ਨਿੱਝਰ- ਛੱਜੂਮਾਜਰਾ ਰੋਡ ਤੇ ਪੈਂਦੇ ਸਵਰਾਜ ਇਨਕਲੇਵ ਵਸਨੀਕਾਂ ਨੇ ਨਵਾਂ ਟਰਾਂਸਫਾਰਮਰ ਲਗਾਕੇ ਬਿਜਲੀ ਦੀ ਸਮੱਸਿਆ ਹੱਲ ਕਰਨ ਲਈ ਪਾਵਰਕੌਮ ਵਿਭਾਗ ਦੇ ਐਕਸੀਅਨ ਅਮਨਦੀਪ ਸਿੰਘ ਧਨੋਆ ਅਤੇ ਐਸ.ਡੀ.ਓ ਸਵਰਨਜੀਤ ਸਿੰਘ ਤੇ ਜੇਈ ਦਾ ਧੰਨਵਾਦ ਕੀਤਾ ਤੇ ਲੱਡੂ ਵੰਡਕੇ ਖੁਸ਼ੀ ਮਨਾਈ। ਇਸ ਸਬੰਧੀ ਗੱਲਬਾਤ ਕਰਦਿਆਂ ਸਵਰਾਜ ਇਨਕਲੇਵ ਰੈਜੀਡੈਂਟ ਵੈਲਫੇਅਰ ਸੁਸਾਇਟੀ ਦੇ ਸਾਬਕਾ ਪ੍ਰਧਾਨ ਸਰਦੇਵ ਸਿੰਘ ਸਾਦੜਾ, ਸਾਬਕਾ ਕਾਰਜਕਾਰੀ ਪ੍ਰਧਾਨ ਮੇਜਰ ਸਿੰਘ, ਆਡਿਟ ਕਮੇਟੀ ਮੈਂਬਰ ਦਿਨੇਸ਼ ਸ਼ਰਮਾਂ ਨੇ ਦੱਸਿਆ ਕਿ ਕਲੋਨੀ ਅੰਦਰ ਪਹਿਲਾਂ 100 ਕੇਵੀ ਦਾ ਟ੍ਰਾਂਸਫਾਰਮਰ ਲੱਗਾ ਹੋਇਆ ਸੀ। ਪਹਿਲਾਂ ਇਥੋਂ ਦੀ ਅਬਾਦੀ ਘੱਟ ਸੀ ਪਰ ਹੁਣ ਨਵੇਂ ਘਰ ਬਣਨ ਕਾਰਨ ਬਿਜਲੀ ਦੀ ਘੱਟ ਵੋਲਟੇਜ਼ ਦੀ ਸਮੱਸਿਆ ਆ ਰਹੀ ਸੀ । ਇਸ ਲਈ ਉਨਾਂ ਐਸ.ਡੀ.ਓ ਖਰੜ ਨੂੰ ਮਿਲਕੇ 200 ਕੇਵੀ ਦਾ ਨਵਾਂ ਟ੍ਰਾਂਸਫਾਰਮਰ ਰੱਖਣ ਲਈ ਮੰਗ ਪੱਤਰ ਦਿੱਤਾ ਸੀ ਤੇ ਉਹ ਐਕਸੀਅਨ ਨੂੰ ਵੀ ਮਿਲੇ ਸਨ। ਅਧਿਕਾਰੀਆਂ ਨੇ ਉਨਾਂ ਦੀ ਸਮੱਸਿਆ ਜਲਦੀ ਹੱਲ ਕਰਨ ਦਾ ਭਰੋਸਾ ਦਿੱਤਾ ਸੀ। ਬੀਤੇ ਦਿਨੀ ਅਚਾਨਕ ਪਹਿਲਾਂ ਲੱਗੇ ਟ੍ਰਾਂਸਫਾਰਮਰ ਚ ਤਕਨੀਕੀ ਨੁਕਸ ਪੈਣ ਨਾਲ ਬਿਜਲੀ ਪ੍ਰਭਾਵਿਤ ਹੋ ਗਈ। ਇਸ ਸਬੰਧੀ ਐਸ.ਡੀ.ਓ ਨੂੰ ਜਾਣੂ ਕਰਵਾਉਣ ਤੇ ਉਨਾਂ ਉਸੇ ਦਿਨ ਕੁੱਝ ਘੰਟਿਆਂ ਵਿੱਚ ਹੀ 200 ਕੇਵੀ ਦਾ ਨਵਾਂ ਟ੍ਰਾਂਸਫਾਰਮਰ ਰੱਖ ਕੇ ਵਸਨੀਕਾਂ ਦੀ ਬਿਜਲੀ ਦੀ ਸਮੱਸਿਆ ਦੂਰ ਕਰ ਦਿੱਤੀ ਹੈ। ਉਨਾਂ ਦੱਸਿਆ ਕਿ 100 ਕੇਵੀ ਦਾ ਇਕ ਹੋਰ ਟ੍ਰਾਂਸਫਾਰਮਰ ਲਗਾਇਆ ਜਾਣਾ ਹੈ ਜੋ ਕੁੱਝ ਦਿਨਾਂ ਅੰਦਰ ਲਗਾ ਦਿੱਤਾ ਜਾਵੇਗਾ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਡਾ. ਹਰਦਿਆਲ ਸਿੰਘ, ਸੋਮਨਾਥ, ਇੰਦਰ ਸਿੰਘ, ਐਨ.ਕੇ ਰੋਹੇਲਾ, ਜਤਿੰਦਰ ਕੁਮਾਰ ਬਜਾਜ, ਰਾਕੇਸ਼ ਕੁਮਾਰ ਰਾਣਾ, ਯਿਆਨਾ ਸਿੰਘ, ਮਨੀਸ਼ ਡੋਗਰਾ, ਜਗਦੀਸ਼ ਕੁਮਾਰ, ਸੁਨੀਲ ਸਾਗਰ, ਹਨੀ ਸਾਗਰ, ਬਲਜੀਤ ਕੌਰ, ਸੁਨੀਤਾ ਸ਼ਰਮਾ, ਤੇਜਵਿੰਦਰ ਸਿੰਘ, ਪੂਜਾ ਸਾਗਰ, ਕੁਸਮ.ਰਾਣਾ, ਸ਼ਾਲੂ, ਮਮਤਾ ਪਠਾਨੀਆ, ਪਰਮਜੀਤ ਕੌਰ ਆਦਿ ਹਾਜਰ ਸਨ ।