ਯੂਰਪੀ ਪੰਜਾਬੀ ਸੱਥ ਦੇ ਸੰਚਾਲਕ ਮੋਤਾ ਸਿੰਘ ਸਰਾਏ ਨੇ ਕਾਵਿ ਛੱਲਾ ਪੁਸਤਕ ਲੋਕ ਅਰਪਣ ਕੀਤੀ

ਪੰਜਾਬੀ ਕਮਿਊਨਿਟੀ ਤੇ ਪ੍ਰਿਜ਼ਮ ਪ੍ਰਕਾਸ਼ਨ ਵੱਲੋਂ ਨਿਵੇਕਲਾ ਉਪਰਾਲਾ

5 ਦਰਿਆ ਨਿਊਜ਼

ਐਸ.ਏ.ਐਸ.ਨਗਰ. 27-Feb-2012

ਨੋਜਵਾਨ ਵਰਗ ਵਿੱਚ ਪੰਜਾਬੀ ਮਾਂ-ਬੋਲੀ ਤੇ ਸਾਹਿਤ ਪ੍ਰਤੀ ਦਿਨ-ਬ-ਦਿਨ ਘਟ ਰਹੀ ਰੁਚੀ ਨੂੰ ਮੁੜ ਸੁਰਜੀਤ ਕਰਨ ਲਈ 'ਪੰਜਾਬੀ ਕਮਿਊਨਿਟੀ' ਅਤੇ 'ਪ੍ਰਿਜ਼ਮ ਪ੍ਰਕਾਸ਼ਨ' ਨੇ ਸਾਂਝਾ ਉਪਰਾਲਾ ਕਰਦਿਆਂ ਮੁਹਾਲੀ ਪ੍ਰੈਸ ਕਲੱਬ ਵਿਖੇ ਪੁਸਤਕ 'ਕਾਵਿ-ਛੱਲਾਂ' ਲੋਕ ਅਰਪਣ ਕੀਤੀ। ਕਿਤਾਬ ਦੀ ਘੁੰਡ ਚੁਕਾਈ ਯੂਰਪੀ ਪੰਜਾਬੀ ਸੱਥ, ਵਾਲਸਾਲ (ਯੂ ਕੇ) ਦੇ ਸੰਚਾਲਕ ਸ: ਮੋਤਾ ਸਿੰਘ ਸਰਾਏ ਨੇ ਕੀਤੀ ਜੋ ਪਿਛਲੇ ਦੋ ਦਹਾਕਿਆਂ ਤੋਂ ਅੰਤਰਰਾਸ਼ਟਰੀ ਪੱਧਰ ਤੇ ਪੰਜਾਬੀ ਮਾਂ -ਬੋਲੀ, ਸਾਹਿਤ ਤੇ ਸੱਭਿਆਚਾਰ ਦਾ ਪ੍ਰਚਾਰ ਤੇ ਪਾਸਾਰ ਕਰਨ ਵਿੱਚ ਰੁੱਝੇ ਹੋਏ ਹਨ। ਇਸ ਮੌਕੇ ਉਨ੍ਹਾਂ ਨੇ ਇਸ ਉੱਦਮੀ ਕਾਰਜ ਲਈ ਪੁਸਤਕ ਦੇ ਸੰਪਾਦਕ ਰਵਿੰਦਰ ਜਹਾਂਗੀਰ ਤੇ ਵਿਸ਼ਾਲ ਮੋਂਗਾ ਨੂੰ ਮੁਬਾਰਕਬਾਦ ਦਿੰਦਿਆਂ ਦੋ ਸ਼ਬਦ ਕਹੇ ਤੇ ਕਿਤਾਬ ਵਿਚ ਛਪੇ 13 ਕਵੀਆਂ ਨੇ ਆਪਣੀਆਂ ਕਵੀਤਾਵਾਂ ਸੁਣਾਂ  ਪਾਠਕਾਂ ਦੀ ਵਾਹ ਵਾਹ ਖੱਟੀ। 

ਜਿਕਰਯੋਗ ਹੈ ਕਿ ਪੰਜਾਬੀ ਕਮਿਊਨਿਟੀ ਜਿੱਥੇ ਹਰ ਸਾਲ ਉੱਭਰਦੇ ਕਲਮਕਾਰਾਂ ਦੀਆਂ ਰਚਨਾਵਾਂ ਨੂੰ ਇਸ ਪੁਸਤਕ ਰੂਪ ਵਿੱਚ ਛਾਪ ਕੇ ਉਨ੍ਹਾਂ ਦੀ ਹੋਂਸਲਾ ਅਫਜਾਈ ਕਰਦੀ ਹੈ ਉੱਥੇ ਸਮੇਂ ਸਮੇਂ ਕਵੀ ਦਰਬਾਰ, ਸਾਹਿਤਕ ਸਮਾਗਮ ਅਤੇ ਸਮਾਜ ਸੇਵੀ ਕਾਰਜ ਵੀ ਕਰਵਾਉਂਦੀ ਹੈ। ਪੰਜਾਬੀ ਸਾਹਿਤ ਜਗਤ ਤੇ ਸਮਾਜ ਲਈ ਇਸ ਵਡਮੁੱਲੇ ਯੋਗਦਾਨ ਦੀ ਹੌਸਲਾ  ਅਫਜਾਈ ਕਰਦਿਆਂ ਸ: ਮੌਤਾ ਸਿੰਘ ਸਰਾਏ ਨੈ ਵਿਸ਼ਵ ਪੱਧਰ ਤੇ ਪੰਜਾਬੀ ਮਾਂ-ਬੋਲੀ ਦੀ ਸਥਿਤੀ ਤੇ ਇਸ ਦੀ ਪ੍ਰਫੁੱਲਤਾ ਲ ਕੀਤੇ ਜਾ ਰਹੇ ਕਾਰਜਾਂ ਤੇ ਚਾਨਣ ਪਾਇਆ ਤੇ ਪੰਜਾਬੀ ਭਾਈਚਾਰੇ ਨੂੰ ਇੱਕਜੁੱਟ ਹੋ ਕੇ ਇਸ ਖੇਤਰ ਵਿਚ ਡਟਣ ਦੀ ਅਪੀਲ ਕੀਤੀ।ਸਮਾਗਮ ਵਿੱਚ ਵਿਸ਼ੇਸ਼ ਤੋਰ ਤੇ ਪਹੁੰਚਣ ਵਿੱਚ ਗੁਰਪ੍ਰੀਤ ਮਾਨ, ਜਗਤਾਰ ਦਿਓਲ, ਡਾ: ਕੁਲਬੀਰ ਕੌਰ, ਪ੍ਰੋ: ਪ੍ਰਿਤਪਾਲ ਹਲਵਾਰਵੀ, ਪ੍ਰੋ: ਗੀਤਾਂਜਲੀ ਭਗਤ, ਚਰਨਜੀਤ ਰੰਧਾਵਾ, ਪ੍ਰਿੰਸ ਕੋਚਰ, ਕਮਲ ਕਕਰਾਲਾ, ਡਾ: ਮਨਜੀਤ ਮਾਨ, ਨੇਤਰਪਾਲ ਸਿੰਘ, ਰਿਤੂ ਸਰੋਚ, ਹਰਜਿੰਦਰ ਸਿੰਘ, ਸ੍ਰੀ ਓ ਪੀ ਸਰੋਚ, ਪੂਜਾ ਸਰੋਚ ਆਦਿ ਸ਼ਾਮਲ ਸਨ।