ਜਿਲ੍ਹਾ ਸੁਧਾਰ ਘਰ ਮਾਨਸਾ ਵਿਖੇ ਲਗਾਇਆ ਮੈਡੀਕਲ ਜਾਂਚ ਕੈਂਪ

5 Dariya News

ਮਾਨਸਾ 28-Oct-2018

ਜਿਲ੍ਹਾ ਸੁਧਾਰ ਘਰ ਮਾਨਸਾ ਵਿਖੇ Anti-Corruption Crime Prevention Community Oriented Society (Regd. N.G.O India) ਵੱਲੋਂ ਚੇਅਰਮੈਨ ਦੀਪਕ ਸਿੰਗਲਾ ਦੀ ਅਗਵਾਈ ਵਿਚ ਮੈਡੀਕਲ ਚੈਕਅੱਪ ਕੈਂਪ ਲਗਾਇਆ ਗਿਆ ਜਿੱਥੇ 387 ਅੱਖਾਂ ਅਤੇ ਦੰਦਾਂ ਦੇ ਮਰੀਜ਼ਾਂ ਦਾ ਚੈਕਅੱਪ ਕੀਤਾ ਗਿਆ। ਚੇਅਰਮੈਨ ਦੀਪਕ ਸਿੰਗਲਾ ਨੇ ਦੱਸਿਆ ਕਿ ਇਹ ਕੈਂਪ ਡਾ. ਇਸ਼ਾਨ ਕਟਾਰੀਆ ਅੱਖਾਂ ਦੇ ਮਾਹਿਰ ਅਤੇ ਡਾ. ਪਰਮੀਸ਼ ਗਰਗ ਜੋ ਕਿ ਦੰਦਾਂ ਦੇ ਮਾਹਿਰ ਹਨ ਦੇ ਸਹਿਯੋਗ ਨਾਲ ਲਗਵਾਇਆ ਗਿਆ। ਉਨ੍ਹਾਂ ਦੱਸਿਆ ਕਿ ਇਸ ਮੈਡੀਕਲ ਚੈਕਅੱਪ ਕੈਂਪ ਦੌਰਾਨ ਕੁੱਲ 387 ਕੈਦੀਆਂ ਦਾ ਚੈਕਅੱਪ ਕੀਤਾ ਗਿਆ ਜਿੰਨ੍ਹਾਂ ਵਿਚੋਂ 237 ਅੱਖਾਂ ਦੇ ਅਤੇ 150 ਦੰਦਾਂ ਦੇ ਮਰੀਜ਼ ਪਾਏ ਗਏ। ਉਨ੍ਹਾਂ ਕਿਹਾ ਕਿ ਮਰੀਜ਼ਾਂ ਦੀ ਤੰਦਰੁਸਤ ਸਿਹਤ ਨੂੰ ਯਕੀਨੀ ਬਣਾਉਣ ਲਈ ਉਹ ਅਗਾਂਹ ਤੋਂ ਵੀ ਅਜਿਹੇ ਉਪਰਾਲੇ ਕਰਦੇ ਰਹਿਣਗੇ।ਇਸ ਉਪਰੰਤ ਸਮੂਹ ਸਟਾਫ਼ ਅਤੇ ਐਨੀ.ਜੀ.ਓ. ਮੈਂਬਰਾਂ ਨੂੰ ਜੇਲ੍ਹ ਸੁਪਰਡੰਟ ਸ੍ਰੀ ਜਸਵੰਤ ਸਿੰਘ ਥਿੰਦ ਅਤੇ ਡਿਪਟੀ ਸੁਪਰਡੰਟ ਸ੍ਰੀ ਇੰਦਰਜੀਤ ਸਿੰਘ ਕਾਹਲੋਂ ਦੁਆਰਾ ਸਨਮਾਨ ਚਿੰਨ ਦੇ ਕੇ ਸਨਮਾਨਿਤ ਕੀਤਾ ਗਿਆ।ਇਸ ਮੌਕੇ ਸੋਸਾਇਟੀ ਪੰਜਾਬ ਪ੍ਰਧਾਨ ਸ੍ਰੀ ਪਰਸ਼ੋਤਮ ਲਾਲ, ਅਸ਼ਵਨੀ ਕੁਮਾਰ ਅਤੇ ਮਹਾਂਵੀਰ ਦਲ ਤੋਂ ਪ੍ਰੇਮ ਗਰਗ ਅਤੇ ਬਾਬਾ ਜੱਸੀ ਰਾਮ ਹਾਜ਼ਰ ਸਨ।