ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550 ਸਾਲਾ ਪ੍ਰਕਾਸ ਉਤਸਵ ਨੂੰ ਸਮਰਪਿਤ ਸਬ ਡਵੀਜਨ ਪੱਧਰ ਤੇ ਕਬੱਡੀ ਟੂਰਨਾਮੈਂਟ

ਟੂਰਨਾਮੈਂਟ ਕਬੱਡੀ (ਲੜਕੇ) ਅੰਡਰ-14 ਉਮਰ ਵਰਗ ਵਿੱਚ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਸਾਹਪੁਰਕੰਡੀ ਪਠਾਨਕੋਟ ਰਹੀ ਜੇਤੂ ।

5 Dariya News

ਪਠਾਨਕੋਟ 17-Jul-2019

ਸਾਲ 2019-20 ਦੇ ਸੈਸਨ ਦੇ ਲਈ ਪੰਜਾਬ ਸਰਕਾਰ ਖੇਡ ਵਿਭਾਗ , ਡਾਇਰੈਕਟਰ ਸਪੋਰਟਸ ਅ੍ਰਮਤ ਕੌਰ ਗਿੱਲ ਅਤੇ ਜਿਲ੍ਹਾ ਖੇਡ ਅਫਸਰ, ਪਠਾਨਕੋਟ ਸ੍ਰੀ ਕੁਲਵਿੰਦਰ ਸਿੰਘ ਵੱਲੋਂ  ਸਾਲ 2019-20 ਦੇ ਸੈਸਨ ਲਈ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550 ਸਾਲਾ ਪ੍ਰਕਾਸ ਉਤਸਵ ਨੂੰ ਸਮਰਪਿਤ  ਸਬ ਡਵੀਜਨ ਪੱਧਰ ਤੇ ਕਬੱਡੀ  ਟੂਰਨਾਮੈਂਟ ਅੰਡਰ 14,18,25 (ਲੜਕੇ/ ਲੜਕੀਆਂ) 10.00 ਵਜੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਸਾਹਪੁਰਕੰਡੀ ਵਿਖੇ ਸੁਰੂ ਕਰਵਾਇਆ ਗਿਆ।ਜਿਲ੍ਹਾ ਖੇਡ ਅਫਸਰ, ਪਠਾਨਕੋਟ ਸ੍ਰੀ ਕੁਲਵਿੰਦਰ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਸ ਟੂਰਨਾਮੈਂਟ  ਦਾ ਉਦਘਾਟਨ ਪਿੰਸੀਪਲ ਸ੍ਰੀਮਤੀ ਮੋਨਿਕਾ  ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਸਾਹਪੁਰਕੰਡੀ, ਪਠਾਨਕੋਟ  ਵੱਲੋਂ  ਕੀਤਾ ਗਿਆ। ਇਸ ਮੌਕੇ ਤੇ  ਖੇਡਾਂ ਨਾਲ ਸਬੰਧਤ ਡੀ.ਪੀ.ਈ ਜੋਗਿੰਦਰ ਪਾਲ ਅਤੇ ਖੇਡ ਵਿਭਾਗ ਦੇ ਸ੍ਰੀ ਹਰਪ੍ਰੀਤ ਸਿੰਘ (ਵਾਲੀਬਾਲ ਕੋਚ), ਸ੍ਰੀ ਸੈਮੂਅਲ ਮਸੀਹ (ਫੁੱਟਬਾਲ ਕੋਚ), ਸ੍ਰੀ ਅਰਿਹੰਤ ਕੁਮਾਰ (ਬਾਕਸਿੰਗ ਕੋਚ), ਸ੍ਰੀ ਰਣਜੀਤ ਸਿੰਘ ਜੀ (ਕਬੱਡੀ ਕੋਚ) , ਸ੍ਰੀ ਮਤੀ ਸੁਲਕਸਨਾ ਜੀ (ਡੀ.ਪੀ.ਈ), ਸ੍ਰੀ ਅਸਵਨੀ ਕੁਮਾਰ (ਡੀ.ਪੀ.ਈ)  ਸਾਮਿਲ ਹੋਏ। ਇਸ ਟੂਰਨਾਮੈਂਟ ਕਬੱਡੀ (ਲੜਕੇ) ਅੰਡਰ-14 ਉਮਰ ਵਰਗ  ਵਿੱਚ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਸਾਹਪੁਰਕੰਡੀ ਪਠਾਨਕੋਟ ਸਕੂਲ ਦੀ ਟੀਮ  ਜੇਤੂ ਰਹੀ। ਬਾਕੀ ਅੰਡਰ -18 ਅਤੇ ਅੰਡਰ-25 ਉਮਰ ਵਰਗ ਦੇ ਮੁਕਾਬਲੇ  ਮਿਤੀ 18-07-2019 ਨੂੰ ਕਰਵਾਏ ਜਾਣਗੇ।