600 ਕਰੋੜ ਰੁਪਏ ਨਾਲ ਹੋਣ ਜਾ ਰਹੇ ਸ੍ਰੀ ਅਨੰਦਪੁਰ ਸਾਹਿਬ ਹਲਕੇ ਦੇ ਵਿਕਾਸ ਕਾਰਜ ਬਦਲਣਗੇ ਖੇਤਰ ਦੀ ਨੁਹਾਰ- ਰਾਣਾ ਕੇ ਪੀ ਸਿੰਘ

ਪੰਚਾਇਤੀ ਰਾਜ ਸੰਸਥਾਵਾਂ ਦੇ ਚੁਣੇ ਹੋਏ ਮੈਂਬਰ ਲੋਕ ਸੇਵਾ ਦੀ ਭਾਵਨਾਂ ਨਾਲ ਕੰਮ ਕਰਨ- ਰਾਣਾ ਕੇ ਪੀ ਸਿੰਘ

5 Dariya News

ਸ੍ਰੀ ਅਨੰਦਪੁਰ ਸਾਹਿਬ 06-Oct-2018

ਵਿਕਾਸ ਦੀ ਰਫਤਾਰ ਵਿਚ ਤੇਜੀ ਲਿਆ ਕਿ ਇਸ ਇਲਾਕੇ ਦੀ ਨੁਹਾਰ ਬਦਲਣ ਦਾ ਜੋ ਉਪਰਾਲਾ ਪਿਛਲੇ ਡੇਢ ਸਾਲ ਵਿਚ ਹੋਇਆ ਹੈ ਉਸ ਨਾਲ ਇਸ ਖੇਤਰ ਦਾ ਨਕਸ਼ ਨੁਹਾਰ ਬਦਲ ਜਾਵੇਗਾ। ਸੈਰ ਸਪਾਟਾ ਹੱਬ ਵਜੋ ਵਿਕਸਤ ਹੁੰਦੇ ਜਾ ਰਹੇ ਇਸ ਖੇਤਰ ਵਿਚ ਆਉਣ ਵਾਲੇ ਸਮੇਂ ਵਿਚ ਵਪਾਰ ਕਾਰੋਬਾਰ ਪ੍ਰਫੂਲਤ ਹੋਣ ਅਤੇ ਸੈਲਾਨੀਆਂ ਤੇ ਸ਼ਰਧਾਲੂਆਂ ਦੀ ਆਮਦ ਵਿਚ ਹੋ ਰਹੇ ਚੇਖੇ ਵਾਧੇ ਨੇ ਇਸ ਖੇਤਰ ਦੀ ਆਰਥਿਕਤਾ ਨੂੰ ਕਾਫੀ ਮਜਬੂਤ ਕੀਤਾ ਹੈ। ਆਉਣ ਵਾਲੇ ਦਿਨਾਂ ਵਿਚ ਇਸਤਰ੍ਹਾਂ ਦੀਆ ਸੰਭਨਾਵਾਂ ਦੇ ਤੇਜੀ ਨਾਲ ਵੱਧਣ ਦੀ ਆਸ ਮਜਬੂਤ ਹੋਈ ਹੈ। ਲਗਭਗ 600 ਕਰੋੜ ਰੁਪਏ ਦੇ ਪ੍ਰੋਜੈਕਟ ਇਸ ਖੇਤਰ ਵਿਚ ਜਲਦੀ ਹੀ ਸੁਰੂ ਹੋ ਜਾਣਗੇ ਜੋ ਸਾਡੇ ਇਲਾਕੇ ਦਾ ਮੁਹੰਦਰਾ ਸਵਾਰ ਦੇਣਗੇ। ਇਹ ਪ੍ਰਗਟਾਵਾ ਸਪੀਕਰ ਰਾਣਾ ਕੇ ਪੀ ਸਿੰਘ ਨੇ ਅੱਜ ਪਾਰਕ ਪਲਾਜਾ ਹੋਟਲ ਸ੍ਰੀ ਅਨੰਦਪੁਰ ਸਾਹਿਬ ਵਿਚ ਪੰਚਾਇਤੀ ਰਾਜ ਸੰਸਥਾਵਾਂ ਦੇ ਨਵੇਂ ਚੁਣੇ ਗਏ ਮੈਂਬਰਾਂ, ਪੰਚਾਇਤ ਸੰਮਤੀ ਅਤੇ ਜਿਲ੍ਹਾ ਪ੍ਰਸ਼ੀਦ, ਦੇ ਸਨਮਾਨ ਵਿਚ ਰੱਖੇ ਸਮਾਰੋਹ ਮੋਕੇ ਕੀਤਾ। ਉਹਨਾਂ ਨੇ ਕਿਹਾ 250 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣਨ ਵਾਲਾ ਸ੍ਰੀ ਅਨੰਦਪੁਰ ਸਾਹਿਬ-ਮਾਤਾ ਸ੍ਰੀ ਨੈਣਾ ਦੇਵੀ ਰੋਪ ਵੇਅ ਪ੍ਰੋਜੈਕਟ ਇਸ ਇਲਾਕੇ  ਦੇ ਵਿਕਾਸ ਲਈ ਇਕ ਨਵੀਂ ਦਿਸ਼ਾ ਤਹਿ ਕਰੇਗਾ। ਉਹਨਾਂ ਕਿਹਾ ਕਿ ਨੰਗਲ ਵਿਚ ਬਣਨ ਵਾਲਾ ਫਲਾਈ ਉਵਰ ਦਹਾਕਿਆ ਪੁਰਾਣੀ ਨੰਗਲ ਦੀ ਟਰੈਫਿਕ ਜਾਮ ਦੀ ਸਮੱਸਿਆ ਖਤਮ ਕਰੇਗਾ। ਉਹਨਾਂ ਕਿਹਾ ਕਿ 65 ਕਰੋੜ ਰੁਪਏ ਦੀ ਲਾਗਤ ਨਾਲ ਚੰਗਰ ਵਿਚ ਲਿਫਟ ਇਰੀਗੇਸ਼ਨ ਦਾ ਕੰਮ ਜਲਦੀ ਸੁਰੂ ਹੋ ਜਾਵੇਗਾ। ਬਰਾੜੀ ਵਿਚ ਪੁੱਲ ਦਾ ਕੰਮ ਸੁਰੂ ਹੈ ਅਤੇ ਨੰਗਲ ਵਿਚ ਕਰੋੜ ਰੁਪਏ ਦੀ ਲਾਗਤ ਨਾਲ ਢੋਲਾ ਵਾਲਾ ਪੁੱਲ ਉਸਾਰਿਆ ਜਾਵੇਗਾ। 

ਉਹਨਾਂ ਕਿਹਾ ਕਿ ਸ੍ਰੀ ਕੀਰਤਪੁਰ ਸਾਹਿਬ ਵਿਚ ਵੀ ਵਿਕਾਸ ਕਾਰਜ ਚੱਲ ਰਹੇ ਹਨ ਅਤੇ ਸਮੁੱਚੇ ਇਲਾਕੇ ਵਿਚ ਫੰਡਾਂ ਦੀ ਕੋਈ ਘਾਟ ਨਹੀਂ ਆਵੇਗੀ।  ਨਵੇਂ ਚੁਣੇ ਜਿਲ੍ਹਾ ਪ੍ਰਸੀਦ ਅਤੇ ਪੰਚਾਇਤ ਸੰਮਤੀ ਮੈਂਬਰਾਂ ਨੂੰ ਸੰਬੋਧਨ ਕਰਦੇ ਹੋਏ ਸਪੀਕਰ ਰਾਣਾ ਕੇ ਪੀ ਸਿੰਘ ਨੇ ਕਿਹਾ ਕਿ ਪੰਚਾਇਤੀ ਰਾਜ ਸੰਸਥਾਵਾਂ ਦੇ ਚੁਣੇ ਹੋਏ ਮੈਂਬਰ ਲੋਕ ਸੇਵਾ ਦੀ ਭਾਵਨਾਂ ਨਾਲ ਕੰਮ ਕਰਨ ਅਤੇ ਸਰਕਾਰ ਦੀਆਂ ਨੀਤੀਆਂ ਅਤੇ ਪ੍ਰੋਗਰਾਮਾਂ ਨੂੰ ਪਿੰਡ ਪੱਧਰ ਤੱਕ ਪਹੁੰਚਾਉਣ। ਉਹਨਾਂ ਕਿਹਾ ਕਿ ਅਜਿਹੇ ਮੈਬਰ ਆਮ ਲੋੜਵੰਦ ਲੋਕਾਂ ਨੂੰ ਸਰਕਾਰ ਤੋਂ ਮਿਲਣ ਵਾਲੇ ਸਾਰੇ ਲਾਭ ਯੋਗ ਲੋੜਵੰਦਾਂ ਲੋਕਾਂ ਤੱਕ ਪਹੁੰਚਾਉਣ ਤਾਂ ਹੀ ਉਹ ਆਪਣੀ ਡਿਊਟੀ ਅਤੇ ਫਰਜਾਂ ਪ੍ਰਤੀ ਜਿੰਮੇਵਾਰ ਬਣ ਸਕਦੇ ਹਨ। ਉਹਨਾਂ ਕਿਹਾ ਕਿ ਪੰਜਾਬ ਸਰਕਾਰ ਵਲੋਂ ਜਲਦੀ ਹੀ ਪੈਨਸ਼ਨ ਦੀ ਰਾਸ਼ੀ ਵਿਚ ਵਾਧਾ ਕਰਕੇ ਇਸਨੂੰ ਦੁਗਣਾ ਕਰਨ ਦੀ ਸੰਭਾਵਨਾਵਾਂ ਹੈ ਅਤੇ ਕਿਸਾਨੀ ਕਰਜੇ ਦੀ ਅਗਲੀ ਕਿਸ਼ਤ ਵੀ ਜਲਦੀ ਸੂਰੁ ਹੋ ਜਾਵੇਗੀ। ਸਰਕਾਰ ਦੀ ਕਾਰਜਸ਼ਾਲੀ ਤੋਂ ਸੂਬੇ ਦੇ ਲੋਕ ਸੰਤੁਸ਼ਟ ਹਨ ਅਤੇ ਉਹਨਾਂ ਨੂੰ ਪੂਰਾ ਯਕੀਨ ਹੈ ਕਿ ਕੈਪਟਨ ਸਰਕਾਰ ਅਪਣੇ ਸਾਰੇ ਵਾਅਦੇ ਪੂਰੇ ਕਰੇਗੀ। ਇਸ ਮੋਕੇ ਉਹਨਾਂ 4 ਨਵੇਂ ਚੁਣੇ ਜਿਲ੍ਹਾ ਪ੍ਰਸ਼ੀਦ ਅਤੇ 28 ਪੰਚਾਇਤ ਸੰਮਤੀ ਮੈਂਬਰਾ ਦਾ ਵਿਸੇਸ਼ ਸਨਮਾਨ ਕੀਤਾ ਅਤੇ ਉਹਨਾਂ ਨੂੰ ਆਪਣੇ ਫਰਜਾਂ ਨੂੰ ਨਿਭਾਉਣ ਦੀ ਪ੍ਰੇਰਨਾ ਦਿੱਤੀ। ਇਸ ਮੋਕੇ ਪ੍ਰੇਮ ਸਿੰਘ ਬਾਸੋਵਾਲ, ਰਮੇਸ਼ ਚੰਦਰ ਦੱਸਗੁਰਾਈ, ਹਰਜੀਤ ਸਿੰਘ ਜੀਤਾ, ਰਾਣਾ ਰਾਮ ਸਿੰਘ, ਬਲਵੀਰ ਸਿੰਘ ਭੀਰੀ, ਇੰਦਰਜੀਤ ਸਿੰਘ ਅਰੋੜਾ, ਕਮਲਦੇਵ ਜੋਸ਼ੀ, ਮਹੰਤ ਬਚਨ ਦਾਸ, ਰਾਮ ਸਰੂਪ, ਡਾ ਆਤਮਾ ਸਿੰਘ, ਡੀ ਐਸ ਪੀ ਰਮਿੰਦਰ ਸਿੰਘ ਕਾਹਲੋ, ਮਨਮੋਹਨ ਸਿੰਘ, ਜਿਲ੍ਹਾ ਪ੍ਰਸ਼ੀਦ ਅਤੇ ਬਲਾਕ ਸੰਮਤੀ ਦੇ ਨਵੇ ਚੁਣੇ ਮੈਂਬਰ ਵੀ ਹਾਜ਼ਰ ਸਨ।