ਡਿਪਟੀ ਕਮਿਸ਼ਨਰ ਨੇ ਰਾਜਸਥਾਨ ’ਚ ਹੋਈ ਵਿਸ਼ਵ ਕਰਾਟੇ ਤੇ ਕਿੱਕ ਬਾਕਸਿੰਗ ਚੈਂਪੀਅਨਸ਼ਿੱਪ ਦੇ ਜੇਤੂਆਂ ਨੂੰ ਸਨਮਾਨਿਆ

ਜ਼ਿਲ੍ਹੇ ਦੇ 10 ਖਿਡਾਰੀਆਂ ਨੇ ਲਿਆ ਭਾਗ ਤੇ ਮੈਡਲ ਜਿੱਤੇ

5 Dariya News

ਸ਼ਹੀਦ ਭਗਤ ਸਿੰਘ ਨਗਰ (ਨਵਾਂਸ਼ਹਿਰ) 14-Jan-2019

ਡਿਪਟੀ ਕਮਿਸ਼ਨਰ ਵਿਨੈ ਬਬਲਾਨੀ ਨੇ ਰਾਜਸਥਾਨ ਵਿਖੇ ਇੰਡੀਅਨ ਮਾਰਸ਼ਲ ਆਰਟ ਸੰਸਥਾ ਵੱਲੋਂ ਕਰਵਾਈ ਵਿਸ਼ਵ ਕਰਾਟੇ ਤੇ ਕਿੱਕ ਬਾਕਸਿੰਗ ਪ੍ਰਤੀਯੋਗਿਤਾ ’ਚ ਭਾਗ ਲੈਣ ਵਾਲੇ ਜ਼ਿਲ੍ਹੇ ਦੇ 10 ਖਿਡਾਰੀਆਂ ਵੱਲੋਂ 8 ਮੈਡਲ ਜਿੱਤੇ ਜਾਣ ’ਤੇ ਅੱਜ ਇਨ੍ਹਾਂ ਖਿਡਾਰੀਆਂ ਨੂੰ ਵਾਪਸੀ ’ਤੇ ਸਨਮਾਨਿਤ ਕੀਤਾ। ਡਿਪਟੀ ਕਮਿਸ਼ਨਰ ਨੇ ਕੈਂਬਰਿਜ ਸਕੂਲ, ਭਗਵਾਨ ਮਹਾਂਵੀਰ ਸਕੂਲ ਬੰਗਾ ਤੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਨਵਾਂਸ਼ਹਿਰ ਦੇ ਇਨ੍ਹਾਂ ਵਿਦਿਆਰਥੀਆਂ ਅਤੇ ਉਨ੍ਹਾਂ ਨੂੰ ਕੋਚਿੰਗ ਦੇਣ ਵਾਲੇ ਆਸਾਮ ਰਾਈਫ਼ਲਜ਼ ਦੇ ਸਾਬਕਾ ਸੈਨਿਕ ਰਾਮ ਕੁਮਾਰ ਨੂੰ ਆਪਣੇ ਦਫ਼ਤਰ ਵਿਖੇ ਵਧਾਈ ਦਿੰਦਿਆਂ ਭਵਿੱਖ ’ਚ ਹੋਰ ਬੁਲੰਦੀਆਂ ਛੂਹਣ ਲਈ ਸ਼ੁੱਭ ਕਾਮਨਾਵਾਂ ਦਿੱਤੀਆਂ।ਇਨ੍ਹਾਂ ਖਿਡਾਰੀਆਂ ’ਚ ਕੋਚ ਰਾਮ ਕੁਮਾਰ ਵੱਲੋਂ 38 ਸਾਲ (55 ਕਿਲੋ) ਵਰਗ ਵਿੱਚ, ਨਿਖਿਲ ਵੱਲੋਂ 30-35 ਕਿਲੋਗ੍ਰਾਮ ਵਰਗ ’ਚ, ਨਵਜੋਤ ਸਿੰਘ ਵੱਲੋਂ 30-35 ਕਿਲੋਗ੍ਰਾਮ ਵਰਗ ’ਚ ਸੋਨ ਤਮਗੇ ਜਦਕਿ ਨੈਨਾ ਵੱਲੋਂ 26-28 ਕਿਲੋੋਗ੍ਰਾਮ ਵਰਗ, ਕਰਨ ਕੁਮਾਰ ਵੱਲੋਂ 60 ਤੋਂ 65 ਕਿਲੋਗ੍ਰਾਮ ਵਰਗ, ਅਭਿਸ਼ੇਕ ਕੁਮਾਰ ਵੱਲੋਂ 45-48 ਕਿਲੋਗ੍ਰਾਮ ਵਰਗ ਤੇ ਬਿਸ਼ਨੂੰ ਬੀ ਕੇ ਵੱਲੋਂ 45-50 ਕਿਲੋਗ੍ਰਾਮ ਵਰਗ ’ਚ ਚਾਂਦੀ ਦੇ ਤਮਗੇ, ਸੰਤੋਸ਼ ਥਾਪਾ ਵੱਲੋਂ 50-55 ਕਿਲੋਗ੍ਰਾਮ ਵਰਗ ’ਚ ਤੀਸਰਾ ਸਥਾਨ ਹਾਸਲ ਕੀਤਾ ਗਿਆ ਜਦਕਿ ਤਲਵਿੰਦਰ ਸਿੰਘ ਤੇ ਹਰਮਨਜੀਤ ਨੇ ਵੀ ਆਪਣੀ ਖੇਡ ਸਦਕਾ ਵਿਸ਼ਵ ਪੱਧਰੀ ਚੈਂਪਅਿਨਸ਼ਿੱਪ ’ਚ ਆਪਣੀ ਪਛਾਣ ਬਣਾਈ। ਕੋਚ ਰਾਮ ਕੁਮਾਰ ਨੇ ਇਸ ਮੌਕੇ ਦੱਸਿਆ ਕਿ ਇਹ ਖਿਡਾਰੀ ਨੇਪਾਲ ’ਚ ਮਈ-ਜੂਨ ’ਚ ਹੋਣ ਵਾਲੀ 12ਵੀਂ ਅੰਤਰ ਰਾਸ਼ਟਰੀ ਕਰਾਟੇ ਚੈਂਪੀਅਨਸ਼ਿੱਪ 2019 ’ਚ ਵੀ ਭਾਗ ਲੈਣਗੇ।