ਬੀ.ਈ.ਐਲ. ਕੰਪਨੀ ਬੰਗਲੌਰ ਤੋਂ ਇੰਜੀਨੀਅਰਾਂ ਦੀ ਆਈ ਇਕ ਟੀਮ ਵੱਲੋਂ ਕੀਤੀ ਬੈਲਟ ਯੂਨਿਟਾਂ ਅਤੇ ਕੰਟਰੋਲ ਯੂਨਿਟਾਂ ਦੀ ਚੈਕਿੰਗ

ਰਾਜਨੀਤਿਕ ਪਾਰਟੀਆਂ ਦੇ ਨੁਮਾਇੰਦਿਆਂ ਨੂੰ ਕਰਵਾਇਆ ਮਸੀਨਾਂ ਦੀ ਕਾਰਜ ਪ੍ਰਣਾਲੀ ਤੋਂ ਜਾਣੂ

5 Dariya News

ਪਠਾਨਕੋਟ 03-Aug-2018

ਅੱਜ ਪਠਾਨਕੋਟ ਵਿਖੇ ਸੈਲੀ ਰੋਡ ਸਥਿਤ ਲੇਬਰ ਹੋਸਟਲ ਬਿਲਡਿੰਗ ਇੰਪਰੂਵਮੈਂਟ ਟਰੱਸਟ (ਪਹਿਲੀ ਮੰਜਿਲ) ਨਜਦੀਕ ਪੁਲਿਸ ਥਾਨਾ ਡਿਵੀਜਨ ਨੰਬਰ 2 ਵਿਖੇ ਆਮ ਚੋਣਾਂ-2019 ਨੂੰ ਲੈ ਕੇ ਬੀ.ਈ.ਐਲ. ਕੰਪਨੀ ਬੰਗਲੌਰ ਪਾਸੋਂ ਜੋ ਵੋਟਿੰਗ ਮਸ਼ੀਨਾਂ ਦੇ 1320 ਬੈਲਟ ਯੂਨਿਟਾਂ ਅਤੇ 740 ਕੰਟਰੋਲ ਯੂਨਿਟ ਜਿਲ੍ਹਾ ਪਠਾਨਕੋਟ ਵਿਖੇ ਭੇਜੇ ਗਏ ਸਨ ਉਨ੍ਹਾਂ ਮਸੀਨਾਂ ਦੀ ਵਿਸ਼ੇਸ ਪਹਿਲੇ ਚਰਨ ਦੀ ਚੈਕਿੰਗ ਕਰਨ ਲਈ ਬੰਗਲੋਰ ਤੋਂ ਇੰਜੀਨੀਅਰਾਂ ਦੀ ਇਕ ਟੀਮ ਪਠਾਨਕੋਟ ਵਿਖੇ ਪਹੁੰਚੀ। ਇਸ ਮੋਕੇ ਤੇ ਕੁਲਵੰਤ ਸਿੰਘ ਵਧੀਕ ਡਿਪਟੀ ਕਮਿਸ਼ਨਰ (ਜ) ਵਿਸ਼ੇਸ ਤੋਰ ਤੇ ਹਾਜ਼ਰ ਹੋਏ। ਇਸ ਤੋਂ ਇਲਾਵਾ ਸਰਬਜੀਤ ਸਿੰਘ ਤਹਿਸੀਲਦਾਰ ਚੋਣਾਂ ਪਠਾਨਕੋਟ ਅਤੇ ਵੱਖ ਵੱਖ ਰਾਜਨੀਤਿਕ ਪਾਰਟੀਆਂ ਦੇ ਨੁਮਾਇੰਦਿਆਂ ਵੀ ਹਾਜ਼ਰ ਸਨ। ਜਾਣਕਾਰੀ ਦਿੰਦਿਆਂ ਸ. ਕੁਲਵੰਤ ਸਿੰਘ ਵਧੀਕ ਡਿਪਟੀ ਕਮਿਸ਼ਨਰ (ਜ) ਨੇ ਦੱਸਿਆ ਕਿ ਮਾਨਯੋਗ ਚੋਣ ਕਮਿਸ਼ਨ ਦੀਆਂ ਹਦਾਇਤਾਂ ਅਨੁਸਾਰ ਉਪਰੋਕਤ ਸਥਾਨ ਤੇ ਅੱਜ ਜਿਲ੍ਹਾ ਚੋਣ ਤਹਿਸੀਲਦਾਰ, ਵੱਖ ਵੱਖ ਰਾਜਨੀਤਿਕ ਪਾਰਟੀਆਂ ਦੇ ਨੁਮਾਇੰਦਿਆਂ ਦੀ ਹਾਜ਼ਰੀ ਵਿੱਚ ਉਨ੍ਹਾਂ ਦੀ ਨਿਗਰਾਨੀ ਵਿੱਚ ਬੀ.ਈ.ਐਲ. ਕੰਪਨੀ ਬੰਗਲੌਰ ਤੋਂ ਇੰਜੀਨੀਅਰਾਂ ਦੀ ਆਈ ਇਕ ਟੀਮ ਵੱਲੋਂ ਚੈਕਿੰਗ ਕੀਤੀ ਗਈ ਹੈ। ਜਿਸ ਦੋਰਾਨ ਸਾਰੀਆਂ ਮਸੀਨਾਂ ਨੂੰ ਚਲਾ ਕੇ ਦੇਖਿਆ ਗਿਆ । 

ਇਸ ਮੋਕੇ ਤੇ ਚੈਕਿੰਗ ਟੀਮ ਮੈਂਬਰਾਂ ਵੱਲੋਂ ਮਸੀਨ ਦੀ ਕੰਮ ਕਰਨ ਦੀ ਪ੍ਰੀਕਿਆਂ ਤੋਂ ਰਾਜਨੀਤਿਕ ਪਾਰਟੀਆਂ ਦੇ ਨੁਮਾਇੰਦਿਆਂ ਨੂੰ ਜਾਣੂ ਕਰਵਾਇਆ ਗਿਆ ਹੈ। ਇਸ ਮੋਕੇ ਤੇ ਸੰਬੋਧਨ ਕਰਦਿਆਂ ਸ੍ਰੀ ਸਰਬਜੀਤ ਸਿੰਘ ਤਹਿਸੀਲਦਾਰ ਚੋਣਾਂ ਨੇ ਦੱਸਿਆ ਕਿ ਜਿਲ੍ਹਾਂ ਪਠਾਨਕੋਟ ਨੂੰ ਪਿਛਲੇ ਦਿਨਾਂ ਦੋਰਾਨ ਆਮ ਚੋਣਾਂ-2019 ਨੂੰ ਲੈ ਕੇ 1320 ਬੈਲਟ ਯੂਨਿਟ ਅਤੇ 740 ਕੰਟਰੋਲ ਯੂਨਿਟ ਉਪਰੋਕਤ ਕੰਪਨੀ ਵੱਲੋਂ ਪ੍ਰਾਪਤ ਹੋਏ ਹਨ। ਉਨ੍ਹਾਂ ਦੱਸਿਆ ਕਿ ਬੈਲਟ ਯੂਨਿਟਾਂ ਅਤੇ ਕੰਟਰੋਲ ਯੂਨਿਟਾਂ ਨੂੰ ਸੈਲੀ ਰੋਡ ਸਥਿਤ ਲੇਬਰ ਹੋਸਟਲ ਬਿਲਡਿੰਗ ਇੰਪਰੂਵਮੈਂਟ ਟਰੱਸਟ (ਪਹਿਲੀ ਮੰਜਿਲ) ਨਜਦੀਕ ਪੁਲਿਸ ਥਾਨਾ ਡਿਵੀਜਨ ਨੰਬਰ 2 ਵਿਖੇ ਬਣਾਏ ਗਏ ਵੇਅਰ ਹਾਊਸ ਵਿਖੇ ਭਾਰਤ ਚੋਣ ਕਮਿਸ਼ਨ ਦੀਆਂ ਹਦਾਇਤਾਂ ਅਨੁਸਾਰ ਸਟੋਰ ਕੀਤਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਉੱਕਤ ਸਥਾਨ ਦੀ ਸੁਰੱਖਿਆ ਦੇ ਲਈ ਬਿਲਡਿੰਗ ਵਿੱਚ ਸੀ.ਸੀ.ਟੀ.ਵੀ. ਕੈਮਰੇ ਲਗਾਏ ਗਏ ਹਨ ਅਤੇ ਅੰਗ ਬੁਝਾਓ ਯੰਤਰ ਵੀ ਲਗਾਏ ਗਏ ਹਨ। ਉਨ੍ਹਾਂ ਦੱਸਿਆ ਕਿ ਬੈਲਟ ਯੂਨਿਟਾਂ ਅਤੇ ਕੰਟਰੋਲ ਯੂਨਿਟਾਂ ਦੀ ਸੁਰੱਖਿਆ ਦੇ ਲਈ ਪੁਲਿਸ ਵਿਭਾਗ ਵੱਲੋਂ ਗਾਰਦ ਵੀ ਉਪਲਬੱਧ ਕਰਵਾਈ ਗਈ ਹੈ ਜੋ 24 ਘੰਟੇ ਡਿਊਟੀ ਤੇ ਤੈਨਾਤ ਰਹਿੰਦੀ ਹੈ।