ਚਿਤਕਾਰਾ ਯੂਨੀਵਰਸਿਟੀ ਨੇ ਸੁਪਰਮੋਰਫ਼ੀਅਸ ਦੇ ਸੰਸਥਾਪਕ ਸਮੀਰ ਗੁਗਲਾਨੀ ਨੂੰ ਡੀ.ਲਿੱਟ ਦੀ ਡਿਗਰੀ ਪ੍ਰਦਾਨ ਕੀਤੀ ਹੈ। ਯੂਨੀਵਰਸਿਟੀ ਨੇ ਸ੍ਰੀ ਗੁਗਲਾਨੀ ਨੂੰ ਡਾਕਟਰੇਟ ਦੀ ਇਹ ਡਿਗਰੀ ਵਿਉਪਾਰ, ਸਟਾਰਟ ਅੱਪ ਸਮਾਜ ਅਤੇ ਮਾਨਵਤਾ ਦੀ ਭਲਾਈ ਲਈ ਪਾਏ ਯੋਗਦਾਨ ਬਦਲੇ ਪ੍ਰਦਾਨ ਕੀਤੀ। ਚਿਤਕਾਰਾ ਬਿਜ਼ਨਿਸ ਸਕੂਲ ਦੇ ਫਾਈਨਾਂਸ ਅਤੇ ਬੈਕਿੰਗ, ਇਨਵੈਸਟਮੈਂਟ ਬੈਂਕਿੰਗ, ਮਾਰਕੀਟਿੰਗ, ਐਚਆਰ ਬਿਜ਼ਨਿਸ, ਅਨਾਲਟਿਕ ਹੈਲਥਕੇਅਰ ਅਤੇ ਮੈਨੇਜਮੈਂਟ ਦੇ 400 ਗਰੈਜੂਏਟਾਂ ਨੂੰ 17ਵੇਂ ਡਿਗਰੀ ਵੰਡ ਸਮਾਰੋਹ ਮੌਕੇ ਕਰਾਏ ਸਮਾਰੋਹ ਮੌਕੇ ਚਿਤਕਾਰਾ ਦੇ ਚਾਂਸਲਰ ਡਾ ਅਸ਼ੋਕ ਚਿਤਕਾਰਾ ਅਤੇ ਪ੍ਰੋ ਚਾਂਸਲਰ ਡਾ ਮਧੂ ਚਿਤਕਾਰਾ ਨੇ ਸਮੀਰ ਗੁਗਲਾਨੀ ਨੂੰ ਇਹ ਆਨਰੇਰੀ ਡਿਗਰੀ ਪ੍ਰਦਾਨ ਕੀਤੀ।
ਸੁਪਰਮੋਰਫੀਅਸ 700 ਤੋਂ ਵੱਧ ਮੈਂਬਰਾਂ ਵਾਲਾ ਇੱਕ ਸਮਾਜਿਕ ਡਿ੍ਰਵਨ ਇਨਵੈੱਸਟਮੈਂਟ ਪਲੇਟਫ਼ਾਰਮ ਹੈ, ਜਿਸ ਵਿੱਚ 65 ਤੋਂ ਵੱਧ ਨਿਵੇਸ਼ਕਾਂ ਦੇ ਪੋਰਟਫੋਲੀਓ ਹਨ। ਸ੍ਰੀ ਗੁਗਲਾਨੀ ਭਾਰਤ ਦੇ ਸਟਾਰਟਅੱਪ ਈਕੋ ਸਿਸਟਮ ਦੇ ਮੋਢੀਆਂ ਵਿੱਚੋਂ ਇੱਕ ਹੈ, ਜਿਸ ਨੇ ਦੋ ਦਹਾਕਿਆਂ ਤੋਂ ਵੀ ਘੱਟ ਸਮੇਂ ਦੇ ਅੰਦਰ ਸਟਾਰਟਅੱਪ ਨੂੰ ਬਦਲਿਆ ਹੈ। ਉਸ ਨੇ ਸਟਾਰਟਅੱਪ ਸਮਾਜ ਲਈ ਦੁਨੀਆਂ ਭਰ ਵਿੱਚ ਸਹਿਯੋਗੀ ਅਤੇ ਸਹਾਇਕ ਸਮਾਜਿਕ ਵਾਤਾਵਰਣ ਦਾ ਨਿਰਮਾਣ ਕੀਤਾ ਹੈ, ਤਾਂ ਕਿ ਉਹ ਅੱਗੇ ਤਰੱਕੀ ਕਰ ਸਕਣ।
ਇਸ ਮੌਕੇ ਬੋਲਦਿਆਂ ਸ੍ਰੀ ਗੁਗਲਾਨੀ ਨੇ ਨੌਜਵਾਨਾਂ ਨਾਲ ਆਪਣੀ ਯਾਤਰਾ ਅਤੇ ਤਜਰਬੇ ਸਾਂਝੇ ਕੀਤੇ। ਉਨ੍ਹਾਂ ਵਿਦਿਆਰਥੀਆਂ ਨੂੰ ਆਪਣੇ ਆਪ ਉੱਤੇ ਵਿਸ਼ਵਾਸ ਕਰਨ ਅਤੇ ਅਟੁੱਟ ਸਮਰਪਣ ਤੇ ਜਨੂਨ ਨਾਲ ਆਪਣੀਆਂ ਇਛਾਵਾਂ ਦੀ ਪੂਰਤੀ ਕਰਨ ਲਈ ਉਤਸ਼ਾਹਿਤ ਕੀਤਾ। ਉਨ੍ਹਾਂ ਕਿਹਾ ਕਿ ਮੈਂ ਮੋਰਫ਼ੀਅਸ ਅਤੇ ਸੁਪਰ ਮੋਰਫ਼ੀਅਸ ਵੱਲੋਂ ਇਹ ਸਨਮਾਨ ਸਵੀਕਾਰ ਕਰਦਾ ਹਾਂ। ਉਨ੍ਹਾਂ ਚਿਤਕਾਰਾ ਯੂਨੀਵਰਸਿਟੀ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਯੂਨੀਵਰਸਿਟੀ ਸਟਾਰਟਅੱਪ ਅਤੇ ਨਵੀਨਤਾ ਦੇ ਪਿਆਰ ਲਈ ਜਾਣੀ ਜਾਂਦੀ ਹੈ ਤੇ ਇਹ ਉਹਨ੍ਹਾਂ ਦਾ ਇੱਕ ਹੋਰ ਅਦਭੁਤ ਸੰਕੇਤ ਹੈ।
ਚਿਤਕਾਰਾ ਦੀ ਪ੍ਰੋ ਚਾਂਸਲਰ ਡਾ ਮਧੂ ਚਿਤਕਾਰਾ ਨੇ ਇਸ ਮੌਕੇ ਸਮੀਰ ਗੁਗਲਾਨੀ ਨੂੰ ਵਧਾਈ ਦਿੰਦਿਆਂ ਆਖਿਆ ਕਿ ਸ੍ਰੀ ਗੁਗਲਾਨੀ ਸਟਾਰਟਅੱਪ ਕਮਿਊਨਿਟੀ ਅਤੇ ਸਮਾਜ ਲਈ ਮਿਸਾਲੀ ਯੋਗਦਾਨ ਨਿਭਾ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਸ੍ਰੀ ਗੁਗਲਾਨੀ ਦਾ ਦਿ੍ਰਸ਼ਟੀਕੋਣ ਸਮਾਜ ਅਤੇ ਨੌਜਵਾਨਾਂ ਲਈ ਰੋਲ ਮਾਡਲ ਹੈ। ਉਨ੍ਹਾਂ ਕਿਹਾ ਕਿ ਸ੍ਰੀ ਗੁਗਲਾਨੀ ਨੂੰ ਸਨਮਾਨਿਤ ਕਰਕੇ ਯੂਨੀਵਰਸਿਟੀ ਖੁਦ ਫ਼ਖਰ ਮਹਿਸੂਸ ਕਰ ਰਹੀ ਹੈ।