂੰ ਆਤਮ-ਨਿਰਭਰ ਡਿਜੀਟਲ ਨਾਗਰਿਕ ਬਣਾਉਣਾ ਸੀ, ਜੋ ਮੁਫ਼ਤ ਅਤੇ ਪਹੁੰਚਯੋਗ ਆਨਲਾਈਨ ਮਾਧਿਅਮਾਂ ਰਾਹੀਂ ਆਪਣੇ ਉੱਦਮਾਂ ਨੂੰ ਆਗੇ ਵਧਾ ਸਕਣ।
ਭਾਗੀਦਾਰ ਮਹਿਲਾਵਾਂ ਨੂੰ ਕਈ ਵਿਸ਼ਿਆਂ 'ਤੇ ਸਿਖਲਾਈ ਦਿੱਤੀ ਗਈ ਜਿਵੇਂ ਕਿ ਇੱਕ ਖਾਸ ਤੌਰ 'ਤੇ ਤਿਆਰ ਕੀਤਾ ਗਿਆ ਸੰਚਾਰ ਸਾਧਨ, ਸੋਸ਼ਲ ਮੀਡੀਆ ਅਤੇ ਡਿਜੀਟਲ ਮਾਰਕੀਟਿੰਗ, ਆਨਲਾਈਨ ਬਿਜ਼ਨਸ ਰਣਨੀਤੀਆਂ, ਸਾਇਬਰ ਸੁਰੱਖਿਆ, ਠੱਗੀ ਤੋਂ ਬਚਾਅ ਅਤੇ ਛੋਟੇ ਉੱਦਮਾਂ ਨਾਲ ਜੁੜੇ ਕਾਨੂੰਨੀ ਢਾਂਚਿਆਂ ਬਾਰੇ ਜਾਣਕਾਰੀ ਦਿੱਤੀ ਗਈ। ਰਵੀ ਸਿੰਘ ਅਹਲੂਵਾਲੀਆ ਨੇ ਕਿਹਾ, “ਸਾਡੇ ਲਈ ਇਹ ਮਾਣ ਦੀ ਗੱਲ ਹੈ ਕਿ ਅਸੀਂ ਇਸ ਪ੍ਰੋਜੈਕਟ ਦੀ ਸਫਲ ਸਮਾਪਤੀ ਕਰ ਰਹੇ ਹਾਂ।
ਮਹਿਲਾਵਾਂ ਵਿਚ ਡਿਜੀਟਲ ਸਾਖਰਤਾ ਅਤੇ ਮਾਰਕੀਟਿੰਗ ਜਾਗਰੂਕਤਾ ਫੈਲਾਉਣ ਦਾ ਇਹ ਯਤਨ ਕਾਬਿਲ-ਏ-ਤਾਰੀਫ਼ ਹੈ। ਉਨ੍ਹਾਂ ਦੀ ਸਿੱਖਣ ਦੀ ਲਗਨ ਅਤੇ ਤਕਨਾਲੋਜੀ ਨੂੰ ਲੈ ਕੇ ਭਰੋਸਾ ਕਾਇਮ ਕਰਨਾ ਬੇਹੱਦ ਪ੍ਰੇਰਣਾਦਾਇਕ ਰਿਹਾ। ਇਹ ਅੰਤ ਨਹੀਂ, ਸਗੋਂ ਉਨ੍ਹਾਂ ਦੀ ਨਵੀਂ ਡਿਜੀਟਲ ਯਾਤਰਾ ਦੀ ਸ਼ੁਰੂਆਤ ਹੈ।” ਇੱਕ ਭਾਗੀਦਾਰ ਮਹਿਲਾ ਨੇ ਕਿਹਾ, “ਅਸੀਂ ਹੁਣ ਨਾ ਸਿਰਫ਼ ਡਿਜੀਟਲ ਟੂਲ ਵਰਤਣ ਵਿੱਚ ਆਤਮ-ਨਿਰਭਰ ਮਹਿਸੂਸ ਕਰ ਰਹੀਆਂ ਹਾਂ, ਸਗੋਂ ਹੋਰ ਨਵੇਂ ਆਨਲਾਈਨ ਪਲੇਟਫਾਰਮਾਂ ਨੂੰ ਆਪਣੇ ਕੰਮ ਲਈ ਅਪਣਾਉਣ ਲਈ ਉਤਸੁਕ ਹਾਂ।
ਅਸੀਂ ਉਮੀਦ ਕਰਦੇ ਹਾਂ ਕਿ ਪ੍ਰੋਜੈਕਟ ਦੇ ਦੂਜੇ ਚਰਨ ਵਿੱਚ ਹੋਰ ਅੱਗੇ ਵਧੀਆ ਸਿੱਖਣ ਦੇ ਮੌਕੇ ਮਿਲਣਗੇ।” ਇਹ ਪ੍ਰੋਜੈਕਟ ਛੇ ਮਹੀਨਿਆਂ ਤੱਕ ਚੱਲਿਆ ਅਤੇ ਇਸ ਵਿੱਚ ਲੈਕਚਰਾਂ ਦੇ ਨਾਲ ਇੰਟਰਐਕਟਿਵ ਵਰਕਸ਼ਾਪ ਵੀ ਸ਼ਾਮਿਲ ਸਨ, ਜਿਸ ਨਾਲ ਹਰ ਮੈਂਬਰ ਨੂੰ ਹੱਥੋਂ-ਹੱਥ ਸਿੱਖਣ ਦਾ ਮੌਕਾ ਮਿਲਿਆ। ਇਹ ਉਪਰਾਲਾ ਪਟਿਆਲਾ ਫਾਊਂਡੇਸ਼ਨ ਦੇ ਵਿਸ਼ਾਲ ਮਿਸ਼ਨ-ਡਿਜੀਟਲ ਜਾਗਰੂਕਤਾ, ਆਤਮ-ਨਿਰਭਰਤਾ ਅਤੇ ਨਿਰੀਖਣ ਵਾਲੀ ਵਿਕਾਸ ਧਾਰਾ- ਨਾਲ ਮੇਲ ਖਾਂਦਾ ਹੈ।
ਸਮਾਰੋਹ ਦੌਰਾਨ ਸਿਰਫ ਇੱਕ ਪ੍ਰੋਜੈਕਟ ਦੀ ਸਮਾਪਤੀ ਨਹੀਂ, ਸਗੋਂ ਇਨ੍ਹਾਂ ਮਹਿਲਾਵਾਂ ਲਈ ਇੱਕ ਨਵੀਂ, ਟੈਕਨੋਲੋਜੀ-ਸੰਭਾਵਿਤ ਯਾਤਰਾ ਦੀ ਸ਼ੁਰੂਆਤ ਦਾ ਜਸ਼ਨ ਮਨਾਇਆ। ਇਸ ਸਮਾਰੋਹ ਵਿੱਚ ਪਟਿਆਲਾ ਫਾਊਂਡੇਸ਼ਨ ਦੇ ਸੀਨੀਅਰ ਮੈਂਬਰ ਸ੍ਰੀ ਅਨਮੋਲਜੀਤ ਸਿੰਘ, ਐਸ.ਪੀ. ਚੰਦ, ਰਾਕੇਸ਼ ਬਧਵਾਰ, ਡਾ. ਕਰਣ ਡੰਗ ਅਤੇ ਰਾਹੁਲ ਸ਼ਰਮਾ ਹਾਜ਼ਰ ਸਨ। ਸੀਨੀਅਰ ਮੈਂਬਰ ਡਾ. ਅਭਿਨੰਦਨ ਬੱਸੀ ਨੇ ਪ੍ਰੋਜੈਕਟ ਦੀ ਦੇਖਰੇਖ ਕੀਤੀ।
ਵਾਲੰਟੀਅਰ ਗੁਰਵਿੰਦਰ ਸਿੰਘ, ਆਦਿਤਿਆ, ਜਸਕਰਨ, ਰਵਲਦੀਪ, ਵੈਸ਼ਾਲੀ, ਸਾਈਸਤਾ ਰਾਣੀ, ਵਾਸੂ ਗੁਲਾਟੀ ਅਤੇ ਗੁਲ ਨੇ ਭਾਗੀਦਾਰ ਮਹਿਲਾਵਾਂ ਦੀ ਸਿੱਖਿਆ ਦੌਰਾਨ ਮਦਦ ਅਤੇ ਮਾਰਗਦਰਸ਼ਨ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਈ। ਇਸ ਪ੍ਰੋਜੈਕਟ ਨੂੰ ਪ੍ਰਸਿੱਧ ਸੰਸਥਾਵਾਂ ਤੋਂ ਆਏ ਇੰਟਰਨਾਂ ਵੱਲੋਂ ਵੀ ਸਹਿਯੋਗ ਮਿਲਿਆ, ਜਿਸ ਵਿੱਚ ਐੱਸ.ਪੀ.ਜੇ.ਆਈ.ਐਮ.ਆਰ. ਮੁੰਬਈ ਤੋਂ ਪੂਜਾ ਅਤੇ ਅੰਕੁਰ, ਟੀ.ਆਈ.ਐੱਸ.ਐੱਸ. ਤੋਂ ਮੁਸਕਾਨ ਅਤੇ ਆਰ.ਸੀ.ਐੱਸ.ਐੱਸ. ਕੇਰਲਾ ਤੋਂ ਨਾਮਿਥਾ, ਅਵੰਤਿਕਾ ਅਤੇ ਸਨੇਹਾ ਸ਼ਾਮਿਲ ਸਨ।