ਪੰਜਾਬ ਪ੍ਰਦੂਸ਼ਣ ਰੋਕਥਾਮ ਬੋਰਡ ਵੱਲੋਂ ਆਈ.ਆਈ.ਟੀ. ਦਿੱਲੀ ਨਾਲ ਸੋਰਸ ਅਪੋਰਸ਼ਨ ਮੈਂਟ ਸਟਡੀ ਦਾ ਐੱਮ.ਓ.ਯੂ.ਸਾਈਨ ਕਰਨ ਸਬੰਧੀ

5 Dariya News

ਰੂਪਨਗਰ 07-Jun-2019

ਵਿਸ਼ਵ ਵਾਤਾਵਰਣ ਦਿਵਸ ਦਾ ਸੂਬਾ ਪੱਧਰੀ ਦਿਹਾੜਾ ਆਈ.ਆਈ.ਟੀ. ਰੋਪੜ ਵਿਖੇ ਮਨਾਇਆ ਗਿਆ, ਜਿਸ ਦਾ ਇਸ ਸਾਲ ਦਾ ਥੀਮ, “ਬੀਟ ਏਅਰ ਪ੍ਰਦੂਸ਼ਣ ”  ਸੀ। ਇਸ ਵਿੱਚ ਕੈਪਟਨ ਅਮਰਿੰਦਰ ਸਿੰਘ, ਮੁੱਖ ਮੰਤਰੀ ਪੰਜਾਬ  ਅਤੇ  ਹੋਰ ਕੈਬਨਟ ਮੰਤਰੀ ਸ਼੍ਰੀ ਚਰਨਜੀਤ ਸਿੰਘ ਚੰਨੀ, ਸਾਧੂ ਸਿੰਘ ਧਰਮਸੋਤ ਅਤੇ ਸ਼੍ਰੀ ਰਾਣਾ ਕੇ.ਪੀ. ਸਿੰਘ, ਵਿਧਾਨ ਸਭਾ ਸਪੀਕਰ ਅਤੇ ਹੋਰ ਨਾਮਵਾਰ ਸ਼ਖਸ਼ੀਅਤਾਂ ਨੇ ਇਸ ਵਿਸ਼ਵ ਵਾਤਾਵਰਣ ਦਿਵਸ ਨੂੰ ਮਨਾਉਣ ਲਈ ਸ਼ਮੂਲੀਅਤ ਕੀਤੀ। ਪੰਜਾਬ ਰਾਜ ਦੇ ਨੌ ਸ਼ਹਿਰ, ਜਿਹੜੇ ਨੈਸ਼ਨਲ ਐਂਬੀਐਂਟ ਏਅਰ ਕੁਆਲਟੀ ਦੇ ਮਾਪਦੰਡ ਪੂਰੇ ਨਹੀਂ ਕਰਦੇ ਹਨ, ਉਨਹਾਂ ਨੂੰ ਨੌਨ-ਅਟੈਂਨਮੈਂਟ ਸਿਟੀ ਘੋਸ਼ਿਤ ਕੀਤਾ ਗਿਆ, ਜਿਵੇਂ ਕਿ ਅੰਮ੍ਰਿਤਸਰ, ਡੇਰਾ ਬਾਬਾ ਨਾਨਕ, ਜਲੰਧਰ, ਖੰਨਾ, ਲੁਧਿਆਣਾ, ਡੇਰਾਬੱਸੀ, ਮੰਡੀ ਗੋਬਿੰਦਗੜ੍ਹ, ਪਟਿਆਲਾ ਅਤੇ ਨੰਗਲ। ਇਨਹਾਂ ਸ਼ਹਿਰਾਂ ਦੇ ਕੁਝ ਵਿਸ਼ੇਸ਼ ਕਾਰਨਾਂ ਅਤੇ ਹਵਾ ਪ੍ਰਦੂਸ਼ਣ ਦੇ ਮੁੱਖ ਸਰੋਤਾਂ ਕਰਕੇ ਏਅਰ ਕੁਆਲਟੀ ਠੀਕ ਨਹੀਂ ਆ ਰਹੀ ਹੈ। ਪੰਜਾਬ ਪ੍ਰਦੂਸ਼ਣ ਰੋਕਥਾਮ ਬੋਰਡ, ਵੱਲੋਂ ਹਵਾ ਦੀ ਗੁਣਵੱਤਾ ਦੇ ਘੱਟਣ ਦੇ ਕਾਰਨ ਅਤੇ ਸਰੋਤਾਂ ਬਾਰੇ ਜਾਣਕਾਰੀ ਪ੍ਰਾਪਤ ਕਰਨ ਲਈ ਅੱਜ ਵਿਸ਼ਵ ਵਾਤਾਵਰਣ ਦਿਵਸ 2019 ਨੂੰ , ਆਈ.ਆਈ.ਟੀ. ਨਵੀਂ ਦਿੱਲੀ  ਨਾਲ ਐੱਮ.ਓ.ਯੂ, ਕੈਪਟਨ ਅਮਰਿੰਦਰ ਸਿੰਘ ਦੀ ਹਾਜ਼ਰੀ ਵਿੱਚ ਕੀਤਾ ਗਿਆ। ਇਹ ਐੱਮ.ਓ.ਯੂ, ਸ਼੍ਰੀ ਕੁਰਨੇਸ਼ ਗਰਗ, ਮੈਂਬਰ ਸਕੱਤਰ, ਪੰਜਾਬ ਪ੍ਰਦੂਸ਼ਣ ਰੋਕਥਾਮ ਬੋਰਡ ਅਤੇ ਸ਼੍ਰੀ ਹਰਸ਼ ਕੋਟਾ, ਐਸੋਸੀਏਟ ਪ੍ਰੋਫੈਸਰ , ਆਈ.ਆਈ.ਟੀ. ਨਵੀਂ ਦਿੱਲੀ  ਵੱਲੋਂ ਸਾਈਨ ਕੀਤਾ ਗਿਆ ਹੈ। ਇਸ ਸਮਝੌਤੇ ਤਹਿਤ , ਆਈ.ਆਈ.ਟੀ. ਨਵੀਂ ਦਿੱਲੀ ਇਸ ਵਿੱਚ ਸੱਤ ਸ਼ਹਿਰਾਂ ਜਿਵੇਂ ਕਿ ਡੇਰਾਬੱਸੀ, ਜਲੰਧਰ, ਡੇਬਾ ਬਾਬਾ ਨਾਨਕ, ਖੰਨਾ, ਮੰਡੀ ਗੋਬਿੰਦਗੜ੍ਹ, ਪਟਿਆਲਾ, ਅਤੇ ਨੰਗਲ ਦੀ ਸੋਰਸ ਅਪੋਰਸ਼ਨ ਮੈਂਟ ਸਟਡੀ ਛੇ ਮਹੀਨੇ ਵਿੱਚ ਪੂਰੀ ਕੀਤੀ ਜਾਵੇਗੀ। ਇਸ ਤੋਂ ਬਾਅਦ ਪ੍ਰੋ.ਐਸ.ਐਸ. ਮਰਵਾਹਾ, ਚੇਅਰਮੈਨ ਪੰਜਾਬ ਪ੍ਰਦੂਸ਼ਣ ਰੋਕਥਾਮ ਬੋਰਡ ਵੱਲੋਂ ਦੱਸਿਆ ਗਿਆ ਕਿ ਇਸ ਸਾਈਨਟੀਫਿਕ ਸਟੱਡੀ ਨਾਲ ਸਾਨੂੰ ਪ੍ਰਦੂਸ਼ਣ ਦੇ ਮੁੱਖ ਸਰੋਤ ਅਤੇ ਕਾਰਨਾਂ ਦਾ ਪਤਾ ਲੱਗ ਸਕੇਗਾ, ਇਸ ਉਪਰੰਤ ਇਨਹਾਂ ਸ਼ਹਿਰਾਂ ਵਿੱਚ ਹੋਣ ਵਾਲੇ ਹਵਾ ਪ੍ਰਦੂਸ਼ਣ ਨੂੰ ਘੱਟ ਕਰਨ ਲਈ ਬੋਰਡ ਵੱਲੋਂ ਉੱਚਿਤ ਯੰਤਰ ਅਤੇ ਹੋਰ ਢੰਗ ਉਪਰਾਲੇ ਅਪਣਾਏ ਜਾਣਗੇ ਤਾਂ ਕਿ ਇਨਹਾਂ ਸ਼ਹਿਰਾਂ ਨੂੰ ਪ੍ਰਦੂਸ਼ਣ ਰਹਿਤ ਕੀਤਾ ਜਾ ਸਕੇ ਅਤੇ ਇਹਨਾਂ ਸ਼ਹਿਰਾਂ ਨੂੰ ਨੋਨ-ਅਟੈਂਮੈਂਟ ਸ਼ਹਿਰਾਂ ਤੋਂ ਬਾਹਰ ਕੱਢਿਆ ਜਾ ਸਕੇ।