ਮਹਿਲਾ ਕਮਿਸ਼ਨ ਦੀ ਚੇਅਰਪਰਸਨ ਮਨੀਸ਼ਾ ਗੁਲਾਟੀ ਨੇ ਮੰਦਰ ਦੇ ਪਖਾਨੇ ਨੂੰ ਲੱਗਿਆ ਤਾਲਾ ਖੁਲਵਾਇਆ

ਮੰਦਰ ਦੀ ਪ੍ਰਬੰਧਕ ਕਮੇਟੀ ਨੂੰ ਕੀਤਾ ਤਲਬ, ਔਰਤਾਂ ਨਾਲ ਬਦਸਲੂਕੀ ਬਰਦਾਸ਼ਤ ਨਹੀਂ ਕੀਤੀ ਜਾਵੇਗੀ : ਚੇਅਰਪਰਸਨ

5 Dariya News

ਐਸ.ਏ.ਐਸ. ਨਗਰ 06-Jan-2020

ਪੰਜਾਬ ਰਾਜ ਮਹਿਲਾ ਕਮਿਸ਼ਨ, ਚੰਡੀਗੜ ਦੀ ਚੇਅਰਪਰਸਨ ਮਨੀਸ਼ਾ ਗੁਲਾਟੀ ਨੇ ਅੱਜ ਸ੍ਰੀ ਸੱਤ ਨਰਾਇਣ ਮੰਦਿਰ, ਮਟੌਰ, ਜ਼ਿਲਾ ਐਸ.ਏ.ਐਸ. ਨਗਰ ਦਾ ਦੌਰਾ ਕੀਤਾ ਅਤੇ ਮਹਿਲਾ ਮੰਡਲ, ਸਤ ਨਰਾਇਣ ਮੰਦਰ ਮਟੌਰ ਦੀਆਂ ਮੈਂਬਰਾਂ ਤੋਂ ਉਨਾਂ ਦੀਆਂ ਮੁਸ਼ਕਲਾਂ ਸੁਣੀਆਂ।ਮੰਡਲ ਪ੍ਰਧਾਨ ਦਇਆਵੰਤੀ ਬਾਂਸਲ ਤੇ ਮੀਤ ਪ੍ਰਧਾਨ ਆਭਾ ਬਾਂਸਲ ਵੱਲੋਂ ਸ੍ਰੀ ਸਨਾਤਨ ਧਰਮ ਵੈਲਫੇਅਰ ਸੁਸਾਇਟੀ ਦੇ ਪ੍ਰਧਾਨ ਉਤੇ ਔਰਤਾਂ ਨੂੰ ਤੰਗ ਕਰਨ ਅਤੇ ਪਖਾਨਿਆਂ ਨੂੰ ਤਾਲਾ ਲਾਉਣ ਦਾ ਮੁੱਦਾ ਚੁੱਕਣ ਉਤੇ ਸ੍ਰੀਮਤੀ ਗੁਲਾਟੀ ਨੇ ਮੰਦਰ ਕਮੇਟੀ ਨੂੰ ਭਲਕੇ 7 ਜਨਵਰੀ 2020 ਨੂੰ ਆਪਣੇ ਦਫ਼ਤਰ ਵਿੱਚ ਤਲਬ ਕੀਤਾ। ਉਨਾਂ ਕਿਹਾ ਕਿ ਔਰਤਾਂ ਨਾਲ ਜ਼ਿਆਦਤੀ ਬਿਲਕੁੱਲ ਬਰਦਾਸ਼ਤ ਨਹੀਂ ਹੋਵੇਗੀ। ਉਨਾਂ ਮੌਕੇ ਉਤੇ ਮੌਜੂਦ ਥਾਣਾ ਮਟੌਰ ਦੇ ਐਸ.ਐਚ.ਓ. ਰਾਜੀਵ ਕੁਮਾਰ ਨੂੰ ਮੰਦਰ ਦੇ ਅੰਦਰ ਮਹਿਲਾ ਮੰਡਲ ਦੀਆਂ ਔਰਤਾਂ ਨੂੰ ਸੁਰੱਖਿਆ ਮੁਹੱਈਆ ਕਰਨ ਦੇ ਆਦੇਸ਼ ਦਿੱਤੇ ਅਤੇ ਪਖਾਨਿਆਂ ਨੂੰ ਲੱਗਿਆ ਤਾਲਾ ਆਪਣੀ ਹਾਜ਼ਰੀ ਵਿੱਚ ਖੁਲਵਾਇਆ।ਚੇਅਰਪਰਸਨ ਨੇ ਕਿਹਾ ਕਿ ਉਹ ਡਿਪਟੀ ਕਮਿਸ਼ਨਰ ਐਸ.ਏ.ਐਸ. ਨਗਰ ਨਾਲ ਗੱਲ ਕਰ ਕੇ ਮੰਦਰ ਦੀ ਨਵੀਂ ਪ੍ਰਬੰਧਕ ਕਮੇਟੀ ਵਿੱਚ ਔਰਤਾਂ ਨੂੰ 50 ਫੀਸਦੀ ਨੁਮਾਇੰਦਗੀ ਦਿਵਾਈ ਜਾਵੇਗੀ। ਇਸ ਮੌਕੇ ਮਹਿਲਾ ਮੰਡਲ ਦੀ ਖ਼ਜ਼ਾਨਚੀ ਇੰਦੂ ਵਰਮਾ, ਸਕੱਤਰ ਮੰਜੂ ਪਾਠਕ ਅਤੇ ਹੋਰ ਮੈਂਬਰਾਂ ਪ੍ਰੋਮਿਲਾ ਗਰਗ, ਸੁਦੇਸ਼ ਖੰਨਾ, ੳੂਸ਼ਾ ਦੇਵੀ, ਸੀਤਾ ਦੇਵੀ, ਮੀਨੂ ਗੋਇਲ, ਗੀਤਾ ਸ਼ਰਮਾ ਅਤੇ ਰਾਜ ਕੱਕੜ ਮੌਜੂਦ ਸਨ।