ਕਾਂਗਰਸ ਦਾ ਕੋਈ ਵੀ ਉਮੀਦਵਾਰ ਹੋਵੇ ਬਠਿੰਡੇ ਤੋਂ ਉਸ ਦਾ ਬੋਰਿਆ ਬਿਸਤਰਾ ਗੋਲ ਹੋਣਾ ਤਿਹ : ਬਿਕਰਮ ਸਿੰਘ ਮਜੀਠੀਆ
5 Dariya News
ਮਤੇਵਾਲ (ਅਮ੍ਰਿਤਸਰ) 21-Apr-2019
ਸਾਬਕਾ ਮੰਤਰੀ ਬਿਕਰਮ ਸਿੰਘ ਮਜੀਠੀਆ ਨੇ ਕਿਹਾ ਕਿ ਕਾਂਗਰਸ ਵਲੋਂ ਬਠਿੰਡਾ ਹਲਕੇ ਲਈ ਪੈਰਾਸ਼ੂਟ ਰਾਹੀ ਬਾਹਰੋ ਉਮੀਦਵਾਰ ਉਤਾਰਿਆ ਜਾਣਾ ਬਠਿੰਡਾ ਦੇ ਲੋਕਾਂ ਦੀ ਜਿਤ ਹੈ। ਜਿਥੇ ਕਿ ਕਾਂਗਰਸ ਦਾ ਕੋਈ ਵੀ ਉਮੀਦਵਾਰ ਹੋਵੇ ਉਸ ਦਾ ਬੋਰਿਆ ਬਿਸਤਰਾ ਗੋਲ ਹੋਣਾ ਤਿਹ ਹੈ। ਪਤਰਕਾਰਾਂ ਨਾਲ ਗਲਬਾਤ ਕਰਦਿਆਂ ਸ: ਮਜੀਠੀਆ ਨੇ ਕਿਹਾ ਕਿ ਕਾਂਗਰਸ ਵਲੋਂ ਬਠਿੰਡਾ ਹਲਕੇ ਤੋ ਬਾਹਰੋ ਉਮੀਦਵਾਰ ਉਤਾਰਨ ਤੋਂ ਸਪਸ਼ਟ ਹੈ ਕਿ ਕਾਂਗਰਸ ਕੋਲ ਹਲਕੇ 'ਚ ਬੀਬਾ ਹਰਸਿਮਰਤ ਕੌਰ ਬਾਦਲ ਦੇ ਮੁਕਾਬਲੇ ਦੀ ਕੋਈ ਉਮੀਦਵਾਰ ਹੀ ਨਹੀਂ ਹੈ। ਬੀਬੀ ਬਾਦਲ ਵਲੋਂ ਹਲਕੇ ਵਿਚ ਬੇ ਪਨਾਹ ਵਿਕਾਸ ਕਾਰਜ ਕਰਾਏ ਗਏ ਹਨ ਜਿਥੇ ਕਿ ਕਾਂਗਰਸ ਦੇ ਵਡੇ ਵਡੇ ਮੰਤਰੀ ਭੱਜ ਚੁਕੇ ਸਨ। ਰਾਜਾ ਵੜਿੰਗ ਹੋਵੇ ਜਾਂ ਰਾਜਾ ਕੈਪਟਨ ਅਮਰਿੰਦਰ ਸਿੰਘ ਦੋਹਾਂ ਨੇ ਪੰਜਾਬ ਨੂੰ ਸਤਾਇਆ ਹੋਇਆ ਹੈ। ਇਹਨਾਂ ਦੋਹਾਂ ਦਾ ਨਾਮ ਸੁਣਨ ਨੂੰ ਪੰਜਾਬ ਦਾ ਕਿਸਾਨ ਹੋਵੇ, ਮਜਦੂਰ, ਦਲਿਤ ਭਾਈਚਾਰਾ , ਵਪਾਰੀ ਅਤੇ ਨੋਜਵਾਨ ਵਰਗ ਕੋਈ ਵੀ ਰਾਜੀ ਨਹੀਂ। ਪੰਜਾਬ ਦੇ ਹਰੇਕ ਵਰਗ ਨਾਲ ਕਾਂਗਰਸ ਸਰਕਾਰ ਵਲੋਂ ਕੀਤੇ ਗਏ ਫਰੇਬ ਦਾ ਹਿਸਾਬ ਲੋਕ ਮੰਗਣਗੇ ਅਤੇ ਕਾਂਗਰਸੀ ਰਾਜਾ ਵੜਿੰਗ ਜਮਾਨਤ ਨਹੀਂ ਬਚਾ ਸਕੇਗਾ। ਉਹਨਾਂ ਕਿਹਾ ਕਿ ਆਪ ਪਾਪ, ਅਢੋਤੀ ਟਕਸਾਲੀ ਆਦਿ ਸਭ ਕਾਂਗਰਸ ਨਾਲ ਮਿਲ ਕੇ ਖੇਡ ਰਹੇ ਹਨ। ਸਗੋਂ ਇਹ ਕਹਿ ਦੇਣਾ ਕੋਈ ਗਲਤ ਨਹੀਂ ਹੋਵੇਗਾ ਕਿ ਇਹ ਸਭ ਕੈਪਟਨ ਅਤੇ ਰੁਹੁਲ ਦੇ ਦਿਤੇ 'ਤੇ ਪੱਲ ਰਹੇ ਹਨ।