ਯੂਥ ਵੈਲਫੇਅਰ ਸਪੋਰਟਸ ਕਲੱਬ ਕੋਟਲਾ ਪਾਵਰ ਹਾਊਸ ਵੱਲੋਂ ਚੌਥਾ ਸਰਕਲ ਸਟਾਇਲ ਕਬੱਡੀ ਕੱਪ ਕਰਵਾਇਆ ਗਿਆ

5 Dariya News

ਸ਼੍ਰੀ ਆਨੰਦਪੁਰ ਸਾਹਿਬ / ਸ਼੍ਰੀ ਕੀਰਤਪੁਰ ਸਾਹਿਬ 18-Dec-2018

ਯੂਥ ਵੈਲਫੇਅਰ ਸਪੋਰਟਸ ਕਲੱਬ ਕੋਟਲਾ ਪਾਵਰ ਹਾਊਸ ਅਤੇ ਸਮੂਹ ਨਗਰ ਨਿਵਾਸੀਆਂ ਵੱਲੋਂ ਬੀਤੇ ਦਿਨੀ ਚੌਥਾ ਸਰਕਲ ਸਟਾਇਲ ਕਬੱਡੀ ਕੱਪ ਕਰਵਾਇਆ ਗਿਆ ।ਜਿਸ ਦਾ ਉਦਘਾਟਨ ਬਾਬਾ ਖੜਕ ਸਿੰਘ ਜੀ ਚੰਦਪੁਰ ਵਾਲੇ ਅਤੇ ਬਾਬਾ ਸੁਖਦੇਵ ਸਿੰਘ ਜੀ ਕੋਟਲੇ ਵਾਲਿਆਂ ਵੱਲੋਂ ਕੀਤਾ ਗਿਆ। ਇਹ ਜਾਣਕਾਰੀ ਦਿੰਦਿਆ ਕਲੱਬ ਪ੍ਰਧਾਨ ਧੀਰਜ ਸੈਣੀ ਨੇ ਦੱਸਿਆ ਕਿ ਇਸ ਮੌਕੇ ਸੰਨੀ ਇੰਨਕਲੇਵ ਦੇ ਐਮ.ਡੀ. ਜਰਨੈਲ ਸਿੰਘ  ਬਾਜਵਾ ਅਤੇ ਰਘਬੀਰ ਚੰਦ ਵਾਇਸ ਚੈਅਰਮੈਨ ਆਲ ਇੰਡੀਆਂ ਗੱਤਕਾ ਫੈਡਰੇਸ਼ਨ ਨੇ ਜੇਤੂਆਂ ਨੂੰ ਇਨਾਮ ਵੰਡੇ । ਇਸ ਮੌਕੇ ਕਬੱਡੀ ਕੱਪ ਦੌਰਾਨ ਬਾਬਾ ਬੁੱਢਣ ਸ਼ਾਹ ਦੇ ਬਾਬਾ ਸੁਜ਼ੈਨ ਸ਼ਾਹ ਜੀ ਅਤੇ ਬਾਬਾ ਗੱਬਰ ਸ਼ਾਹ ਜੀ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਹੋਏ। ਇਸ ਮੌਕੇ ਇੱਕ ਪ੍ਰਭਾਵਸ਼ਾਲੀ ਇੱਕਠ ਨੂੰ ਸੰਬੋਧਨ ਕਰਦਿਆ ਉਨ੍ਹਾਂ ਕਿਹਾ ਕਿ ਇਹ ਕਬੱਡੀ ਕੱਪ ਨਸ਼ਿਆਂ ਨੂੰ ਦੂਰ ਕਰਨ ਲਈ ਇੱਕ ਚੰਗਾ ਉਪਰਾਲਾ ਹੈ ਜਿਸ ਲਈ ਇਹ ਸਪੋਰਟਸ ਕਲੱਬ ਵਧਾਈ ਦਾ ਪਾਤਰ ਹੈ। ਇਸ ਮੌਕੇ ਸ਼੍ਰੀ ਰਘਬੀਰ ਚੰਦ ਵਾਇਸ ਚੈਅਰਮੈਨ ਆਲ ਇੰਡੀਆਂ ਗੱਤਕਾ ਫੈਡਰੇਸ਼ਨ ਨੇ ਦੱਸਿਆ ਕਿ ਇਸ ਕਬੱਡੀ ਕੱਪ ਦੌਰਾਨ ਰਾਜਾ ਸਾਹਿਬ ਸੈਰੋ ਮੰਡੀ ਨੂੰ ਪਹਿਲਾ ਇਨਾਮ ਵਜੋਂ 01 ਲੱਖ ਰੁਪਏ ਅਤੇ ਪੀਰ ਬਾਬਾ ਜ਼ਿੰਦਾ ਸ਼ਹੀਦ ਬਸੀ ਚਨੌਲੀ ਨੂੰ ਦੂਜੇ ਇਨਾਮ ਵਜੋਂ 75 ਹਜ਼ਾਰ ਰੁਪਏ ਦਿੱਤੇ ਗਏ। 70 ਕਿਲੋ ਦੇ ਵਰਗ ਵਿੱਚ ਹਰਖੋਵਾਲ ਨੇ ਪਹਿਲਾ ਜਦਕਿ ਸ਼੍ਰੀ ਚਮਕੌਰ ਸਾਹਿਬ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ , 60 ਕਿਲੋ ਦੇ ਵਰਗ ਵਿੱਚ ਕੋਟਲਾ ਪਾਵਰ ਹਾਊਸ ਨੇ ਪਹਿਲਾਂ ਜਦਕਿ ਸ਼੍ਰੀ ਚਮਕੌਰ ਸਾਹਿਬ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ , 40 ਕਿਲੋਂ ਦੇ ਵਰਗ ਵਿੱਚ ਹਰੀਵਾਲ ਨੇ ਪਹਿਲਾਂ ਅਤੇ ਕੋਟਲਾ ਪਾਵਰ ਹਾਊਸ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ। ਇਸ ਕਬੱਡੀ ਕੱਪ ਦੌਰਾਨ ਸ਼੍ਰੀ ਨੀਰਜ ਕੁਮਾਰ ਉਪ ਪ੍ਰਧਾਨ, ਸ਼੍ਰੀ ਯੋਗੇਸ਼ ਗੋਤਮ , ਸ਼੍ਰੀ ਰਵੀ , ਸ਼੍ਰੀ ਹਰਸ਼ੀ ਸੈਣੀ ਅਤੇ ਖੇਡ ਪ੍ਰੇਮੀ ਹਾਜ਼ਰ ਸਨ।