ਬੱਸ ਦੀ ਬ੍ਰੇਕਾਂ ਹੋਈ ਫੇਲ, ਬੱਸ ਨੇ ਅੱਧੀ ਦਰਜਨ ਤੋਂ ਵੱਧ ਕਾਰਾਂ ਦਰੜੀਆਂ, ਵੱਡਾ ਜਾਨੀ ਨੁਕਸਾਨ ਹੋਣੋਂ ਟਲਿਆ
ਵਾਹਨਾਂ ਵਿੱਚ ਸਵਾਰ ਲੋਕ ਅਤੇ ਬੱਸ 'ਚ ਸਵਾਰ ਦਰਜਨਾਂ ਬੱਚੇ ਵੀ ਵਾਲ-ਵਾਲ ਬਚੇ, ਪੁਲਿਸ ਨੇ ਅਗਲੇਰੀ ਕਾਰਵਾਈ ਕਰਦੇ ਹੋਏ ਮਾਮਲਾ ਦਰਜ ਕਰਕੇ ਤਫਤੀਸ਼ ਕੀਤੀ ਸ਼ੁਰੂ
5 Dariya News/(ਦਵਿੰਦਰਪਾਲ ਸਿੰਘ/ਅੰਕੁਸ਼)
ਸ੍ਰੀ ਆਨੰਦਪੁਰ ਸਾਹਿਬ 06-Apr-2019
ਬੀਤੀ ਦੁਪਹਿਰ ਉਸ ਵੇਲੇ
ਅਚਾਨਕ ਦਰਦਨਾਕ ਹਾਦਸਾ ਵਾਪਰ ਗਿਆ ਜਦੋਂ ਸਥਾਨਕ ਸ੍ਰੀ ਦਸਮੇਸ਼ ਅਕੈਡਮੀ ਦੇ ਵਿਦਿਆਰਥੀਆਂ ਦੇ ਨਾਲ ਭਰੀ
ਬੱਸ ਕਿਲਾ ਅਨੰਦਗੜ੍ਹ ਸਾਹਿਬ ਦੀ ਚੜ੍ਹਾਈ ਤੋਂ ਰੋਜ਼ਾਨਾਂ ਵਾਂਗ ਹੇਠਾਂ ਨੂੰ ਆ ਰਹੀ ਸੀ, ਤੇ ਬ੍ਰੇਕਾਂ
ਨਾਂ ਲੱਗਣ ਕਰਕੇ 8 ਕਾਰਾਂ ਤੇ ਜੀਪਾਂ ਨੂੰ ਆਪਣੀ ਚਪੇਟ 'ਚ ਲੈ ਲਿਆ। ਜਦਕਿ ਕਿਸੇ ਵੀ
ਤਰ੍ਹਾਂ ਦੇ ਜਾਨੀ ਨੁਕਸਾਨ ਤੋਂ ਬਚਾਅ ਹੋ ਗਿਆ ਅਤੇ ਵੱਡਾ ਹਾਦਸਾ ਹੋਣੋ ਵੀ ਟਲ ਗਿਆ। ਇਸ ਸੰਬੰਧੀ ਏ
ਐਸ ਆਈ ਸਰਬਜੀਤ ਸਿੰਘ ਪਾਸੋਂ ਪ੍ਰਾਪਤ ਕੀਤੀ ਗਈ ਜਾਣਕਾਰੀ ਦੇ ਅਨੁਸਾਰ ਇਹ ਬੱਸ ਰੋਜ਼ਾਨਾਂ ਦੀ ਤਰ੍ਹਾਂ
ਛੁੱਟੀ ਵੇਲੇ ਅਕੈਡਮੀ ਤੋਂ ਬੱਚਿਆਂ ਨੂੰ ਲੈ ਕੇ ਆ ਰਹੀ ਸੀ। ਜਦੋਂ ਇਹ ਬੱਸ
ਕਿਲਾ ਅਨੰਦਗੜ੍ਹ ਸਾਹਿਬ ਦੀ ਚੜ੍ਹਾਈ ਤੋਂ ਹੇਠਾਂ ਉਤਰ ਰਹੀ ਸੀ ਤਾਂ ਡਰਾਈਵਰ ਵੱਲੋਂ ਬੱਸ ਦੀਆਂ ਬ੍ਰੇਕਾਂ
ਲਗਾਉਣ ਦੇ ਬਾਵਯੂਦ ਵੀ ਬ੍ਰੇਕਾਂ ਨਾ ਲੱਗੀਆਂ ਤੇ ਬੱਸ ਉਤਰਾਈ ਹੋਣ ਕਾਰਨ ਬੇਕਾਬੂ ਹੋ ਗਈ। ਜਿਸ ਦੌਰਾਨ 8
ਕਾਰਾਂ ਤੇ ਜੀਪਾਂ ਦੇ ਵਿੱਚ ਜਾ ਵੱਜੀ, ਜਿਸ ਨਾਲ ਇਨ੍ਹਾਂ ਵਾਹਨਾਂ ਦਾ ਖਾਸਾ ਨੁਕਸਾਨ ਹੋ ਗਿਆ। ਇਹੀ ਨਹੀਂ ਇਨ੍ਹਾਂ
ਵਾਹਨਾਂ ਦੇ ਵਿੱਚ ਸਵਾਰ ਲੋਕ ਅਤੇ ਬੱਸ 'ਚ ਸਵਾਰ ਦਰਜਨਾਂ ਬੱਚੇ ਵੀ ਵਾਲ-ਵਾਲ ਬੱਚ ਗਏ।ਹਾਲਾਂਕਿ ਬੱਸ
'ਚ ਬੱਚਿਆਂ ਦੇ ਨਾਲ ਸਵਾਰ ਅਧਿਆਪਕਾਂ ਦੇ ਮਾਮੂਲੀ ਸੱਟ ਲੱਗੀ ਪਰ ਬੱਚਿਆਂ ਦਾ ਬਚਾਅ ਹੋ ਗਿਆ ਅਤੇ ਬੱਚੇ
ਸਹਿਮ ਦੇ ਆਲਮ ਵਿੱਚ ਸਨ। ਸਾਰੇ ਬੱਚਿਆਂ ਨੂੰ ਹਾਦਸਗ੍ਰਸਤ ਬੱਸ 'ਚੋ ਬਾਹਰ ਕੱਢਣ ਉਪਰੰਤ ਹੋਰ ਬੱਸ
ਦਾ ਪ੍ਰਬੰਧ ਕਰਕੇ ਉਨ੍ਹਾਂ ਨੂੰ ਘਰਾਂ ਨੂੰ ਭੇਜਿਆ ਗਿਆ।ਓਧਰ ਦੂਸਰੇ ਪਾਸੇ
ਸਥਾਨਕ ਪੁਲਿਸ ਨੇ ਇਸ ਮਾਮਲੇ ਵਿੱਚ ਕਾਰਵਾਈ ਕਰਦੇ ਹੋਏ ਹਾਦਸਾਗ੍ਰਸਤ ਗੱਡੀਆਂ ਦੇ ਮਾਲਕਾਂ ਵੱਲੋਂ ਮਿਲੀਆਂ
ਸ਼ਿਕਾਇਤਾਂ ਦੇ ਅਧਾਰ ਤੇ ਅਗਲੇਰੀ ਕਾਰਵਾਈ ਕਰਦੇ ਹੋਏ ਮਾਮਲਾ ਦਰਜ ਕਰਕੇ ਮਾਮਲੇ ਦੀ ਤਫਤੀਸ਼ ਸ਼ੁਰੂ ਕਰ
ਦਿੱਤੀ ਹੈ।