ਡਿਪਟੀ ਕਮਿਸ਼ਨਰ-ਕਮ-ਜ਼ਿਲ੍ਹਾ ਚੋਣ ਅਫਸਰ, ਰੂਪਨਗਰ ਡਾ. ਪ੍ਰੀਤੀ ਯਾਦਵ, ਆਈ.ਏ.ਐਸ, ਦੀ ਅਗਵਾਈ ਤਹਿਤ ਅੱਜ ਲੋਕ ਸਭਾ ਚੋਣ ਹਲਕੇ 06-ਸ਼੍ਰੀ ਅਨੰਦਪੁਰ ਸਾਹਿਬ ਅਧੀਨ ਆਉਂਦੇ ਅਸੈਬਲੀ ਸੈਗਮੈਂਟਾਂ ਦੇ ਸਮੂਹ ਅਸੈਂਬਲੀ ਲੈਵਲ ਮਾਸਟਰ ਟ੍ਰੈਨਰ ਦੀ ਈ.ਵੀ.ਐਮ ਸਬੰਧੀ ਇੱਕ ਵਿਸ਼ੇਸ ਟਰੇਨਿੰਗ ਕਰਵਾਈ ਗਈ। ਇਸ ਵਿੱਚ ਈ.ਵੀ.ਐਮ ਬਾਰੇ ਵਿਸ਼ੇਸ ਜਾਣਕਾਰੀ ਦਿੰਦੇ ਹੋਏ ਜ਼ਿਲਾ ਚੋਣ ਅਫ਼ਸਰ ਤੇ ਡਿਪਟੀ ਕਮਿਸ਼ਨਰ ਡਾ. ਪ੍ਰੀਤੀ ਯਾਦਵ ਨੇ ਦੱਸਿਆ ਕਿ ਇਸ ਟ੍ਰੇਨਿੰਗ ਵਿਚ ਈ.ਵੀ.ਐਮ ਦੇ ਹਿੱਸੇ ਜਿਵੇ ਕਿ ਸੀ.ਯੂ, ਬੀ.ਯੂ ਅਤੇ ਵੀ.ਵੀ.ਪੈਂਟ ਬਾਰੇ ਜਾਣਕਾਰੀ ਦਿੱਤੀ।
ਇਸ ਤੋ ਇਲਾਵਾ ਦੱਸਿਆ ਗਿਆ ਈ.ਵੀ.ਐਮ ਤੋਂ ਵੋਟਿੰਗ ਦਾ ਕੰਮ ਕਿਵੇਂ ਪੂਰਾ ਕੀਤਾ ਜਾਂਦਾ ਹੈ ਅਤੇ ਟਰੇਨਿੰਗ ਵਿੱਚ ਈ.ਵੀ.ਐਮ ਦੇ ਥਿਊਰੀ ਤੋਂ ਲੈ ਕੈ ਪ੍ਰੈਕਟੀਕਲ ਦੀ ਵੀ ਵਿਸਥਾਰ ਪੂਰਵਕ ਸਿਖਲਾਈ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਮੀਟਿੰਗ ਵਿਚ ਹਾਜ਼ਰ ਸਮੂਹ ਏ ਆਰ ਓ ਤੇ ਅਸੈਂਬਲੀ ਲੈਵਲ ਮਾਸਟਰ ਟ੍ਰੈਨਰ ਨੂੰ ਵੋਟਿੰਗ ਸਮੇਂ ਈ.ਵੀ.ਐਮ ਦੇ ਖਰਾਬ ਹੋਣ ਜਾਣ ਤੇ ਬਦਲਣ ਬਾਰੇ ਵੇਰਵਿਆਂ ਸਹਿਤ ਦੱਸਿਆ ਗਿਆ।
ਵੋਟਿੰਗ ਸ਼ੁਰੂ ਹੋਣ ਤੋ ਲੈ ਕੇ ਵੋਟਿੰਗ ਮੁਕੰਮਲ ਹੋਣ ਤੱਕ ਈ.ਵੀ.ਐਮ ਜਰੀਏ ਵੋਟਿੰਗ ਨੂੰ ਕਿਵੇ ਚਾਲੂ ਰੱਖਣਾ ਹੈ ਬਾਰੇ ਅਤੇ ਵੋਟਿੰਗ ਸਮੇਂ ਸੀ.ਯੂ ਤੇ ਬੀ.ਯੂ ਦੇ ਖਰਾਬ ਹੋਣ ਤੇ ਜਾ ਬੈਟਰੀ ਦੇ ਬਦਲਣ, ਪੋਲਿੰਗ ਟੀਮ (ਜਿਵੇ ਕਿ ਮਾਇਕਰੋ ਆਬਜਰਵਰ, ਪੀ.ਆਰ.ਓ ਆਦਿ) ਦੇ ਕੰਮਾ ਬਾਰੇ ਜਾਣਕਾਰੀ ਦਿੱਤੀ ਗਈ ਤੇ ਪੋਲਿੰਗ ਟੀਮ ਨੂੰ ਪੋਲਿੰਗ ਬੁਥਾਂ ਤੇ ਪਹੁੰਚਣ ਦੀ ਤਰਤੀਬ ਸਮਝਾਈ ਗਈ। ਉਨ੍ਹਾਂ ਪੋਲਿੰਗ ਵਾਲੇ ਦਿਨ ਭਰੇ ਜਾਣ ਵਾਲੇ ਵਿਸ਼ੇਸ ਫਾਰਮ ਜਿਵੇਂ ਕਿ ਲੋਗ ਬੁੱਕ ਆਦਿ ਬਾਰੇ ਵੀ ਜਾਣਕਾਰੀ ਦਿੱਤੀ ਗਈ।
ਇਸ ਮੀਟਿੰਗ ਤੋ ਬਾਅਦ ਦੁਪਹਿਰ ਟਰੇਨਿੰਗ ਵਿੱਚ ਆਉਣ ਵਾਲੇ ਨੁਮਾਇਦਿਆਂ ਦਾ ਈ.ਵੀ.ਐਮ ਦੇ ਸਬੰਧ ਵਿੱਚ ਪੇਪਰ ਵੀ ਲਿਆ ਗਿਆ। ਡਾ ਪ੍ਰੀਤੀ ਯਾਦਵ ਵੱਲੋਂ ਏ ਆਰ ਓ ਨੂੰ ਭਾਰਤ ਚੋਣ ਕਮਿਸ਼ਨ ਦੀਆਂ ਹਦਾਇਤਾਂ ਦੀ ਪਾਲਣਾ ਯਕੀਨੀ ਕਰਨ ਦੇ ਆਦੇਸ਼ ਵੀ ਦਿੱਤੇ ਅਤੇ ਕਿਹਾ ਕੀ ਚੋਣ ਸਮੱਗਰੀ ਤੋ ਲੈ ਕੇ ਸਟਰੋਂਗ ਰੂਮ ਦੇ ਪ੍ਰਬੰਧਾਂ ਨੂੰ ਸੁੱਚਜੇ ਢੰਗ ਨਾਲ ਮੁਕੰਮਲ ਕੀਤਾ ਜਾਵੇ।
ਇਸ ਟਰੇਨਿੰਗ ਵਿੱਚ ਐਸ.ਡੀ.ਐਮ ਨਵਾ ਸ਼ਹਿਰ ਸ਼੍ਰੀਮਤੀ ਅਕਸ਼ਿਤਾ ਗੁਪਤਾ ਆਈ.ਏ.ਐਸ., ਐਸ.ਡੀ.ਐਮ ਗੜਸ਼ੰਕਰ ਸ਼ਿਵਰਾਜ ਸਿੰਘ ਬਾਲ, ਐਸ.ਡੀ.ਐਮ ਬੰਗਾ ਸ਼੍ਰੀ ਬਿਕਰਮਜੀਤ ਸਿੰਘ, ਐਸ.ਡੀ.ਐਮ ਬਲਾਚੌਰ ਸ਼੍ਰੀ ਰਵਿੰਦਰ ਕੁਮਾਰ, ਐਸ.ਡੀ.ਐਮ ਸ਼੍ਰੀ ਅਨੰਦਪੁਰ ਸਾਹਿਬ ਰਾਜਪਾਲ ਸਿੰਘ ਸੇਖੋ, ਐਸ.ਡੀ.ਐਮ ਰੂਪਨਗਰ ਸ਼੍ਰੀ ਨਵਦੀਪ ਕੁਮਾਰ, ਐਸ.ਡੀ.ਐਮ ਸ਼੍ਰੀ ਚਮਕੌਰ ਸਾਹਿਬ ਸ਼੍ਰੀ ਅਮਰੀਕ ਸਿੰਘ, ਐਸ.ਡੀ.ਐਮ ਖਰੜ ਸ਼੍ਰੀ ਗੁਰਮੰਦਰ ਸਿੰਘ ਅਤੇ ਐਸ.ਡੀ.ਐਮ ਐਸ.ਏ.ਐਸ ਨਗਰ ਸ਼੍ਰੀ ਦੀਪਾਂਕਰ ਗਰਗ ਵੱਲੋ ਵੀ ਭਾਗ ਲਿਆ ਗਿਆ।