ਨਗਰ ਸੁਧਾਰ ਟਰੱਸਟ ਦੇ ਚੇਅਰਮੈਨ ਸ੍ਰੀ ਅਸ਼ੋਕ ਤਲਵਾਰ ਵਲੋਂ ਸ਼ਕੱਤਰੀ ਬਾਗ ਸਥਿਤ ਨਗਰ ਸੁਧਾਰ ਟਰੱਸਟ ਵਲੋਂ ਕੀਤੇ ਜਾ ਰਹੇ ਨਿਰਮਾਣ ਦਾ ਜਾਇਜ਼ਾ ਲਿਆ, ਇਸ ਮੌਕੇ ਚੇਅਰਮੈਨ ਅਸ਼ੋਕ ਤਲਵਾਰ ਦੇ ਨਾਲ ਐਸ.ਈ. ਪ੍ਰਦੀਪ ਜਾਇਸਵਾਲ ਐਕਸੀਐਨ ਰਵਿੰਦਰ ਕੁਮਾਰ, ਐਕਸੀਐਨ ਬਿਕਰਮ ਸਿੰਘ, ਜੇਈ ਰਾਜਬੀਰ ਸਿੰਘ ਮੌਜੂਦ ਸਨ, ਚੇਅਰਮੈਨ ਅਸ਼ੋਕ ਤਲਵਾਰ ਨੇ ਇਨਡੋਰ ਜਿਮ ਦਾ ਜਾਇਜ਼ਾ ਲੈਣ ਉਪਰੰਤ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਅਗਵਾਈ ਵਾਲੀ ਪੰਜਾਬ ਸਰਕਾਰ ਖੇਡਾਂ ਦੇ ਖੇਤਰ ਵਿੱਚ ਸੂਬੇ ਦੀ ਪੁਰਾਣੀ ਸ਼ਾਨ ਨੂੰ ਮੁੜ ਬਹਾਲ ਕਰਨ ਦੇ ਮਿਸ਼ਨ ਤਹਿਤ ਖੇਡਾਂ ਲਈ ਆਪਣਾ ਪੂਰਾ ਯੋਗਦਾਨ ਦੇ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਅੰਮ੍ਰਿਤਸਰ ਵਿੱਚ ਖੇਡ ਪ੍ਰਤਿਭਾ ਦੀ ਬਹੁਤ ਵੱਡੀ ਸਮਰੱਥਾ ਹੈ, ਜਿਸ ਦਾ ਲਾਭ ਉਨ੍ਹਾਂ ਨੂੰ ਉਤਸ਼ਾਹ, ਢੁਕਵਾਂ ਬੁਨਿਆਦੀ ਢਾਂਚਾ ਅਤੇ ਮੌਕੇ ਪ੍ਰਦਾਨ ਕਰਕੇ ਹੀ ਲਿਆ ਜਾ ਸਕਦਾ ਹੈ। ਚੇਅਰਮੈਨ ਨੇ ਸ਼ਕੱਤਰੀ ਬਾਗ ਸਥਿਤ ਨਗਰ ਸੁਧਾਰ ਟਰੱਸਟ ਵਲੋਂ ਬਣਾਏ ਜਾ ਰਹੇ ਇਨਡੋਰ ਸਟੇਡੀਅਮ ਬਾਰੇ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਕਿ ਇਹ ਇਨਡੋਰ ਜਿੰਮ ਤਕਰੀਬਨ ਬਣ ਕੇ ਤਿਆਰ ਹੈ।
ਉਨਾਂ ਦੱਸਿਆ ਕਿ ਗ੍ਰਾਊਂਡ ਫਲੋਰ ਤੇ ਕੈਫੇ ਏਰੀਆ, ਇਸਤਰੀਆਂ ਜਿੰਮ, ਗਤਕਾ ਪ੍ਰੈਕਟਿਸ, ਵਾਰਮ ਅਪ ਟਰੈਕ, ਫਿਜਿਓਥਰੈਪੀ ਹਾਲ, ਰੈਸÇਲੰਗ ਹਾਲ, ਬਾਕਸਿੰਗ ਹਾਲ, ਪਹਿਲੀ ਮੰਜਿਲ ’ਤੇ ਐਡਮਿਨ ਬਲਾਕ, ਡਾਇਰੈਕਟਰ ਆਫਿਸ, ਬੈਡਮਿੰਟਨ ਹਾਲ, ਪੂਲ ਗੇਮ, ਸਨੂਕਰ, ਸ਼ੂਟਿੰਗ ਰੇਂਜ ਪ੍ਰੈਕਟਿਸ ਲਈ ਅਤੇ ਮੈਚ ਵਾਸਤੇ ਅਲੱਗ-ਅਲੱਗ ਬਣ ਰਿਹਾ ਹੈ ਅਤੇ ਦੂਸਰੀ ਮੰਜਿਲ ’ਤੇ ਪੁਰਸ਼ਾਂ ਲਈ ਜਿੰਮ, ਟੇਬਲ ਟੈਨਿਸ ਹਾਲ ਬਣ ਰਿਹਾ ਹੈ।
ਚੇਅਰਮੈਨ ਅਸ਼ੋਕ ਤਲਵਾਰ ਨੇ ਦੱਸਿਆ ਕਿ ਇਹ ਪ੍ਰੋਜੈਕਟ 18 ਤੋਂ 19 ਕਰੋੜ ਦੀ ਲਾਗਤ ਨਾਲ ਤਿਆਰ ਹੋਇਆ ਹੈ, ਅਤੇ ਬਣਨ ਉਪਰੰਤ ਇਹ ਪ੍ਰੋਜੈਕਟ ਸਪੋਰਟਸ ਅਥਾਰਿਟੀ ਆਫ ਇੰਡੀਆ ਦੇ ਹੈਂਡਓਵਰ ਕਰ ਦਿੱਤਾ ਜਾਵੇਗਾ। ਇਸ ਮੌਕੇ ਵਿਕਰਮਜੀਤ ਵਿੱਕੀ, ਮਨਦੀਪ ਸਿੰਘ ਮੋਂਗਾ, ਬਲਾਕ ਇੰਚਾਰਜ਼ ਜਸਪਾਲ ਸਿੰਘ ਭੁੱਲਰ, ਮਾਸਟਰ ਖ਼ਜ਼ਾਨ ਸਿੰਘ, ਸੰਜੀਵ ਕੁਮਾਰ,ਨਵਜੋਤ ਸਿੰਘ,ਸ਼ੇਰੇ ਪੰਜਾਬ,ਹਰਜੀਤ ਸਿੰਘ ਮੌਜੂਦ ਸਨ।