ਰੋਗੀ ਕਲਿਆਣ ਸਮਿਤੀ ਅਧੀਨ ਉਪਲੱਬਧ ਫੰਡਾਂ ਦੀ ਨਿਯਮਾਂ ਅਨੁਸਾਰ ਸਮੇਂ ਸਿਰ ਵਰਤੋਂ ਸੁਨਿਸ਼ਚਿਤ ਕੀਤੀ ਜਾਵੇ : ਡਾ. ਨਿਧੀ ਸ਼੍ਰੀਵਾਸਤਵਾ

5 Dariya News

ਰੂਪਨਗਰ 29-Nov-2018

ਕਾਰਜਕਾਰੀ ਸਿਵਲ ਸਰਜਨ ਡਾ. ਅਵਤਾਰ ਸਿੰਘ ਦੇ ਦਿਸ਼ਾ ਨਿਰਦੇਸ਼ਾਂ ਤਹਿਤ ਜਿਲ੍ਹਾ ਪਰਿਵਾਰ ਭਲਾਈ ਅਫਸਰ ਡਾ. ਨਿਧੀ ਸ਼੍ਰੀਵਾਸਤਵਾ ਦੀ ਪ੍ਰਧਾਨਗੀ ਹੇਠ ਬੀਤੇ ਦਿਨੀ ਸਮੂਹ ਸੀਨੀਅਰ ਮੈਡੀਕਲ ਅਫਸਰਜ਼ ਅਤੇ ਪ੍ਰੋਗਰਾਮ ਅਫਸਰਾਂ ਦੀ ਮੀਟਿੰਗ ਹੋਈ। ਮੀਟਿੰਗ ਦੌਰਾਨ  ਓਹਨਾਂ ਵੱਲੋ ਅਧਿਕਾਰੀਆਂ ਨੂੰ ਲੋਕਾਂ ਤੱਕ ਬਿਹਤਰ ਸਿਹਤ ਸਹੂਲਤਾਂ ਮੁਹੱਈਆਂ ਕਰਵਾਉਣ ਸਬੰਧੀ ਨਿਰਦੇਸ਼ ਦਿੱਤੇ ਗਏ। ਉਹਨਾਂ ਹਦਾਇਤਾਂ ਜਾਰੀ ਕਰਦੇ ਹੋਏ ਕਿਹਾ ਕਿ ਰੋਗੀ ਕਲਿਆਣ ਸਮਿਤੀ ਅਧੀਨ ਉਪਲੱਬਧ ਫੰਡਾਂ ਦੀ ਨਿਯਮਾਂ ਅਨੁਸਾਰ ਸਮੇਂ ਸਿਰ ਵਰਤੋਂ ਸੁਨਿਸ਼ਚਿਤ ਕੀਤੀ ਜਾਵੇ। ਆਰ.ਬੀ.ਐਸ.ਕੇ ਟੀਮਾਂ ਨੂੰ ਨਿਰਦੇਸ ਜਾਰੀ ਕੀਤੇ ਜਾਣ ਕਿ ਉਹ ਸਕੂਲਾਂ ਦੀ ਵਿਜਟઠઠਦੌਰਾਨ ਅਧਿਆਪਕਾਂ ਅਤੇ ਬੱਚਿਆਂ ਨੂੰ ਮੋਸਮੀ ਬਿਮਾਰੀਆਂ ਬਾਰੇ ਵਿਸਥਾਰ ਸਹਿਤ ਜਾਗਰੂਕ ਕਰਨ , ਇਸ ਦੇ ਨਾਲ ਹੀ ਐਸ.ਐਮ.ਓ. ਵੱਲੋਂ ਆਰ.ਬੀ.ਐਸ.ਕੇ. ਟੀਮਾਂ ਦੇ ਮਹੀਨਾਵਾਰ ਕੰਮਾਂ ਦਾ ਰਿਵਿਊ ਵੀ ਕੀਤਾ ਜਾਵੇ ਅਤੇ ਟੀਮਾਂ ਦਾ ਟੀਚੇ ਵਿਰੁੱਧ ਸਕੂਲ ਵਿਜ਼ਟ ਬੈਕਲਾਗ ਜਲਦੀ ਤੋਂ ਜਲਦੀ ਪੂਰਾ ਕੀਤਾ ਜਾਵੇ।ਏ.ਐਨ.ਸੀ. ਰਜਿਸਟ੍ਰੇਸ਼ਨ ਦੌਰਾਨ ਏ.ਐਨ.ਐਮ ਵੱਲੋਂ ਗਰਭਵਤੀ ਔਰਤਾਂ ਦੀ ਪੂਰੀ ਸਿਹਤ ਜਾਣਕਾਰੀ ਏ.ਐਨ.ਸੀ. ਕਾਰਡ ਵਿੱਚ ਭਰੀ ਜਾਵੇ। 

ਐਚ.ਬੀ.ਐਨ.ਸੀ. ਵਿਜ਼ਟ ਦੌਰਾਨ ਆਸ਼ਾ ਵੱਲੋਂ ਜੱਚਾ-ਬੱਚਾ ਦੀ ਸਿਹਤ ਸਬੰਧੀ ਪਰਿਵਾਰਕ ਮੈਂਬਰਾਂ ਨੂੰ ਵਿਸਥਾਰ ਸਹਿਤ ਜਾਣਕਾਰੀ ਦਿੱਤੀ ਜਾਵੇ ਅਤੇ ਸਮੇਂ ਸਮੇਂ ਤੇ ਆਸ਼ਾ ਨੂੰ ਵੱਖ-ਵੱਖ ਸਿਹਤ ਸਕੀਮਾਂ ਅਤੇ ਮਾਣ-ਭੱਤਿਆਂ ਸਬੰਧੀ ਸੈਂਸਟੇਟਾਈਜ ਕੀਤਾ ਜਾਵੇ। ਪੇਂਡੂ ਅਤੇ ਸ਼ਹਿਰੀ ਸਲੱਮ ਇਲਾਕਿਆਂ ਵਿੱਚ ਅਨੀਮੀਆ ਜਾਂਚ ਕੈਂਪ ਲਗਾਏ ਜਾਣ ਅਤੇ ਅਨੀਮੀਆ ਤੋਂ ਪੀੜਤ ਲੋਕਾਂ ਨੂੰ ਮੁਫਤ ਆਇਰਨ ਦੀਆਂ ਗੋਲੀਆਂ ਵੰਡੀਆਂ ਜਾਣ। ਗਰਭਵਤੀ ਔਰਤਾਂ ਦੀ ਰਜਿਸ਼ਟ੍ਰੇਸਨ, ਮੁਫਤ ਚੈਕਅਪ, ਜਣੇਪਾ ਅਤੇ ਜਣੇਪੇ ਤੋਂ ਬਾਅਦ ਦਿੱਤੀਆ ਜਾਣ ਵਾਲੀਆ ਸਹੂਲਤਾਂ, 0 ਤੋਂ 1 ਸਾਲ ਤੱਕ ਹਰ ਬੱਚੇ ਦਾ ਇਲਾਜ, 0 ਤੋਂ 5 ਸਾਲ ਤੱਕ ਦੀਆਂ ਲੜਕੀਆਂ ਦਾ ਮੁਫਤ ਇਲਾਜ, ਆਰ.ਬੀ.ਐਸ.ਕੇ ਤਹਿਤ ਮੁਫਤ ਇਲਾਜ ਵਰਗੀਆਂ ਸਹੂਲਤਾਂ ਨੂੰ ਸੁਚਾਰੂ ਤਰੀਕੇ ਨਾਲ ਲਾਗੂ ਕੀਤਾ ਜਾਵੇ।ਇਸ ਤੋਂ ਇਲਾਵਾ ਹਾਈਰਿਸਕ ਗਰਭਵਤੀ ਕੇਸਾਂ ਦੀ ਪਛਾਣ ਕਰਕੇ ਨਿਯਮਿਤ ਰੂਪ ਵਿੱਚ ਓਹਨਾਂ ਦਾ ਫਾਲੋਅਪ ਕੀਤਾ ਜਾਵੇ।ਇਸ ਤੋਂ ਇਲਾਵਾ ਚੱਲ ਰਹੇ ਨਸਬੰਦੀ ਪੰਦਰਵਾੜੇ ਤਹਿਤ ਪਰਿਵਾਰ ਭਲਾਈ ਦੇ ਵੱਧ ਤੋਂ ਵੱਧ ਕੇਸ ਕਰਵਾਏ ਜਾਣ ਅਤੇ ਆਸ਼ਾ ਵਰਕਰ ਦੀ ਰਿਫਰੈਸ਼ਰ ਟ੍ਰੇਨਿੰਗ ਵੀ ਜਲਦੀ ਤੋਂ ਜਲਦੀ ਪੂਰੀ ਕਰਵਾਈ ਜਾਵੇ।ਇਸ ਮੌਕੇ ਡਾ. ਰਾਜ ਰਾਣੀ ਡਿਪਟੀ ਮੈਡੀਕਲ ਕਮਿਸ਼ਨਰ, ਐਸ.ਐਮ.ਓਜ਼. ਡਾ: ਸ਼ਿਵ ਕੁਮਾਰ, ਡਾ. ਤਰਸੇਮ ਸਿੰਘ, ਡਾ. ਕਵਿਤਾ ਭਾਟੀਆ, ਡਾ. ਰਾਮ ਪ੍ਰਕਾਸ਼, ਗਾਇਨਕਾਲੋਜਿਸਟ ਡਾ ਜਸਲੀਨ ਮਾਵੀ, ਡੀ.ਪੀ.ਐਮ ਡੋਲੀ ਸਿੰਗਲਾ, ਜਿਲ੍ਹਾ ਅਕਾਂਊਟ ਅਫਸਰ ਮਨਜਿੰਦਰ ਸਿੰਘ, ਡੀ.ਐਮ.ਐਡ.ਈ.ਓ ਲਖਵੀਰ ਸਿੰਘ, ਆਰ.ਬੀ.ਐਸ.ਕੇ ਕੁਆਰਡੀਨੇਟਰ ਕਿਰਨਦੀਪ ਕੌਰ ਅਤੇ ਜਿਲ੍ਹਾ ਬੀ.ਸੀ.ਸੀ ਫੈਸੀਲੀਟੇਟਰ ਸੁਖਜੀਤ ਕੰਬੋਜ ਹਾਜਰ ਸਨ।