ਕਾਂਸਟੇਬਲ ਵੀਰਪਾਲ ਨੇ ਸ੍ਰੀ ਮੁਕਤਸਰ ਸਾਹਿਬ ਦਾ ਮਾਣ ਵਧਾਇਆ: ਐੱਸਐੱਸਪੀ

59 ਵੀਂ ਓਪਨ ਨੈਸਨਲ ਅਥਲੈਟਿਕਸ ਚੈਂਪੀਅਨਸ਼ਿਪ ਰਾਂਚੀ ਵਿੱਚ ਕਾਂਸਟੇਬਲ ਵੀਰਪਾਲ ਨੇ ਜਿੱਤੇ 2 ਤਗਮੇ

5 Dariya News

ਸ੍ਰੀ ਮੁਕਤਸਰ ਸਾਹਿਬ 18-Oct-2019

ਝਾਰਖੰਡ ਦੀ ਰਾਜਧਾਨੀ ਰਾਂਚੀ ਵਿਖੇ ਹੋਈ 59ਵੀਂ ਓਪਨ ਕੌਮੀ ਅਥਲੈਟਿਕਸ ਚੈਂਪੀਅਨਸ਼ਿਪ ਵਿੱਚ ਦੋ ਤਗਮੇ ਜਿੱਤ ਕੇ ਜ਼ਿਲਾ ਸ੍ਰੀ ਮੁਕਤਸਰ ਸਾਹਿਬ ਦਾ ਮਾਣ ਵਧਾਉਣ ਵਾਲੀ ਸਿਪਾਹੀ ਵੀਰਪਾਲ ਕੌਰ ਦਾ ਅੱਜ ਜਿਲੇ ਦੇ ਐਸਐਸਪੀ ਸ: ਰਾਜ ਬਚਨ ਸਿੰਘ ਸੰਧੂ ਵੱਲੋਂ ਹੌਸਲਾ ਅਫਜਾਈ ਕੀਤੀ ਗਈ। ਐੱਸਐੱਸਪੀ ਸ. ਰਾਜ ਬਚਨ ਸਿੰਘ ਸੰਧੂ ਨੇ ਅੱਜ ਇੱਥੇ ਆਪਣੇ ਦਫਤਰ ਵਿਖੇ ਵੀਰਪਾਲ ਕੌਰ ਨੂੰ ਵਧਾਈ ਦਿੱਤੀ ਅਤੇ ਇਸ ਖੇਤਰ ਵਿਚ ਹੋਰ ਮਿਹਨਤ ਕਰਨ ਲਈ ਪ੍ਰੇਰਿਆ। ਦੱਸਣਯੋਗ ਹੈੈ ਕਿ ਜ਼ਿਲਾ ਸ੍ਰੀ ਮੁਕਤਸਰ ਸਾਹਿਬ ਦੀ ਤਹਿਸੀਲ ਗਿੱਦੜਬਾਹਾ ਦੇ ਪਿੰਡ ਘੱਘਾ ਨਾਲ ਸਬੰਧਤ ਕਾਂਸਟੇਬਲ ਵੀਰਪਾਲ ਕੌਰ ਨੇ ਪਿਛਲੇ ਦਿਨੀਂ 59 ਓਪਨ ਨੈਸਨਲ ਅਥਲੈਟਿਕਸ ਚੈਂਪੀਅਨਸ਼ਿਪ ਰਾਂਚੀ ਝਾਰਖੰਡ ਗੇਮਸ 2019 ਵਿੱਚੋਂ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ 400 ਮੀਟਰ ਹਰਡਲ ਦੌੜ ’ਚੋਂ ਕਾਂਸੀ  ਦਾ  ਤਗਮਾ ਅਤੇ  400 ਮੀਟਰ ਰਿਲੇਅ 4X4 ਚੋਂ ਕਾਂਸੀ ਦਾ ਤਗਮਾ ਹਾਸਲ ਕੀਤਾ । ਇਹ ਖੇਡਾਂ 10ਤੋਂ 13 ਅਕਤੂਬਰ 2019 ਤੱਕ ਹੋਈਆਂ ਸਨ। ਉਹ ਉਕਤ ਖੇਡਾਂ ਵਿਚ ਜਿੱਤ ਕਰਨ ਤੋਂ ਬਾਅਦ ਪੁਲਿਸ ਜ਼ਿਲਾ ਹੈਡਕੁਆਰਟਰ ਪੁੱਜੀ ਸੀ।  ਪਹਿਲਾਂ ਵੀ ਚੀਨ ਵਿੱਚ ਹੋਈਆਂ ‘ਵਰਲਡ ਪੁਲੀਸ ਐਂਡ ਫਾਇਰ ਗੇਮਜ਼ 2019’ ਵਿਚ ਉਹ 5 ਤਗਮੇ ਜਿੱਤ ਚੁੱਕੀ ਹੈ।