ਮਹਾਰਾਸ਼ਟਰ ਵਿੱਚ ਪੰਜਾਬ ਤੋਂ ਨਾਂਦੇੜ ਜਾ ਰਹੀ ਟਾਵੇਰਾ ਗੱਡੀ ਦੀ ਟਰੱਕ ਨਾਲ ਟੱਕਰ ਹੋਣ ਨਾਲ 10 ਦੀ ਮੌਕੇ ਤੇ ਮੌਤ ,ਦੋ ਗੰਭੀਰ ਰੂਪ ਵਿੱਚ ਜ਼ਖਮੀ

5 Dariya News (ਕੁਲਜੀਤ ਸਿੰਘ)

ਯਵਤਮੱਲ (ਮਹਾਰਾਸ਼ਟਰ) 01-Jun-2018

ਅੱਜ ਸਵੇਰੇ ਮਹਾਰਾਸ਼ਟਰ ਦੇ ਜਿਲ੍ਹੇ ਯਵਤਮੱਲ ਵਿੱਚ ਨਾਗਪੁਰ ਤੁਲਜਾਪੁਰ ਹਾਈਵੇ ਤੇ ਇਹ ਹਾਦਸਾ ਹੋਇਆ ।ਇਹ ਸਾਰੇ ਨਾਂਦੇੜ ਸਾਹਿਬ ਵਿੱਖੇ ਦਰਸ਼ਨ ਕਰਨ ਲਈ ਜਾ ਰਹੇ ਸਨ ।ਇਸ ਹਾਦਸੇ ਵਿੱਚ 2 ਬੱਚਿਆਂ ਸਮੇਤ 6 ਔਰਤਾਂ ਅਤੇ 4 ਵਿਕਤੀਆ ਦੀ ਮੌਤ ਹੋਈ  ਹੈ ਜਦਕਿ ਜ਼ਖਮੀਆਂ ਨੂੰ ਨਾਗਪੁਰ ਦੇ ਇੱਕ ਹਸਪਤਾਲ ਵਿੱਖੇ ਇਲਾਜ ਲਈ ਦਾਖਿਲ ਕਰਵਾਇਆ ਗਿਆ ਹੈ ।ਪੁਲਿਸ ਸਟੇਸ਼ਨ ਆਰਨੀ ਜਿਲ੍ਹਾ ਯਵਤਮੱਲ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਇਹ ਘਟਨਾ ਅੱਜ ਸਵੇਰੇ ਕੋਸਦਨੀ ਘਾਟੀ ਦੇ ਨਜ਼ਦੀਕ ਹੋਈ ।ਇਸ ਹਾਦਸੇ ਵਿੱਚ ਟਾਵੇਰਾ ਗੱਡੀ ਦੇ ਪਰਖਚੇ ਉਡ ਗਏ ।ਮਿਰਤਕਾਂ ਦੀ ਪਹਿਚਾਣ ਕੁਨਾਲ ਪੁੱਤਰ ਤਰਸੇਮ ਲਾਲ ਉਮਰ ਕਰੀਬ 16 ਸਾਲ ਸੋਨੀਆ ਪਤਨੀ ਤੀਰਥ ਸਿੰਘ ਨਿਵਾਸੀ ਪਿੰਡ ਸਠਿਆਲਾ  ਜਿਲ੍ਹਾ ਅੰਮ੍ਰਿਤਸਰ ,ਬਿਹਾਰੀ ਲਾਲ ਪੁੱਤਰ ਬਲਵੰਤ ਰਾਮ ਉਮਰ ਕਰੀਬ 60 ਸਾਲ ਨਿਵਾਸੀ ਕਰਨਾਲ ਹਰਿਆਣਾ ,ਡਿੰਪਲ ਉਮਰ 13 ਸਾਲ ਨਿਵਾਸੀ ਨਾਗਪੁਰ ਸਿਮਰਨ ਕੌਰ ਪਤਨੀ ਪ੍ਰਗਟ ,ਸੰਤੋਸ਼ ਪਤਨੀ ਬਿਹਾਰੀ ਲਾਲ ਉਮਰ ਕਰੀਬ 55 ਨਿਵਾਸੀ ਕਰਨਾਲ ,ਤਿਲਕ ਰਾਜ ਪੁੱਤਰ ਵਲਾਇਤੀ ਰਾਮ ,ਨੀਲਮ ਪਤਨੀ ਤਰਸੇਮ ਲਾਲ ਉਮਰ ਕਰੀਬ 45 ਸਾਲ ਅਤੇ ਵਿਕਾਸ ਪੁੱਤਰ ਤਰਸੇਮ ਲਾਲ ਨਿਵਾਸੀ ਨਾਗਪੁਰ ਹੋਈ ।ਜਦਕਿ ਜ਼ਖਮੀਆਂ ਵਿੱਚ  ਨੇਹਾ ਅਤੇ ਬਲਜੀਤ ਸਿੰਘ ਨਿਵਾਸੀ ਪਠਾਨਕੋਟ ਨੂੰ ਇਲਾਜ ਲਈ ਨਾਗਪੁਰ ਡੈ ਹਸਪਤਾਲ ਵਿੱਖੇ ਦਾਖਿਲ ਕਰਵਾਇਆ ਗਿਆ ਹੈ।