ਮਿਸ਼ਨ ਤੰਦਰੁਸਤ ਪੰਜਾਬ ਅਧੀਨ ਪ੍ਰਾਇਮਰੀ ਹੈਲਥ ਸੈਂਟਰ ਕੀਰਤਪੁਰ ਸਾਹਿਬ ਵਿੱਖੇ ਕੀਤੀ ਗਈ ਦਸਤਰੋਕੂ ਪੰਦਰਵਾੜੇ ਦੀ ਸ਼ੁਰੂਆਤ

5 Dariya News

ਕੀਰਤਪੁਰ ਸਾਹਿਬ 09-Jul-2018

ਮਿਸ਼ਨ ਤੰਦਰੁਸਤ ਪੰਜਾਬ ਅਧੀਨ ਸਿਵਲ ਸਰਜਨ ਰੂਪਨਗਰ ਡਾ. ਹਰਵਿੰਦਰ ਕੌਰ ਦੇ ਦਿਸ਼ਾ ਨਿਰਦੇਸ਼ਾ ਅਨੂਸਾਰ ਡਾ. ਪਵਨ ਕੁਮਾਰ ਸੀਨੀਅਰ ਮੈਡੀਕਲ ਅਫਸਰ ਪੀ.ਐਚ.ਸੀ ਕੀਰਤਪੁਰ ਸਾਹਿਬ ਦੀ ਅਗੁਵਾਈ ਹੇਂਠ ਅੱਜ ਦਸਤ ਰੋਕੂ ਪਂਦਰਵਾੜੇ (ਇਂਟੈਨਸਿਫਾਈਡ ਡਾਇਰੀਆ ਕੰਟਰੋਲ ਫੋਰਟਨਾਈਟ) ਦੀ ਸ਼ੁਰੂਆਤ ਕੀਤੀ ਗਈ।ਜਿਸ ਦਾ ਮਨੋਰਥ ਲੋਕਾਂ ਨੂੰ ਸਵੱਸਥ ਅਤੇ ਤੰਦਰੁਸਤ ਰਹਿਣ ਦੀ ਪ੍ਰੇਰਨਾ ਦੇਣਾ ਹੈ। ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਡਾ. ਪਵਨ ਕੁਮਾਰ ਨੇ ਕਿਹਾ ਕਿ 9 ਜੁਲਾਈ ਤੋਂ 21 ਜੁਲਾਈ ਤੱਕ ਚੱਲਣ ਵਾਲੇ ਇਸ ਪੰਦਰਵਾੜੇ ਅਧੀਨ 0 ਤੋਂ 5 ਸਾਲ ਦੇ ਬੱਚਿਆ ਨੂੰ ਡਾਇਰੀਆ ਤੋਂ ਬਚਾਉਣ ਲਈ  ਓ.ਆਰ.ਐਸ. ਦੇ ਪੈਕਟ ਅਤੇ ਜਿੰਕ ਦੀ ਗੋਲੀਆਂ ਮੁਫਤ  ਵੰਡੀਆ ਜਾਣਗੀਆਂ।ਇਸ ਮੁਹਿੰਮ ਦੇ ਤਹਿਤ ਸਮੂਹ ਆਸ਼ਾ ਵਰਕਰਜ,ਆਂਗਣਵਾੜੀ ਅਤੇ ਐਲ.ਐਚ.ਵੀ ਨੂੰ ਸਿਹਤ ਵਿਭਾਗ ਵੱਲੋ ਦੱਸਿਆ ਗਈਆਂ ਹਿਦਾਇਤਾ ਨੂੰ ਫੀਲਡ ਵਿੱਚ ਲਾਗੂ ਕਰਵਾਉਣ ਲਈ ਕਿਹਾ ਗਿਆ। ਇਸ ਪ੍ਰੌਗਰਾਮ ਦੇ ਨੋਡਲ ਅਫਸਰ ਡਾ.ਰਿਸ਼ਵ ਅਗਰਵਾਲ ਨੇ ਇਸ ਪੰਦਰਵਾੜੇ ਸਬੰਧੀ ਜਾਣਕਾਰੀ  ਦਿੰਦਿਆ ਕਿਹਾ ਕਿ ਬਰਸਾਤੀ ਮੋਸਮ ਵਿੱਚ ਬੱਚਿਆ ਨੂੰ ਉਲਟੀਆ ਅਤੇ ਦਸਤ ਤੋਂ ਬਚਾਉਣ ਲਈ ਆਲੇ ਦੁਆਲੇ ਦੀ ਸਫਾਈ ਰੱਖਣੀ ਬਹੁਤ ਜਰੂਰੀ ਹੈ। ਸਕੂਲ ਅਤੇ ਆਂਗਣਵਾੜੀ ਸੈਂਟਰਾ ਵਿੱਚ ਹੱਥ ਧੋਣ ਦੀ ਵਿੱਧੀ ਦਾ ਵਿਸ਼ੇਸ਼ ਤੋਰ ਤੇ ਪ੍ਰਚਾਰ ਕੀਤਾ ਜਾਵੇ। ਉਲਟੀਆਂ ਅਤੇ ਦਸਤ ਲੱਗਣ ਤੇ ਬੱਚੇ ਨੂੰ ਓ.ਆਰ.ਐਸ. ਦਾ ਘੋਲ ਪਿਲਾਇਆ ਜਾਵੇ ਇਸ ਤੋਂ ਇਲਾਵਾ ਜਿੰਕ ਦੀਆਂ ਗੋਲੀਆ ਵੀ ਵੰਡੀਆ ਜਾਣ।ਬੱਚੇ ਦੀ ਹਾਲਤ ਜਿਆਦਾ ਖਰਾਬ ਹੋਣ ਦੀ ਸੂਰਤ ਵਿੱਚ ਮਰੀਜ ਨੂੰ ਆਧੁਨਿਕ ਸਹੂਲਤਾਂ ਨਾਲ ਲੈਂਸ ਕਿਸੇ ਵੱਡੇ ਹਸਪਤਾਲ ਲਿਆਦਾ ਜਾਵੇ। ਇਸ ਮੋਕੇ ਬਲਾਕ ਦੇ ਬੀ.ਈ.ਈ ਹੇਮੰਤ ਕੁਮਾਰ ਨੇ ਸਮੂਹ ਸਟਾਫ ਨੂੰ ਕਿਹਾ ਕਿ ਇਸ ਡਾਇਰੀਆ ਦੇ ਹੋਣ ਤੇ 0ਤੋਂ 6 ਮਹੀਨੇ ਦੇ ਬੱਚੇ ਨੂੰ ਮਾਂ ਦਾ ਦੁੱਧ ਪਿਲਾਉਣਾ ਜਰੂਰੀ ਹੈ ਅਤੇ 6 ਮਹੀਨੇ ਤੇ ਉਪਰ ਦੇ ਬੱਚਿਆ ਨੂੰ ਦੁੱਧ ਤੋਂ ਇਲਾਵਾ ਦੁੱਧ ਤੋਂ ਬਣਿਆ ਚੀਜਾਂ ਦੇਣ ਲਈ ਲੋਕਾ ਵਿੱਚ ਪ੍ਰਚਾਰ ਕੀਤਾ ਜਾਵੇ।ਉਨ੍ਹਾਂ ਸਮੂਹ ਸਟਾਫ ਨੂੰ ਇਸ ਪ੍ਰੋਗਰਾਮ ਨੂੰ ਸਫਲ ਬਨਾਉਣ ਦੀ ਅਪੀਲ ਕੀਤੀ।ਇਸ ਮੋਕੇ ਤੇ ਐਲ.ਐਚ.ਵੀ ਤਰਸੇਮ ਕੋਰ ਵੀ ਹਾਜਰ ਸਨ।