ਮਨੁੱਖਤਾ ਦੀ ਸੇਵਾ ਨੂੰ ਸਮਰਪਿਤ ਹੈ ਲਵਲੀ ਮੈਮੋਰੀਅਲ ਚੈਰੀਟੇਬਲ ਟੱਰਸਟ : ਐਡਵੋਕੇਟ ਹਰਮਨਪ੍ਰੀਤ ਸਿੰਘ ਪ੍ਰਿੰਸ

12ਵੇਂ ਮੈਡੀਕਲ ਕੈਂਪ ਦੌਰਾਨ 2400 ਮਰੀਜਾਂ ਦੀ ਕੀਤੀ ਜਾਂਚ

5 Dariya News

ਐਸ.ਏ.ਐਸ. ਨਗਰ 23-Sep-2019

ਮਨੁੱਖਤਾ ਦੀ ਸੇਵਾ ਹੀ ਸਭ ਤੋਂ ਵੱਡਾ ਧਰਮ ਹੈ ਅਤੇ ਜਿਹੜੀਆਂ ਸੰਸਥਾਵਾਂ ਲੋੜਵੰਦਾਂ ਨੂੰ ਸਿਹਤ ਸਹੂਲਤਾਂ ਮੁਹੱਈਆ ਕਰਵਾਉਣ ਲਈ ਮੁਫਤ ਕੈਂਪ ਲਗਾਉਂਦੀਆਂ ਹਨ ਉਹ ਮੱਨੁਖਤਾ ਦੀ ਅਸਲ ਸੇਵਾ ਕਰਦੀਆਂ ਹਨ। ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਲਵਲੀ ਮੈਮੋਰੀਅਲ ਚੈਰੀਟੇਬਲ ਟਰੱਸਟ ਦੇ ਚੇਅਰਮੈਨ ਅਤੇ ਕੌਂਸਲਰ ਐਡਵੋਕੇਟ ਹਰਮਨਪ੍ਰੀਤ ਸਿੰਘ ਪ੍ਰਿੰਸ ਨੇ ਕੀਤਾ। ਇਸ ਮੌਕੇ ਮੁੱਖ ਮਹਿਮਾਨ ਵਜੋਂ ਵਿਸ਼ਵ ਗੁਰਮਤਿ ਰੂਹਾਨੀ ਮਿਸ਼ਨ ਚੈਰੀਟੇਬਲ ਟਰੱਸਟ ਰਤਵਾੜਾ ਸਾਹਿਬ ਦੇ ਮੁਖੀ ਬਾਬਾ ਲਖਵੀਰ ਸਿੰਘ ਨੇ ਫੇਜ਼ 3ਬੀ1 ਵਿੱਚ ਲਗਵਾਏ ਗਏ 12ਵੇਂ ਮੈਡੀਕਲ ਕੈਂਪ ਦਾ ਰਸਮੀ ਉਦਘਾਟਨ ਕੀਤਾ, ਜਦਕਿ ਕੈਂਪ ਦੀ ਪ੍ਰਧਾਨਗੀ ਨਾਨਕਸਰ ਸੰਪਰਦਾ ਦੇ ਮੁੱਖੀ ਬਾਬਾ ਗੁਰਦੇਵ ਸਿੰਘ ਨੇ ਕੀਤੀ। ਇਸ ਮੌਕੇ ਚੇਅਰਮੈਨ ਪ੍ਰਿੰਸ ਨੇ ਕਿਹਾ ਕਿ ਅੱਜ-ਕੱਲ੍ਹ ਦੇ ਸਮੇਂ ਦੌਰਾਨ ਜਦੋਂ ਮੱਨੁਖ ਨੂੰ ਕਈ ਤਰ੍ਹਾਂ ਦੀਆਂ ਬੀਮਾਰੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਤਾਂ ਹੋਰਨਾਂ ਸੰਸਥਾਵਾਂ ਨੂੰ ਵੀ ਅਜਿਹੇ ਕੈਂਪ ਲਗਾਉਣ ਲਈ ਅੱਗੇ ਆਉਣਾ ਚਾਹੀਦਾ ਹੈ। ਇਸ ਕੈਂਪ ਦੌਰਾਨ ਲਗਭਗ 2400 ਮਰੀਜਾਂ ਦੀ ਜਾਂਚ ਕੀਤੀ ਗਈ ਅਤੇ ਉਨਾਂ ਨੂੰ ਮੁਫਤ ਦਵਾਈਆਂ ਦਿੱਤੀਆ ਗਈਆ। ਇਸ ਮੌਕੇ 1600 ਦੇ ਕਰੀਬ ਮਰੀਜਾਂ ਦੇ ਬਲੱਡ ਸ਼ੂਗਰ, ਕੋਲੇਸਟ੍ਰਾਲ, ਯੂਰਿਕ ਐਸਿਡ ਅਤੇ ਹੋਰ ਟੈਸਟ ਵੀ ਮੁਫਤ ਕੀਤੇ ਗਏ। ਇਸ ਮੌਕੇ ਲੋੜਵੰਦ ਮਰੀਜਾਂ ਨੂੰ ਦਵਾਈਆਂ ਵੀ ਮੁਫਤ ਦਿੱਤੀਆਂ ਗਈਆਂ। ਇਸ ਕੈਂਪ ਵਿੱਚ ਅੱਖਾਂ ਦੇ ਮਾਹਿਰ ਡਾ ਜੇ ਪੀ ਸਿੰਘ, ਸ਼ੂਗਰ, ਥਾਇਰਡ ਦੇ ਮਾਹਿਰ ਡਾ ਗੁਰਪ੍ਰੀਤ ਸਿੰਘ ਬਾਬਰਾ, ਚਮੜੀ ਦੇ ਰੋਗਾਂ ਦੇ ਮਾਹਿਰ ਡਾ ਜਗਮੋਹਨ ਸਿੰਘ ਕੋਛੜ, ਹੱਡੀਆਂ ਦੇ ਰੋਗਾਂ ਦੇ ਮਾਹਿਰ ਡਾ ਜਤਿੰਦਰ ਸਿੰਗਲਾ, ਦਿੱਲ ਦੇ ਰੋਗਾਂ ਦੇ ਮਾਹਿਰ ਡਾ ਅਮਿਤ ਗੁਪਤਾ, ਦਿਮਾਗੀ ਰੋਗਾਂ ਦੇ ਮਾਹਿਰ ਡਾ ਵਨੀਤ ਸਗਰ, ਬੱਚਿਆਂ ਦੇ ਰੋਗਾਂ ਦੇ ਮਾਹਿਰ ਡਾ ਮਰੀਗੰਦ ਸਿੰਘ, ਯੁਰੋਲੋਜਿਸਟ ਡਾ ਹਰਬੰਸ ਬੰਸਲ, ਈ ਐਨ ਟੀ ਦੇ ਮਾਹਿਰ ਡਾ ਕਸ਼ੀਤਿਜ ਚਾਰਰਿਆ, ਔਰਤਾਂ ਦੇ ਰੋਗਾਂ ਦੇ ਮਾਹਿਰ ਡਾ ਰੁਪਿੰਦਰ ਕੌਰ ਅਤੇ ਡਾ ਰੁਚੀ ਬੰਸਲ, ਹੋਮਿਓਪੈਥਿਕ ਡਾ ਰਜਨੀਸ਼ ਗੁਪਤਾ, ਆਯੁਰਵੈਦਿਕ ਫਿਜੀਸ਼ੀਅਨ ਡਾ ਕਮਲਪ੍ਰੀਤ ਕੌਰ, ਪੈਥੋਲੋਜਿਸਟ ਡਾ ਅਮਨਪ੍ਰੀਤ ਕੌਰ, ਦੰਦਾਂ ਦੇ ਰੋਗਾਂ ਦੇ ਮਾਹਿਰ ਡਾ ਗੁਰਜੀਤ ਸਿੰਘ ਢਿਲੋਂ, ਹੱਡੀਆਂ ਦੇ ਰੋਗਾਂ ਦੇ ਮਾਹਿਰ ਡਾ ਵਿਵੇਕ ਕੋਛੜ,  ਨਿਯੂਰੋ ਫਿਜੀਓਥੈਰਪੀ ਡਾ ਲਖਵੀਰ ਸਿੰਘ, ਮਸਾਜ ਥੈਰਪਿਸਟ ਡਾ ਹਰਵੀਰ ਸਿੰਘ, ਯੋਗਾ ਐਕਸਪਰਟ ਅਭਿਜਿਤ ਕੁਮਾਰ ਅਤੇ ਜਨਰਲ ਫਿਜਿਸ਼ੀਅਨ ਡਾ: ਆਰਜੂ ਵਲੋਂ ਮਰੀਜਾਂ ਦੀ ਜਾਂਚ ਕੀਤੀ ਗਈ। ਪ੍ਰਿੰਸ ਨੇ ਦੱਸਿਆ ਕਿ ਇਸ ਮੌਕੇ 50 ਦੇ ਕਰੀਬ ਮਰੀਜਾਂ ਦੀ ਚੋਣ ਕੀਤੀ ਗਈ, ਜਿਨ੍ਹਾਂ ਦੇ ਆਪਰੇਸ਼ਨ ਟਰੱਸਟ ਵਲੋਂ ਮੁਫਤ ਕਰਵਾਏ ਜਾਣਗੇ ਅਤੇ 450 ਦੇ ਕਰੀਬ ਲੋੜਵੰਦਾਂ ਨੂੰ ਐਨਕਾਂ ਦਿੱਤੀਆਂ ਜਾਣਗੀਆਂ। ਇਸ ਮੌਕੇ ਦਲਜੀਤ ਸਿੰਘ ਵਾਲੀਆ, ਇੰਦਰਪ੍ਰੀਤ ਕੌਰ ਪ੍ਰਿੰਸ, ਸ਼ੀਤਲ ਸਿੰਘ, ਨਰਿੰਦਰ ਸਿੰਘ ਸੰਧੂ, ਪ੍ਰਦੀਪ ਸਿੰਘ ਭਾਰਜ, ਹਰਮਨਜੋਤ ਸਿੰਘ ਕੁੰਭੜਾ, ਸਰਬਜੀਤ ਸਿੰਘ ਪਾਰਸ, ਫੌਜਾ ਸਿੰਘ, ਖੁਸ਼ਵੰਤ ਸਿੰਘ ਖਰਬੰਦਾ, ਦਵਿੰਦਰ ਸਿੰਘ ਭਾਟੀਆ, ਰੁਪਿੰਦਰ ਸਿੰਘ ਸਚਦੇਵਾ, ਸਤਨਾਮ ਸਿੰਘ ਮਲਹੋਤਰਾ, ਜਤਿੰਦਰਪਾਲ ਸਿੰਘ ਜੇ. ਪੀ., ਬਲਜਿੰਦਰ ਸਿੰਘ ਬੇਦੀ, ਬਲਵਿੰਦਰ ਸਿੰਘ ਮੁਲਤਾਨੀ, ਸੰਤੋਖ ਸਿੰਘ, ਅਵਤਾਰ ਸਿੰਘ ਕਲਸੀਆ, ਨਿਰਮਲ ਸਿੰਘ, ਗੁਰਦੀਪ ਸਿੰਘ ਸੇਠੀ,  ਪ੍ਰਿੰਸੀਪਲ ਐਸ. ਚੌਧਰੀ, ਅਰਵਿੰਦ ਸ਼ਰਮਾ, ਸਤਨਾਮ ਸਿੰਘ, ਮੰਗਤ ਰਾਇ, ਵਿਨੈ ਪਾਂਡੇ, ਲਵੀਸ਼ ਗੋਇਲ, ਨਿਰਮਲ ਕੌਰ ਸੇਖੋਂ, ਹਰਪ੍ਰੀਤ ਸਿੰਘ ਲਾਲੀ, ਹਰਜੀਤ ਸਿੰਘ, ਪ੍ਰਭਲੀਨ ਕੌਰ, ਪ੍ਰੇਮ ਸਿੰਘ ਛਾਬੜਾ, ਜਗੀਰ ਸਿੰਘ ਲਾਲੀਆ, ਅਮਰਜੀਤ ਸਿੰਘ ਪਾਹਵਾ ਅਤੇ ਹੋਰ ਪਤਵੰਤੇ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਹੋਏ।