8 ਆਈ.ਪੀ.ਐਸ ਅਧਿਕਾਰੀਆਂ ਦੇ ਤਬਾਦਲੇ

5 Dariya News

ਚੰਡੀਗੜ੍ਹ 29-Sep-2018

ਪੰਜਾਬ ਸਰਕਾਰ ਨੇ ਅੱਜ ਅੱਠ ਆਈ.ਪੀ.ਐਸ. ਅਧਿਕਾਰੀਆਂ ਦੇ ਤਬਾਦਲੇ ਅਤੇ ਤਾਇਨਾਤੀ ਸਬੰਧੀ ਹੁਕਮ ਜਾਰੀ ਕੀਤੇ ਹਨ। ਇਕ ਸਰਕਾਰੀ ਬੁਲਾਰੇ ਨੇ ਦੱਸਿਆ ਕਿ ਪਰਵੀਨ ਕੁਮਾਰ ਸਿਨਹਾ ਨੂੰ ਆਈ.ਜੀ.ਪੀ/ ਅਪਰਾਧ ਪੰਜਾਬ ਲਾਇਆ ਹੈ ਜਦਕਿ ਅਮਰਦੀਪ ਸਿੰਘ ਰਾਏ ਕੋਲ ਪਹਿਲਾਂ ਵਾਂਗ ਹੀ ਆਈ.ਜੀ.ਪੀ/ਪਟਿਆਲਾ ਰੇਂਜ ਅਤੇ ਆਈ.ਜੀ.ਪੀ/ਵਿਜੀਲੈਂਸ ਬਿਓਰੋ ਦਾ ਵਾਧੂ ਚਾਰਜ ਰਹੇਗਾ ਅਤੇ ਵੀ. ਨੀਰਜਾ ਕੋਲ ਵੀ ਆਈ.ਜੀ.ਪੀ/ਕਮਿਊਨਿਟੀ ਪੁਲਿਸਿੰਗ ਪੰਜਾਬ ਜਦਕਿ ਆਈ.ਜੀ.ਪੀ ਰੋਪੜ ਰੇਂਜ ਦਾ ਵਾਧੂ ਚਾਰਜ ਰਹੇਗਾ। ਉਧਰ ਅਨੀਤਾ ਪੁੰਜ ਨੂੰ ਡਾਇਰੈਕਟਰ ਐੱਮ.ਆਰ.ਪੀ.ਪੀ.ਏ., ਫਿਲੌਰ ਤਾਇਨਾਤ  ਕਰਕੇ ਆਈ.ਜੀ.ਪੀ./ਟ੍ਰੇਨਿੰਗ ਪੰਜਾਬ ਵਜੋਂ ਵਾਧੂ ਚਾਰਜ ਦਿੱਤਾ ਗਿਆ ਹੈ।ਇਸੇ ਤਰ੍ਹਾਂ ਪਾਟਿਲ ਕੇਤਨ ਬਾਲੀਰਾਮ ਨੂੰ ਐਸ.ਐਸ.ਪੀ ਫਾਜ਼ਿਲਕਾ, ਅਖਿਲ ਚੌਧਰੀ ਨੂੰ ਏ.ਆਈ.ਜੀ/ਕਮਿਊਨਿਟੀ ਪੁਲਿਸਿੰਗ ਪੰਜਾਬ ਐਸ.ਏ.ਐਸ. ਨਗਰ ਅਤੇ ਵਾਧੂ ਚਾਰਜ ਕਮਾਂਡੈਂਟ 36ਵੀਂ ਬਟਾਲਿਅਨ ਪੀ.ਏ.ਪੀ, ਬਹਾਦੁਰਗੜ੍ਹ, ਗੁਲਨੀਤ ਸਿੰਘ ਖੁਰਾਨਾ ਨੂੰ ਐਸ.ਐਸ.ਪੀ ਮੋਗਾ ਅਤੇ ਬਲਰਾਜ ਸਿੰਘ ਨੂੰ ਐਸ.ਪੀ/ਸਪੈਸ਼ਲ ਪ੍ਰੋਟੈਕਸ਼ਨ ਯੂਨਿਟ, ਪੰਜਾਬ ਵਜੋਂ ਤਬਦੀਲ ਕੀਤਾ ਗਿਆ ਹੈ।