ਡਾ.ਹਰਭਜਨ ਰਾਮ ਮਾਂਡੀ ਸਿਵਲ ਸਰਜਨ ਗੁਰਦਾਸਪੁਰ ਨੇ ਆਪਣੇ ਦਫਤਰ ਵਿਖੇ ਲੋਕਾਂ ਨੂੰ ਤੰਬਾਕੂ ਦੇ ਬੁਰੇ ਪ੍ਰਭਾਵਾਂ ਬਾਰੇ ਜਾਗਰੂੱਕ ਕਰਨ ਲਈ ਪੋਸਟਰ ਰੀਲੀਜ਼ ਕੀਤੇ। ਡਾ.ਹਰਭਜਨ ਰਾਮ ਮਾਡੀ ਸਿਵਲ ਸਰਜਨ ਨੇ ਦੱਸਿਆ ਕਿ ਇਸ ਸਾਲ ਦਾ ਥੀਮ ਹੈ ਤੰਬਾਕੂ ਛੱਡਣ ਦਾ ਵਾਅਦਾ ਵਿਸਵ ਸਿਹਤ ਸੰਸਥਾ ਨੇ ਤੰਬਾਕੂ ਦੇ ਸਿਹਤ ਦੇ ਮਾੜੇ ਪ੍ਰਭਾਵਾਂ ਬਾਰੇ ਜਾਗਰੂੱਕ ਕਰਨ ਅਤੇ ਸਿਹਤਮੰਦ ਜੀਵਨ ਜਾਂਚ ਆਪਣਾਉਣ ਲਈ ਲੋਕਾਂ ਨੂੰ ਪ੍ਰੇਰਿਤ ਕਰਨ ਵਾਸਤੇ ਹਰ ਸਾਲ 31 ਮਈ ਨੂੰ ਤੰਬਾਕੂ ਵਿਰੋਧੀ ਦਿਵਸ ਦੀ ਸੁਰੂਆਤ ਸਾਲ 1988 ਤੋ ਕੀਤੀ ਗਈ ਸੀ।ਤੰਬਾਕੂ ਇੱਕ ਅਜਿਹਾ ਪਦਾਰਥ ਹੈ ਜੋ ਕਿ ਇਨਸਾਨ ਦੇ ਫੇਫੜਿਆ ਨੂੰ ਨਸ਼ਟ ਕਰ ਦਿੰਦਾ ਹੈ।ਇਸ ਨਾਲ ਹੋਣ ਵਾਲੀਆਂ ਬਿਮਾਰੀਆਂ ਜਿਵੇ ਕਿ ਟੀ.ਬੀ.,ਮੂੰਹ ਦਾ ਕੈਂਸਰ,ਦੰਦਾਂ ਅਤੇ ਗਲੇ ਦਾ ਕੈਂਸਰ ਆਦਿ ਅੱਜ ਕੱਲ ਆਮ ਹੋ ਗਏ ਹਨ।ਇਸ ਲਈ ਸਾਨੂੰ ਇਸਦਾ ਸੇਵਨ ਨਹੀ ਕਰਨਾ ਚਾਹੀਦਾ।ਇਸ ਤੋਂ ਛੁਟਕਾਰਾ ਪਾਉਣ ਲਈ ਜ਼ਿਲੇ ਦੇ ਤੰਬਾਕੂ ਛੁਡਾਓ ਕੇਂਦਰ ਵਿੱਚ ਬਚਾਓ ਦੀ ਪੂਰੀ ਜਾਣਕਾਰੀ ਮਾਹਿਰ ਡਾਕਟਰਾਂ ਤੋਂ ਲਈ ਜਾ ਸਕਦੀ ਹੈ।ਇਸ ਮੋਕੇ ਤੇ ਡਾ.ਮਾਡੀ ਨੇ ਸੰਹੁ ਚੁਕਾਕੇ ਪ੍ਰਣ ਲਿਆ ਕਿ ਭਵਿੱਖ ਵਿੱਚ ਤੰਬਾਕੂ ਦੀ ਵਰਤੋ ਨਹੀ ਕਰਨਗੇ ਅਤੇ ਦੋਸਤਾਂ ਮਿੱਤਰਾਂ ਨੂੰ ਤੰਬਾਕੂ ਛੱਡਣ ਲਈ ਪ੍ਰੇਰਿਤ ਕਰਨਗੇ। ਜ਼ਿਲ੍ਹਾ ਐਪੀਡੀਮਾਲੋਜਿਸਟ ਅਫਸਰ ਡਾ.ਪ੍ਰਭਜੋਤ ਕੋਰ ਕਲਸੀ ਨੇ ਦੱਸਿਆ ਕਿ ਇਸ ਨਾਲ ਬਲੱਡ ਪ੍ਰੈਸਰ ਵੱਧਣਾ ਵੱਡਾ ਕਾਰਨ ਹੈ। ਤੰਬਾਕੂ ਨੋਸ਼ੀ ਨਾਲ ਖਾਮੋਸ਼ ਮੌਤ ਵੀ ਹੋ ਸਕਦੀ ਹੈ। ਜਰਦਾਂ,ਗੁਟਕਾ,ਖੈਣੀ ਅਤੇ ਪਾਨ ਮਸਾਲੇ ਦੀ ਵਰਤੋਂ ਕਰਕੇ ਵਾਰ ਵਾਰ ਥੁੱਕਣਾ ਪੈਂਦਾ ਹੈ।ਜਿਸ ਕਾਰਨ ਕੋਵਿਡ-19 ਦੇ ਫੈਲਣ ਦਾ ਖਤਰਾ ਵੱਧ ਜਾਂਦਾ ਹੈ।ਜ਼ਿਲੇ ਦੇ ਤੰਬਾਕੂ ਛੁਡਾਓ ਕੇਂਦਰ ਵਿਖੇ ਇਸਦਾ ਮੁਫਤ ਇਲਾਜ ਕੀਤਾ ਜਾਂਦਾ ਹੈ।ਇਸ ਮੋਕੇ ਤੇ ਸਹਾਇਕ ਸਿਵਲ ਸਰਜਨ ,ਡਾ.ਭਾਰਤ ਭੂਸ਼ਣ,ਜ਼ਿਲ੍ਹਾ ਪਰਿਵਾਰ ਭਲਾਈ ਅਫਸਰ ਡਾ.ਵਿਜ਼ੈ ਕੁਮਾਰ ,ਜ਼ਿਲ੍ਹਾ ਟੀਕਾਕਰਨ ਅਫਸਰ, ਡਾ.ਮਨਚੰਦਾ, ਜ਼ਿਲ੍ਹਾ ਟੀ.ਬੀ.ਅਫਸਰ ਡਾ.ਰਮੇਸ਼ ਕੁਮਾਰ ਅੱਤਰੀ, ,ਡਾ.ਸੰਜੀਵ ਰੱਤੜਾ,ਜ਼ਿਲ੍ਹਾ ਸਿਹਤ ਅਫਸਰ,ਸ੍ਰੀ ਸਿਵਚਰਨ ,ਏ.ਐਮ.ਓ.ਸ੍ਰੀ ਸੁਖਦਿਆਲ, ਸ੍ਰੀ ਜੋਬਨਪ੍ਰੀਤ ਸਿੰਘ,ਸ੍ਰੀ ਰਾਮ ਸਿੰਘ, ਸ੍ਰੀ ਪ੍ਰਬੋਧ ਚੰਦਰ ਅਤੇ ਸ੍ਰੀ ਅਮਰਜੀਤ ਸਿੰਘ ਦਾਲਮ ਅਤੇ ਸ੍ਰੀਮਤੀ ਗੁਰਿੰਦਰ ਕੌਰ ਡਿਪਟੀ ਮਾਸ ਮੀਡੀਆ ਅਫਸਰ ਆਦਿ ਹਾਜ਼ਰ ਸਨ।