ਰਾਣਾ ਕੰਵਰਪਾਲ ਸਿੰਘ ਨੇ ਬਾਬਾ ਹੰਸਦਾਸ ਜੀ ਵਲੋਂ ਗੋਪਾਲ ਗਊਸ਼ਾਲਾ ਭਰਤਗੜ ਵਿਖੇ ਬਣਾਏ ਨਵੇਂ ਹਾਲ ਦਾ ਉਦਘਾਟਨ ਕੀਤਾ

5 Dariya News

ਰੂਪਨਗਰ 16-Nov-2018

ਰਾਣਾ ਕੰਵਰਪਾਲ ਸਿੰਘ ਮਾਨਯੋਗ ਸਪੀਕਰ ਪੰਜਾਬ ਵਿਧਾਨ ਸਭਾ ਨੇ ਬਾਬਾ ਹੰਸਦਾਸ ਜੀ ਵਲੋਂ ਅੱਜ ਗੋਪਾਲ ਗਊਸ਼ਾਲਾ ਭਰਤਗੜ ਵਿਖੇ ਬਣਾਏ ਨਵੇਂ ਹਾਲ ਦਾ ਉਦਘਾਟਨ ਕਰਵਾਇਆ।ਇਸ ਮੌਕੇ  ਹੋਰਨਾਂ ਤੋਂ ਇਲਾਵਾ ਸੁਖਵਿੰਦਰ ਸਿੰਘ ਵਿਸਕੀ ਜਨਰਲ ਸਕੱਤਰ ਪੰਜਾਬ ਪ੍ਰਦੇਸ਼ ਕਾਂਗਰਸ, ਨਰਿੰਦਰ ਪੂਰੀ ਜ਼ਿਲ੍ਹਾ ਪ੍ਰੀਸ਼ਦ ਮੈਬਰ , ਬਲਵੀਰ ਸਿੰਘ ਭੀਰੀ ਪ੍ਰਧਾਨ ਟਰੱਕ ਯੂਨੀਅਨ ਸ਼੍ਰੀ ਕੀਰਤਪੁਰ ਸਾਹਿਬ, ਸੁਨੀਲ ਗਰਗ ਸਾਬਕਾ ਸਰਪੰਚ ਭਰਤਗੜ੍ਹ,  ਐਮ.ਡੀ. ਜੋਤ ਪੈਲਸ ਗੁਰਨਾਮ ਸਿੰਘ ਝੱਜ, ਸੋਨੀਆ ਪੁਰੀ ਬਲਾਕ ਸੰਮਤੀ ਮੈਂਬਰ, ਸਵਿਤਾ ਪੁਰੀ, ਸ਼ਿਵ ਕੁਮਾਰ ਗੜਵਾਲ, ਨਿਰੰਜਣ ਸਿੰਘ ਬੇਲੀ, ਹਰਿੰਦਰਪਾਲ ਭੱਲਾ, ਰਾਜੀਵ ਕੁਮਾਰ, ਗੋਪਾਲ ਗਊਸ਼ਾਲਾ ਭਰਤਗੜ ਦੇ ਪ੍ਰਬੰਧਕ ਮੰਗਤ ਰਾਮ, ਜਰਨੈਲ ਸਿੰਘ ਭਾੳਵਾਲ ਤੋਂ ਇਲਾਵਾ ਹੋਰ ਪਤਵੰਤੇ ਵਿਅਕਤੀ ਹਾਜਰ ਸਨ।ਇਸ ਮੌਕੇ ਆਯੋਜਿਤ ਧਾਰਮਿਕ ਸਮਾਗਮ ਵਿਚ ਜੁੜੀਆਂ ਸੰਗਤਾਂ ਨੂੰ ਸੰਬੋਧਨ ਕਰਦਿਆਂ ਰਾਣਾ ਕੰਵਰਪਾਲ ਸਿੰਘ ਮਾਨਯੋਗ ਸਪੀਕਰ ਪੰਜਾਬ ਵਿਧਾਨ ਸਭਾ ਨੇ ਸੰਗਤਾਂ ਨੂੰ ਗੋਪਾਲ ਗਊ ਅਸ਼ਟਮੀ ਦੀ ਵਧਾਈ ਦਿੰਦਿਆਂ ਕਿਹਾ ਕਿ ਗਊ ਸੇਵਾ ਉਤੱਮ ਸੇਵਾ ਹੈ।ੳਨ੍ਹਾਂ ਕਿਹਾ ਕਿ ਇਸ ਗਊਸ਼ਾਲਾ ਦੇ ਪ੍ਰਬੰਧਕ ਗਊਆਂ ਦੀ ਸੇਵਾ ਕਰਨ ਵਿਚ ਬਿਹਤਰਨੀਨ ਕੰਮ ਕਰ ਰਹੇ ਹਨ।ਇਸ ਮੰਤਵ ਲਈ ਕੇਵਲ ਮਾਲੀ ਸੇਵਾ ਹੀ ਨਹੀਂ ਸਗੋਂ ਪ੍ਰਬੰਧਕੀ ਸੇਵਾ ਦੀ ਵੀ ਲੋੜ ਹੁੰਦੀ ਹੈ। ਉਨਾ ਕਿਹਾ ਕਿ ਪਹਿਲਾਂ ਵੀ ਉਨਾਂ ਵਲੋਂ ਇਸ ਗਊਸ਼ਾਲਾ ਲਈ ਮਾਲੀ ਸਹਾਇਤਾ ਦਿਤੀ ਗਈ ਹੈ ਅਤੇ ਭਵਿੱਖ ਵਿਚ ਵੀ ਸੇਵਾ ਕਰਦੇ ਰਹਿਣਗੇ। ਇਸ ਮੌਕੇ ਡਾਕਟਰ ਪਰਵੀਨ ਬਿਲਾਸ ਭਜਨ ਗਾਇਕ ਵਲੋਂ ਭਗਵਾਨ ਸ਼੍ਰੀ ਕ੍ਰਿਸ਼ਨ ਜੀ ਦੇ ਵਿਆਹ ਦਾ ਵਿਖਿਆਨ ਸੁਣਾਇਆ ।