ਏਅਰਪੋਰਟ ਦੇ 100 ਮੀਟਰ ਏਰੀਏ ਵਿਚੋ ਨਜਾਇਜ ਉਸਾਰੀਆਂ ਹਟਾਈਆ ਜਾਣਗੀਆਂ : ਚਰਨਦੇਵ ਸਿੰਘ ਮਾਨ

ਵਧੀਕ ਡਿਪਟੀ ਕਮਿਸ਼ਨਰ ਚਰਨਦੇਵ ਸਿੰਘ ਮਾਨ ਵਲੋਂ ਨਗਰ ਕੌਂਸਲ ਜੀਰਕਪੁਰ ਦੇ ਰਿਕਾਰਡ ਦੀ ਅਚਨਚੇਤੀ ਚੈਕਿੰਗ

5 Dariya News

ਜ਼ੀਰਕਪੁਰ 21-Feb-2018

ਏਅਰਪੋਰਟ ਦੀ ਦਿਵਾਰ ਤੋ ਲੈ ਕੇ 100 ਮੀਟਰ ਦੇ ਏਰੀਏ ਵਿਚ ਹੋ ਰਹੀ  ਨਜਾਇਜ ਉਸਾਰੀਆਂ ਨੂੰ ਹਰ ਹਾਲਤ ਵਿਚ ਰੋਕਿਆ ਜਾਵੇਗਾ ਅਤੇ ਹੋ ਚੁਕੀਆਂ ਨਜਾਇਜ ਉਸਾਰੀਆਂ ਨੂੰ ਤੋੜਿਆ ਜਾਵੇਗਾ। ਇਸ ਗੱਲ ਦੀ ਜਾਣਕਾਰੀ ਵਧੀਕ ਡਿਪਟੀ ਕਮਿਸ਼ਨਰ ਚਰਨਦੇਵ ਸਿੰਘ ਮਾਨ ਨੇ ਨਗਰ ਕੌਸਲ ਜੀਰਕਪੁਰ ਦੇ ਰਿਕਾਡ ਦੀ ਅੱਚਨਚੇਤ ਚੈਕਿੰਗ ਦੌਰਾਨ ਦਿੱਤੀ। ਸ. ਮਾਨ ਨੇ ਦੱਸਿਆ ਕਿ ਪੜਤਾਲ ਦੌਰਾਨ ਉਨ੍ਹਾਂ ਦੇ ਧਿਆਨ ਵਿਚ ਆਇਆ ਹੈ ਕਿ ਪਿਛਲੇ ਕੁੱਝ ਸਮੇ ਦੌਰਾਨ ਏਅਰਪੋਰਟ ਦੀ ਕੰਧ ਨਾਲ ਲਗਦੇ ਪਾਬੰਦੀ ਸੂਦਾ ਏਰੀਏ ਵਿਚ ਨਜਾਇਜ ਉਸਾਰੀਆਂ ਹੋਇਆ ਹਨ ਜਿਨ੍ਹਾਂ ਦਾ ਉਨ੍ਹਾਂ ਵਲੋ ਸਖਤ ਨੋਟਿਸ ਲਿਆ ਗਿਆ ਅਤੇ ਨਗਰ ਕੌਸਲ ਦੇ ਅਧਿਕਾਰੀਆਂ ਨੂੰ ਤੂਰੰਤ ਕਾਰਵਾਈ ਕਰਨ ਦੇ ਆਦੇਸ ਦਿੱਤੇ ਗਏ। ਇਸ ਤੋ ਇਲਾਵਾ ਜੀਰਕਪੁਰ ਅੰਦਰ ਬਣ ਰਹੀਆਂ ਬਹੂਮੰਜਲਾਂ ਇਮਾਰਤਾਂ ਸਬੰਧੀ ਉਨ੍ਹਾਂ ਦੱਸਿਆ ਕਿ ਇਨ੍ਹਾਂ ਇਮਾਰਤਾਂ ਵਿਚ ਸੁਰੱਖਿਆਂ ਦੇ ਪ੍ਰਬੰਧਾਂ ਦੀ ਜਾਂਚ ਕੀਤੀ ਜਾਵੇਗੀ, ਜਿਨ੍ਹਾਂ ਪ੍ਰੋਜੈਕਟਾਂ ਵਿਚ ਫਾਈਰ ਸਿਸਟਮ ਜਾ ਕੁਦਰਤੀ ਸੋਮਿਆਂ ਦੀ ਸੰਭਾਲ ਸਬੰਧੀ ਲਾਜਮੀ ਪ੍ਰਬੰਧ ਨਾ ਕੀਤੇ ਹੋਏ ਉਨ੍ਹਾਂ ਖਿਲਾਫ ਕਾਰਵਾਈ ਕੀਤੀ ਜਾਵੇਗੀ। ਰਿਕਾਰਡ ਦੀ ਜਾਂਚ ਸਬੰਧੀ ਉਨਾਂ ਦਸਿਆ ਕਿ ਨਗਰ ਕੌਸਲ ਜੀਰਕਪੁਰ ਦਾ ਪਿਛਲੇ ਸਮੇ ਦੌਰਾਨ ਹਾਊਸ ਟੈਕਸ ਦੇ  398.63 ਲੱਖ, ਪਾਣੀ ਅਤੇ ਸੀਵਰੇਜ ਸਪਲਾਈ ਦੇ ਕਰੀਬ 325 ਲੱਖ ਰੁਪਏ ਬਕਾਇਆ ਖੜੇ ਹਨ ਜਿਨ੍ਹਾ ਦੀ ਰਿਕਵਰੀ ਲਈ ਕਾਰਵਾਈ ਆਰੰਭੀ ਜਾਵੇਗੀ| ਉਨ੍ਹਾਂ ਇਹ ਵੀ ਦਾਅਵਾ ਕੀਤਾ ਕਿ ਜੀਰਕਪੁਰ ਹਲਕੇ ਅੰਦਰ ਨਜਾਇਜ ਕਬਜੇ ਨਹੀ ਹੋਣ ਦਿੱਤੇ ਜਾਣਗੇ। ਜਿਨ੍ਹਾਂ ਲੋਕਾਂ ਵਲੋ ਨਜਾਇਜ ਕਬਜੇ ਕੀਤੇ ਗਏ ਹਨ ਉਨ੍ਹਾਂ ਤੇ ਕਾਰਵਾਈ ਤੇਜ ਕਰਕੇ ਕਬਜੇ ਛੁਡਾਏ ਜਾਣਗੇ। ਜੀਰਕਪੁਰ ਲਈ ਫਾਈਰ ਬ੍ਰਗੇਡ ਲਿਆਦੀ ਜਾਵੇਗੀ ਜਿਸ ਸਬੰਧੀ ਸਰਕਾਰ ਨੂੰ ਲਿੱਖਕੇ ਭੇਜਿਆ ਜਾ ਚੁੱਕਾ ਹੈ, ਮਨਜੂਰੀ ਮਿਲਦੇ ਹੀ ਫਾਈਰ ਸਟੇਸਨ ਜੀਰਕਪੁਰ ਵਿਖੇ ਖੋਲਿਆ ਜੇਵਗਾ। ਇਸ ਤੋ ਇਲਾਵਾ ਨਜਾਇਜ ਕਾਲੌਨੀਆਂ ਸਬੰਧੀ ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨਗਰ ਕੌਸਲ ਦੇ ਅਧਿਕਾਰੀਆਂ ਨੂੰ ਨਜਾਇਜ ਅਤੇ ਮਨਜੂਰਸੂਦਾ ਕਾਲੌਨੀਆਂ ਦੀ ਲਿਸਟ ਬਨਾਉਣ ਸਬੰਧੀ ਕਿਹਾ ਹੈ ਅਤੇ ਨਜਇਜ ਕਾਲੌਨੀਆਂ ਕੱਟਣ ਵਾਲਿਆਂ ਦੇ ਖਿਲਾਫ ਸਖਤ ਕਾਰਵਾਈ ਕੀਤੀ ਜਵੇਗੀ।