ਕੇਂਦਰੀ ਸੰਚਾਰ ਬਿਊਰੋ ਅਤੇ ਚੰਡੀਗੜ੍ਹ ਪ੍ਰਸ਼ਾਸਨ ਨੇ ਪੋਸ਼ਣ ਪੰਦਰਵਾੜੇ ਦਾ ਸਫਲਤਾਪੂਰਵਕ ਆਯੋਜਨ ਕੀਤਾ

5 Dariya News

ਚੰਡੀਗੜ੍ਹ 21-Apr-2025

ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਦੇ ਅਧੀਨ ਕੇਂਦਰੀ ਸੰਚਾਰ ਬਿਊਰੋ (ਸੀਬੀਸੀ) ਚੰਡੀਗੜ੍ਹ ਪ੍ਰਸ਼ਾਸਨ ਦੇ ਸਹਿਯੋਗ ਨਾਲ 8 ਅਪ੍ਰੈਲ ਤੋਂ 22 ਅਪ੍ਰੈਲ, 2025 ਤੱਕ ਪੋਸ਼ਣ ਪੰਦਰਵਾੜੇ ਦਾ 7ਵਾਂ ਸੰਸਕਰਣ ਮਨਾ ਰਿਹਾ ਹੈ। ਇਸ ਸਮਾਗਮ ਵਿੱਚ ਪੋਸ਼ਣ ਅਤੇ ਸਿਹਤ ਬਾਰੇ ਜਾਗਰੂਕਤਾ ਪੈਦਾ ਕਰਨ ਲਈ ਸੱਭਿਆਚਾਰਕ ਪ੍ਰਦਰਸ਼ਨ ਅਤੇ ਕਮਿਊਨਿਟੀ ਆਊਟਰੀਚ ਗਤੀਵਿਧੀਆਂ ਸ਼ਾਮਲ ਹਨ।

ਚੰਡੀਗੜ੍ਹ ਦੇ ਵੱਖ-ਵੱਖ ਥਾਵਾਂ 'ਤੇ ਸੀਬੀਸੀ ਚੰਡੀਗੜ੍ਹ ਦੇ ਨਿੱਜੀ ਰਜਿਸਟਰਡ ਗਰੁੱਪਾਂ ਦੁਆਰਾ ਨੁੱਕੜ ਨਾਟਕਾਂ ਦਾ ਆਯੋਜਨ ਕੀਤਾ ਗਿਆ। ਨੁੱਕੜ ਨਾਟਕਾਂ ਰਾਹੀਂ ਸਹੀ ਪੋਸ਼ਣ, ਮੋਟਾਪੇ ਦੀ ਰੋਕਥਾਮ, ਜੱਚਾ ਦੇਖਭਾਲ, ਪੋਸ਼ਣ ਟਰੈਕਰ ਐਪ ਅਤੇ ਬੱਚੇ ਦੇ ਜੀਵਨ ਦੇ ਪਹਿਲੇ 1000 ਦਿਨਾਂ ਦੀ ਮਹੱਤਤਾ ਵਰਗੇ ਮਹੱਤਵਪੂਰਨ ਪਹਿਲੂਆਂ ਬਾਰੇ ਜਾਗਰੂਕਤਾ ਪੈਦਾ ਕੀਤੀ ਗਈ।

ਹਾਲ ਹੀ ਵਿੱਚ ਹੇਠ ਲਿਖੀਆਂ ਥਾਵਾਂ 'ਤੇ ਸੱਭਿਆਚਾਰਕ ਗਤੀਵਿਧੀਆਂ ਸਫਲਤਾਪੂਰਵਕ ਆਯੋਜਿਤ ਕੀਤੀਆਂ ਗਈਆਂ ਹਨ:

* ਆਯੁਸ਼ਮਾਨ ਸਿਹਤ ਕੇਂਦਰ, (ਹਾਲੋ ਮਾਜਰਾ), ਚੰਡੀਗੜ੍ਹ

* ਆਂਗਣਵਾੜੀ ਕੇਂਦਰ, (ਸੈਕਟਰ 42-ਸੀ), ਚੰਡੀਗੜ੍ਹ

* ਕੁੰਦਨ ਨਗਰ (ਮੌਲੀ ਜਾਗਰਣ), ਚੰਡੀਗੜ੍ਹ

ਸੱਭਿਆਚਾਰਕ ਗਤੀਵਿਧੀਆਂ ਨੇ ਇਸ ਸਾਲ ਦੀ ਮੁਹਿੰਮ ਦੇ ਥੀਮ - "ਸ਼ੁੱਧ ਜਲ ਅਤੇ ਸਵੱਛਤਾ ਨਾਲ ਸਿਹਤਮੰਦ ਬਚਪਨ" 'ਤੇ ਜ਼ੋਰ ਦਿੱਤਾ ਗਿਆ, ਜਿਸਦੀ ਟੈਗਲਾਈਨ "ਪੂਰਨ ਪੋਸ਼ਣ ਦੀ ਸ਼ੁਰੂਆਤ, ਸ਼ੁੱਧ ਜਲ ਅਤੇ ਸਵੱਛਤਾ ਦੇ ਨਾਲ" ਸੀ। ਇਨ੍ਹਾਂ ਸਮਾਗਮਾਂ ਵਿੱਚ ਜੀਵਨ ਦੇ ਪਹਿਲੇ 1000 ਦਿਨਾਂ ਦੀ ਮਹੱਤਤਾ, ਪੋਸ਼ਣ ਟਰੈਕਰ ਐਪ ਦਾ ਪ੍ਰਚਾਰ, ਸੀਐੱਮਏਐੱਮ ਮਾਡਿਊਲ (ਕੁਪੋਸ਼ਣ ਦਾ ਭਾਈਚਾਰਾ-ਅਧਾਰਤ ਪ੍ਰਬੰਧਨ) ਅਤੇ ਬਚਪਨ ਦੇ ਮੋਟਾਪੇ ਦਾ ਮੁਕਾਬਲਾ ਕਰਨ ਲਈ ਸਿਹਤਮੰਦ ਜੀਵਨ ਸ਼ੈਲੀ ਨੂੰ ਉਤਸ਼ਾਹਿਤ ਕਰਨ ਵਰਗੇ ਮੁੱਖ ਪਹਿਲੂਆਂ ਨੂੰ ਉਜਾਗਰ ਕੀਤਾ ਗਿਆ।

ਇਨ੍ਹਾਂ ਗਤੀਵਿਧੀਆਂ ਦੇ ਆਯੋਜਨ ਨੇ ਸਹੀ ਪੋਸ਼ਣ ਪ੍ਰਾਪਤ ਕਰਨ ਵਿੱਚ ਸਵੱਛ ਪਾਣੀ ਅਤੇ ਸੈਨੀਟੇਸ਼ਨ ਦੀ ਮਹੱਤਵਪੂਰਨ ਭੂਮਿਕਾ ਨੂੰ ਹੋਰ ਮਜ਼ਬੂਤ ਕੀਤਾ। ਹਾਜ਼ਰੀਨ ਨੇ ਕਿਹਾ ਕਿ "ਪਹਿਲਾਂ ਉਨ੍ਹਾਂ ਕੋਲ ਸੀਮਤ ਗਿਆਨ ਸੀ, ਪਰ ਹੁਣ ਉਹ ਬੱਚਿਆਂ ਦੇ ਸਰੀਰਕ ਵਿਕਾਸ ਅਤੇ ਮਾਨਸਿਕ ਤੰਦਰੁਸਤੀ ਲਈ ਸਹੀ ਪੋਸ਼ਣ ਦੀ ਮਹੱਤਤਾ, ਗਰਭਵਤੀ ਮਹਿਲਾਵਾਂ ਲਈ ਜ਼ਰੂਰੀ ਖੁਰਾਕ ਅਤੇ ਜਨਮ ਤੋਂ ਬਾਅਦ ਬੱਚੇ ਦੀ ਸਹੀ ਦੇਖਭਾਲ ਬਾਰੇ ਚੰਗੀ ਤਰ੍ਹਾਂ ਜਾਣੂ ਹੋ ਗਏ ਹਨ"। 

To Read in Hindi: केंद्रीय संचार ब्यूरो और चंडीगढ़ प्रशासन ने पोषण पखवाड़ा का किया सफल आयोजन

ਦਰਸ਼ਕਾਂ ਦਾ ਸਮੁੱਚਾ ਹੁੰਗਾਰਾ ਸਕਾਰਾਤਮਕ ਸੀ, ਅਤੇ ਚੰਡੀਗੜ੍ਹ ਦੇ ਸਿਹਤ ਵਿਭਾਗ ਦੇ ਅਧਿਕਾਰੀਆਂ ਨੇ ਜ਼ਮੀਨੀ ਪੱਧਰ 'ਤੇ ਵਿਵਹਾਰ ਵਿੱਚ ਤਬਦੀਲੀ ਲਿਆਉਣ ਲਈ ਸੱਭਿਆਚਾਰਕ ਸਮਾਗਮ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਨੇ ਇਸ ਗੱਲ 'ਤੇ ਜ਼ੋਰ ਦਿੱਤਾ ਕਿ ਭਾਈਚਾਰੇ ਵਿੱਚ ਜਾਗਰੂਕਤਾ ਵਧਾਉਣ ਲਈ ਹੋਰ ਸੱਭਿਆਚਾਰਕ ਗਤੀਵਿਧੀਆਂ ਦਾ ਆਯੋਜਨ ਕੀਤਾ ਜਾਣਾ ਚਾਹੀਦਾ ਹੈ, ਕਿਉਂਕਿ ਅਜਿਹੀਆਂ ਗਤੀਵਿਧੀਆਂ ਸਿਹਤ ਅਤੇ ਪੋਸ਼ਣ ਨਾਲ ਸਬੰਧਤ ਮਹੱਤਵਪੂਰਨ ਸੁਨੇਹਿਆਂ ਨੂੰ ਫੈਲਾਉਣ ਵਿੱਚ ਬਹੁਤ ਪ੍ਰਭਾਵਸ਼ਾਲੀ ਅਤੇ ਅਸਰਦਾਰ ਸਾਬਤ ਹੋਈਆਂ ਹਨ।

ਵਰਤਮਾਨ ਵਿੱਚ ਸਾਡੀਆਂ ਸੱਭਿਆਚਾਰਕ ਗਤੀਵਿਧੀਆਂ ਪੰਜਾਬ ਅਤੇ ਹਿਮਾਚਲ ਰਾਜਾਂ ਵਿੱਚ ਆਯੋਜਿਤ ਅਤੇ ਯੋਜਨਾਬੱਧ ਕੀਤੀਆਂ ਜਾ ਰਹੀਆਂ ਹਨ, ਆਉਣ ਵਾਲੇ ਦਿਨਾਂ ਵਿੱਚ ਇਨ੍ਹਾਂ ਰਾਜਾਂ ਵਿੱਚ ਅਜਿਹੇ ਹੋਰ ਪ੍ਰੋਗਰਾਮ ਹੋਣ ਜਾ ਰਹੇ ਹਨ। ਭਵਿੱਖ ਦੇ ਸੱਭਿਆਚਾਰਕ ਪ੍ਰੋਗਰਾਮਾਂ ਵਿੱਚ ਇੰਟਰਐਕਟਿਵ ਸੈਸ਼ਨ, ਜਾਗਰੂਕਤਾ ਕੈਂਪ ਅਤੇ ਪੋਸ਼ਣ, ਸਿਹਤ ਅਤੇ ਸਫਾਈ ਆਦਿ ਬਾਰੇ ਸੁਨੇਹਿਆਂ ਨੂੰ ਉਤਸ਼ਾਹਿਤ ਕਰਨਾ ਸ਼ਾਮਲ ਹੋਵੇਗਾ।

To Read in English : CBC Chandigarh Joins Hands with UT Administration for Poshan Pakhwada Celebrations

ਕੇਂਦਰੀ ਸੰਚਾਰ ਬਿਊਰੋ, ਚੰਡੀਗੜ੍ਹ ਪੋਸ਼ਣ ਪੰਦਰਵਾੜਾ ਮੁਹਿੰਮ ਦੇ ਸੁਨੇਹੇ ਨੂੰ ਫੈਲਾਉਣ ਅਤੇ ਵਿਆਪਕ ਭਾਈਚਾਰੇ ਨੂੰ ਸ਼ਾਮਲ ਕਰਨ ਲਈ ਸੋਸ਼ਲ ਮੀਡੀਆ 'ਤੇ ਗਤੀਵਿਧੀਆਂ ਨੂੰ ਵੀ ਸਾਂਝਾ ਕਰ ਰਿਹਾ ਹੈ। ਪੋਸ਼ਣ ਪੰਦਰਵਾੜੇ ਦਾ ਉਦੇਸ਼ ਭਾਈਚਾਰਕ ਭਾਗੀਦਾਰੀ ਅਤੇ ਵਿਵਹਾਰ ਵਿੱਚ ਤਬਦੀਲੀ ਰਾਹੀਂ ਕੁਪੋਸ਼ਣ ਦਾ ਮੁਕਾਬਲਾ ਕਰਨਾ ਹੈ, ਜਿਸ ਨਾਲ ਇੱਕ ਸਿਹਤਮੰਦ, ਪੋਸ਼ਿਤ ਭਾਰਤ ਲਈ ਲੋਕ-ਸੰਚਾਲਿਤ ਅੰਦੋਲਨ ਬਣ ਸਕੇ।

ਪੋਸ਼ਣ ਪੰਦਰਵਾੜਾ 2025 ਬਾਰੇ ਵਧੇਰੇ ਜਾਣਕਾਰੀ ਲਈ, ਲਿੰਕ 'ਤੇ ਕਲਿੱਕ ਕਰੋ: https://pib.gov.in/PressReleasePage.aspx?PRID=2120456

ਇਸ ਮਿਸ਼ਨ ਬਾਰੇ ਵਧੇਰੇ ਜਾਨਣ ਲਈ ਵੈੱਬਸਾਇਟ ਦੇ ਲਿੰਕ ’ਤੇ ਕਲਿੱਕ ਕਰੋ: https://www.jalshakti-ddws.gov.in/