ਕਾਂਗਰਸ ਅਤੇ ਘੁਟਾਲੇ ਇੱਕ ਦੂਸਰੇ ਦੇ ਪੂਰਕ ਹਨ-ਕਿਰਣ ਖੇਰ

ਸੰਜੈ ਟੰਡਨ ਦੀ ਅਗਵਾਈ ਹੇਠ ਸੈਕਟਰ-40 'ਚ ਅੱਧਾ ਦਰਜਨ ਜਨਤਕ ਮੀਟਿੰਗਾਂ ਦਾ ਆਯੋਜਨ

5 Dariya News

ਚੰਡੀਗੜ੍ਹ 03-May-2019

ਚੰਡੀਗੜ੍ਹ ਲੋਕਸਭਾ ਖੇਤਰ ਤੋਂ ਭਾਜਪਾ ਉਮੀਦਵਾਰ ਅਤੇ ਸਾਬਕਾ ਸਾਂਸਦ ਕਿਰਣ ਖੇਰ ਨੇ ਕਿਹਾ ਹੈ ਕਿ ਇਸ ਦੇਸ਼ 'ਚ ਕਾਂਗਰਸ ਪਾਰਟੀ ਅਤੇ ਘੁਟਾਲੇ ਇੱਕ ਦੂਸਰੇ ਦੇ ਪੂਰਕ ਬਣ ਚੁੱਕੇ ਹਨ। ਜਿਸਦੇ ਚੱਲਦੇ ਦੇਸ਼ ਦੀ ਜਨਤਾ ਕਾਂਗਰਸੀਆਂ ਨੂੰ ਮੂੰਹ ਨਹੀਂ ਲਗਾ ਰਹੀ ਹੈ। ਇਸ ਚੋਣ 'ਚ ਕਾਂਗਰਸ ਦੀ ਹਾਰ ਪੱਕੀ ਹੈ। ਕਿਰਣ ਖੇਰ ਆਪਣੇ ਚੋਣ ਪ੍ਰਚਾਰ ਅਭਿਆਨ ਦੇ ਤਹਿਤ ਸ਼ੁੱਕਰਵਾਰ ਨੂੰ ਸੈਕਟਰ-40 'ਚ ਭਾਜਪਾ ਪ੍ਰਦੇਸ਼ ਪ੍ਰਧਾਨ ਸੰਜੈ ਟੰਡਨ ਦੀ ਅਗਵਾਈ ਹੇਠ ਆਯੋਜਿਤ ਪਬਲਿਕ ਮੀਟਿੰਗ ਨੂੰ ਸੰਬੋਧਿਤ ਕਰ ਰਹੀ ਸੀ। ਉਨਾਂ ਕਿਹਾ ਕਿ ਪਿਛਲੇ ਪੰਜ ਸਾਲ ਦੇ ਦੌਰਾਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਰਾਜਨੀਤੀ ਦੇ ਮਾਇਨੇ ਬਦਲੇਣ ਦਾ ਕੰਮ ਕੀਤਾ ਹੈ। ਦੇਸ਼ ਦੇ ਲੋਕਾਂ ਨੂੰ ਵਿਕਾਸ ਦੀ ਰਾਜਨੀਤੀ ਦੀ ਰਾਹ ਦਿਖਾਈ ਹੈ। ਜਦਕਿ ਇਸਤੋਂ ਪਹਿਲਾਂ ਸੱਤਾ 'ਚ ਕਾਂਗਰਸ ਪਾਰਟੀ ਨੇ ਘੁਟਾਲਿਆਂ ਦੇ ਇਲਾਵਾ ਕੁਝ ਨਹੀਂ ਕੀਤਾ।ਇਸ ਮੌਕੇ 'ਤੇ ਬੋਲਦੇ ਹੋਏ ਸੰਜੈ ਟੰਡਨ ਨੇ ਕਿਹਾ ਕਿ ਚੰਡੀਗੜ੍ਹ ਦੇ ਲੋਕ ਵਿਕਾਸ ਚਾਹੁੰਦੇ ਹਨ। ਪਿਛਲੇ ਪੰਜ ਸਾਲਾਂ ਦੌਰਾਲ ਇੱਥੇ ਬਿਨਾਂ ਕਿਸੀ ਭੇਦਭਾਵ ਦੇ ਵਿਕਾਸ ਹੋਇਆ ਹੈ। ਕੇਂਦਰ ਸਰਕਾਰ ਨੇ ਚੰਡੀਗੜ• ਦੇ ਲਈ ਕਈ ਵਿਕਾਸ ਪ੍ਰੋਜੈਕਟਾਂ ਨੂੰ ਮੰਜੂਰੀ ਪ੍ਰਦਾਨ ਕੀਤੀ ਹੈ। ਜਿਸਦੇ ਲਈ ਉਹ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਦਾ ਵਿਸ਼ੇਸ਼ ਧੰਨਵਾਦ ਕਰਦੇ ਹਨ। ਇਸ ਮੌਕੇ ਤੇ ਪ੍ਰਦੇਸ਼ ਜਨਰਲ ਸਕੱਤਰ ਪ੍ਰੇਮ ਕੌਸ਼ਿਕ,ਜ਼ਿਲਾ ਪ੍ਰਧਾਨ ਅਤੇ ਕੌਂਸਲਰ ਰਵੀਕਾਂਤ, ਮੰਡਲ ਚੋਣ ਮੁਖੀ ਅਤੇ ਪਾਰਟੀ ਦੇ ਮੀਡੀਆ ਮੁਖੀ ਰਵਿੰਦਰ ਪਠਾਨੀਆ, ਜਨਰਲ ਸਕੱਤਰ ਗੁਰੇਂਦਰ ਕੌਸ਼ਿਕ, ਵਾਰਡ ਪ੍ਰਧਾਨ ਸੰਜੀਵ ਗਰੋਵਰ, ਅਕਾਲੀ ਦਲ ਪ੍ਰਧਾਨ ਹਰਦੀਪ ਸਿੰਘ, ਕੁਲਮੀਤ ਸਿੰਘ ਸੋਢੀ, ਸ਼ਿਆਮ ਨੇਗੀ, ਨੀਮਾ ਜੋਸ਼ੀ, ਬੀਕੇ ਕਪੂਰ, ਰਮੇਸ਼ ਸ਼ਰਮਾ, ਸੋਮਨਾਥ, ਜਗਦੇਵ, ਅਮਿਤ ਨਾਗਰ, ਆਸ਼ੀਸ਼ ਚੌਧਰੀ ਸਮੇਤ ਕਈ ਪਤਵੰਤੇ ਸੱਜਣ ਮੌਜੂਦ ਸਨ।

ਧਨਾਸ ਦੀ ਪਬਲਿਕ ਮੀਟਿੰਗ 'ਚ ਮਿਲਿਆ ਜਨਤਕ ਸਹਿਯੋਗ

ਭਾਜਪਾ ਪ੍ਰਦੇਸ਼ ਪ੍ਰਧਾਨ ਸੰਜੈ ਟੰਡਨ ਦੀ ਅਗਵਾਈ ਹੇਠ ਕਿਰਣ ਖੇਰ ਦੇ ਸਮਰਥਨ 'ਚ ਧਨਾਸ ਸਥਿਤ ਹਾਊਸਿੰਗ ਬੋਰਡ ਕਾਲੋਨੀ 'ਚ ਵੀ ਜਨਸਭਾ ਦਾ ਆਯੋਜਿਤ ਕੀਤਾ ਗਿਆ। ਜਿਸ 'ਚ ਭਾਰੀ ਗਿਣਤੀ 'ਚ ਲੋਕਾਂ ਨੇ ਕਿਰਣ ਖੇਰ ਨੂੰ ਸਮਰਥਨ ਦੇਣ ਦਾ ਐਲਾਨ ਕੀਤਾ। ਇਸ ਮੌਕੇ 'ਤੇ ਵਾਰਡ ਨੰਬਰ ਸਵਰਾਜ ਉਪ ਪ੍ਰਧਾਨ, ਵਰਿੰਦਰ ਟਮਟਾ ਅਤੇ ਜ਼ਿਲਾ ਜਨਰਲ ਸਕੱਤਰ ਸੰਜੀਵ ਵਰਮਾ ਸਮੇਤ ਕਈ ਨੇਤਾਵਾਂ ਨੇ ਸੰਬੋਧਿਤ ਕੀਤਾ। ਇਸ ਦੌਰਾਨ ਕਿਰਣ ਖੇਰ ਨੇ ਸੈਕਟਰ-25 'ਚ ਨਗਰ ਨਿਗਮ ਮੇਅਰ ਰਾਜੇਸ਼ ਕਾਲਿਆ ਦੀ ਮੌਜੂਦਗੀ 'ਚ ਜਨਸਭਾ ਦਾ ਆਯੋਜਨ ਕੀਤਾ ਗਿਆ। ਜਿਸ 'ਚ ਐਸਟੀ ਮੋਰਚਾ ਦੇ ਪ੍ਰਧਾਨ ਕ੍ਰਿਸ਼ਨ ਕੁਮਾਰ, ਜਨਰਲ ਸਕੱਤਰ ਵਿਕੀ ਸ਼ੇਰਾ, ਮਨੋਜ ਗੋਹਰ, ਮੁਕੇਸ਼ ਚੰਦੋਲਿਆ, ਗਿਆਨੀ ਰਾਮ, ਵਿਜੈ ਕੁਮਾਰ, ਰਵਿੰਦਰ ਭਨੋਟ, ਸੁਰਜੀਤ ਫੌਜੀ ਸਮੇਤ ਕੋਈ ਵਰਕਰਾਂ ਨੇ ਭਾਗ ਲਿਆ।