ਪੰਜ ਲੱਖ ਤੋਂ ਵੀ ਵੱਧ ਨੌਜਵਾਨਾਂ ਨੂੰ ਹੁਣ ਤਕ ਰੋਜ਼ਗਾਰ ਮੇਲਿਆਂ ਦਾ ਸਿੱਧਾ ਲਾਭ ਪਹੁੰਚਿਆ: ਚਰਨਜੀਤ ਸਿੰਘ ਚੰਨੀ

ਹਜਾਰਾਂ ਸਰਕਾਰੀ ਨੌਕਰੀਆਂ ਮੁਹਇਆਂ ਕਰਵਾਈਆਂ, ਪੰਜਾਬ ਦੇਸ਼ ਵਿਚ ਰੋਜ਼ਗਾਰ ਅਵਸਰ ਪੈਦਾ ਕਰਨ ਵਿਚ ਮੌਹਰੀ ਰਾਜ ਬਣਿਆ: ਚਰਨਜੀਤ ਸਿੰਘ ਚੰਨੀ

5 Dariya News

ਕਪੂਰਥਲਾ/ਜਲੰਧਰ 13-Feb-2019

ਪੰਜਾਬ ਸਰਕਾਰ ਆਪਣੇ ਵਾਅਦੇ ਉਪਰ ਪੂਰੀ ਤਰ੍ਹਾਂ ਨਾਲ ਵਜਿਦ ਹੈ ਤੇ ਸਾਨੂੰ ਇਹ ਅੰਕੜਾ ਦੱਸਦੇ ਹੋਏ ਗਰਵ ਮਹਿਸੂਸ ਹੁੰਦਾ ਹੈ ਕਿ ਹੁਣ ਤਕ ਪੰਜ ਲੱਖ 35 ਹਜ਼ਾਰ  ਨੌਕਰੀਆਂ ਪੰਜਾਬ ਦੀ ਨੌਜਵਾਨ ਪੀੜੀ ਨੂੰ ਦਿੱਤੀਆਂ ਜਾ ਚੁੱਕੀਆਂ ਹਨ! ਵੱਡੀ ਗੱਲ ਇਹ ਵੀ ਹੈ ਕਿ ਇੰਨਾ ਵਿੱਚੋਂ ਹਜਾਰਾਂ  ਸਰਕਾਰੀ ਨੌਕਰੀਆਂ ਵੀ ਮੁਹਈਆਂ ਕਾਰਵਾਈਆਂ ਗਈਆਂ ਨੇ! 630 ਕਰੋੜ ਤੋਂ ਵੀ ਵੱਧ ਦਾ ਨਿਵੇਸ਼ ਹੁਣ ਤਕ ਤਕਨੀਕੀ ਸਿਖਿਆ ਦੇ ਮਿਆਰ ਨੂੰ ਉਪਰ ਚੁੱਕਣ ਲਈ ਚੁੱਕਾ ਹੈ ਅਤੇ ਇਸ ਤੋਂ ਵੀ ਵੱਧ ਤਾ ਟੀਚਾ ਨਿਰਧਾਰਿਤ ਕੀਤਾ ਹੋਇਆ ਹੈ! ਇਹ ਕਹਿਣਾ ਹੈ ਪੰਜਾਬ ਦੇ ਕੈਬਿਨੇਟ ਮੰਤਰੀ ਸਰਦਾਰ ਚਰਨਜੀਤ ਸਿੰਘ ਚੰਨੀ, ਤਕਨੀਕੀ ਸਿਖਿਆ ਤੇ ਉਦਯੋਗਿਕ ਸਿਖਲਾਈ ਦਾ! ਮੰਤਰੀ ਚੰਨੀ ਅੱਜ ਬੁੱਧਵਾਰ ਨੂੰ ਆਈ.ਕੇ.ਗੁਜ਼ਰਾਲ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ ਵਿਖੇ ਆਯੋਜਿਤ ਚੌਥੇ ਰਾਜ ਪੱਧਰੀ ਰੋਜ਼ਗਾਰ ਮੇਲੇ ਦਾ ਉਦਘਾਟਨ ਕਰ ਰਹੇ ਸਨ! ਉਹ ਇਸ ਸਮਾਰੋਹ ਵਿਚ ਬਤੌਰ ਮੁਖ ਮਹਿਮਾਨ ਪਹੁੰਚੇ ਸਨ!ਮੰਤਰੀ ਚੰਨੀ ਨੇ ਕਿਹਾ ਕਿ ਪੰਜਾਬ ਸਰਕਾਰ ਘਰ-ਘਰ ਰੋਜ਼ਗਾਰ ਯੋਜਨਾ ਤਹਿਤ ਇਸ ਗੇੜ ਵਿਚ 10 ਜਗਾਂ ਉਪਰ 75 ਮੈਗਾ ਜੌਬ ਮੇਲੇ ਲਗਾਉਣ ਜਾ ਰਹੀ ਹੈ! ਓਹਨਾ ਦੱਸਿਆ ਕਿ ਟਾਟਾ ਟੈਕਨੋਲੋਜੀ ਨਾਲ ਮਿਲਕੇ ਪੰਜਾਬ ਸਰਕਾਰ ਆਈ.ਕੇ.ਜੀ ਪੀ ਟੀ ਯੂ ਵਿਖੇ ਇਕ ਸੈਂਟਰ ਫਾਰ ਇੰਨੋਵੇਸ਼ਨ ਸਥਾਪਿਤ ਕਾਰਨ ਜਾ ਰਹੀ ਹੈ, ਜਿਸਦਾ ਮੁਢਲਾ ਕਾਰਜ ਪੂਰਾ ਹੋ ਚੁੱਕਾ ਹੈ ਅਤੇ ਇਸ ਬਹੁਕਰੋੜੀ ਪ੍ਰੋਜੈਕਟ ਨੂੰ ਸਰਕਾਰ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਨੂੰ ਸਮਰਪਿਤ ਕਰ ਚੁੱਕੀ ਹੈ! ਮੰਤਰੀ ਚੰਨੀ ਵੱਲੋਂ ਦੱਸਿਆ ਗਿਆ ਕਿ ਬਟਾਲਾ ਅਤੇ ਚਮਕੌਰ ਸਾਹਿਬ ਵਿਚ ਵੀ ਬਹੁ ਕਰੋੜੀ ਪ੍ਰੋਜੈਕਟ ਮਲਟੀ ਨੈਸ਼ਨਲ ਕੰਪਨੀਜ਼ ਨਾਲ ਮਿਲਕੇ ਜਲਦ ਸ਼ੁਰੂ ਕੀਤੇ ਜਾ ਰਹੇ ਹਨ! 

ਓਹਨਾ ਇਸ ਪ੍ਰੋਜੈਕਟ ਤਹਿਤ ਯੂਨੀਵਰਸਿਟੀ ਵਿਖੇ ਟਾਟਾ ਕੰਪਨੀ ਵੱਲੋਂ ਭੇਜੀਆਂ ਗਈਆਂ ਬਹੁਕਰੋੜੀ ਮਸ਼ੀਨਾਂ ਦਾ ਵੀ ਸਰਵੇ ਕੀਤਾ ਅਤੇ ਪ੍ਰੋਜੈਕਟ ਦੇ ਤਹਿਤ ਯੂਨੀਵਰਸਿਟੀ ਵਿਖੇ ਸਥਾਪਿਤ ਕੀਤੀ ਗਈ ਕੰਪਿਊਟਰ ਲੈਬ ਦਾ ਵੀ ਨਿਰੀਖਣ ਕੀਤਾ! ਇਸ ਦੌਰਾਨ ਮੰਤਰੀ ਚੰਨੀ ਵੱਲੋਂ ਜੌਬ ਲਈ ਆਏ ਆਵੇਦਕਾਂ ਅਤੇ ਕੰਪਨੀਆਂ ਦੇ ਨੁਮਾਇੰਦਿਆਂ ਨਾਲ ਵੀ ਮੁਲਾਕਾਤ ਕੀਤੀ ਗਈ!ਪ੍ਰੋਗਰਾਮ ਦੇ ਸ਼ੁਰੂਆਤੀ ਸੈਸ਼ਨ ਨੂੰ ਸੰਬੋਧਿਤ ਕਰਦੇ ਹੋਏ ਆਈ.ਕੇ.ਗੁਜ਼ਰਾਲ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ ਦੇ ਉਪ-ਕੁਲਪਤੀ ਪ੍ਰੋ.(ਡਾ.) ਅਜੇ ਕੁਮਾਰ ਸ਼ਰਮਾਂ ਵੱਲੋਂ ਦੱਸਿਆ ਗਿਆ ਕਿ ਯੂਨੀਵਰਸਿਟੀ ਵਿਖੇ ਕੁੱਲ 52 ਕੰਪਨੀਆਂ ਵੱਲੋਂ ਅੱਜ ਦੇ ਇਸ ਰੋਜ਼ਗਾਰ ਮੇਲੇ ਵਿਚ ਭਾਗ ਲਿਆ ਜਾ ਰਿਹਾ ਹੈ! ਇਸ ਵਿਚ 2500 ਤੋਂ ਵੱਧ ਰੋਜ਼ਗਾਰ ਅਵਸਰ ਇੰਨਾ ਕੰਪਨੀਆਂ ਵੱਲੋਂ ਮੁਹਈਆ ਕਰਵਾਏ ਜਾ ਰਹੇ ਹਨ! ਉਪ-ਕੁਲਪਤੀ ਪ੍ਰੋ.(ਡਾ.) ਸ਼ਰਮਾਂ ਨੇ ਕਿਹਾ ਕਿ ਯੂਨੀਵਰਸਿਟੀ ਵਿਖੇ ਪੰਜਾਬ ਸਰਕਾਰ ਦੇ ਸਹਿਯੋਗ ਨਾਲ ਸਥਾਪਿਤ ਕੀਤੇ ਜਾ ਰਹੇ ਟਾਟਾ ਕੰਪਨੀ ਦੇ ਸੈਂਟਰ ਯੂਨੀਵਰਸਿਟੀ ਅਤੇ ਇਸਦੇ ਵਿਦਿਆਰਥੀਆਂ ਲਈ ਭਵਿੱਖ ਵਿਚ ਮੀਲ ਦਾ ਪੱਥਰ ਸਾਬਿਤ ਹੋਣਗੇ!ਇਸ ਮੌਕੇ ਯੂਨੀਵਰਸਿਟੀ ਦੇ ਡੀਨ ਆਰ.ਆਈ.ਸੀ ਡਾ. ਅਨਿਰੁੱਧ ਪ੍ਰਤਾਪ ਸਿੰਘ ਵੱਲੋਂ ਮੁਖ ਮਹਿਮਾਨ ਸ. ਚੰਨੀ, ਪੰਜਾਬ ਸਰਕਾਰ, ਜਿਲ੍ਹਾ ਪ੍ਰਸ਼ਾਸ਼ਨ ਅਤੇ ਖਾਸਕਰ ਨੌਕਰੀਆਂ ਦੇ ਅਵਸਰ ਲਈ ਕੇ ਪਹੁੰਚੀਆਂ ਕੰਪਨੀਆਂ ਅਤੇ ਵਿਦਿਆਰਥੀਆਂ ਦੇ ਨਾ ਧੰਨਵਾਦ ਪ੍ਰਸਤਾਵ ਪੜਿਆ ਗਿਆ! ਇਸ ਮੌਕੇ ਯੂਨੀਵਰਸਿਟੀ ਦੇ ਰਜਿਸਟਰਾਰ ਡਾ.ਸੁਖਬੀਰ ਸਿੰਘ ਆਹਲੂਵਾਲੀਆ, ਡਾਇਰੈਕਟਰ ਅਕਾਦਮਿਕ ਡਾ. ਬਲਕਾਰ ਸਿੰਘ, ਸੰਯੁਕਤ ਰਜਿਸਟਰਾਰ ਡਾ.ਆਰ.ਪੀ.ਐਸ ਬੇਦੀ, ਇੰਚਾਰਜ ਉਪ-ਕੁਲਪਤੀ ਸਕੱਤਰੇਤ ਡਾ.ਪਰਮਜੀਤ ਸਿੰਘ ਅਤੇ ਹੋਰ ਅਫਸਰ ਮਜੂਦ ਰਹੇ! ਜਿਲਾ ਪ੍ਰਸ਼ਾਸ਼ਨ ਵੱਲੋਂ ਏ.ਡੀ.ਸੀ ਅਵਤਾਰ ਸਿੰਘ ਭੁੱਲਰ, ਜਿਲਾ ਰੋਜ਼ਗਾਰ ਅਧਿਕਾਰੀ ਵੀ ਮਜੂਦ ਰਹੇ!