ਈਸਰੋ ਵੱਲੋਂ ਲਾਰੇਂਸ ਸਕੂਲ ਵਿਚ ਲਗਾਈ ਸੈਟੇਲਾਈਟ ਮਾਡਲ ਪ੍ਰਦਰਸ਼ਨੀ ਵਿਚ ਦੂਜੇ ਦਿਨ ਤਿੰਨ ਹਜ਼ਾਰ ਦੇ ਕਰੀਰ ਵਿਦਿਆਰਥੀਆਂ ਨੇ ਕੀਤੀ ਸ਼ਿਰਕਤ

ਈਸਰੋ ਦੇ ਵਿਗਿਆਨੀਆਂ ਨੇ ਬੱਚਿਆਂ ਨੂੰ ਸੈਟਾਲਾਈਟ ਸਿਸਟਮ ਬਾਰੇ ਦਿਤੀ ਅਹਿਮ ਜਾਣਕਾਰੀ

5 Dariya News

ਐਸ ਏ ਐਸ ਨਗਰ 24-Jan-2018

ਇੰਡੀਅਨ ਸਪੇਸ ਐਂਡ ਰਿਸਰਚ ਆਰਗੋਨੇਸ਼ਨ ਯਾਨੀ ਇਸਰੋ ਵੱਲੋਂ ਮੋਹਾਲੀ ਦੇ ਲਾਰੇਂਸ ਪਬਲਿਕ ਸੀਨੀਅਰ ਸਕੈਂਡਰੀ ਸਕੂਲ ਵਿਚ ਲਈ ਗਈ ਦੋ ਦਿਨਾਂ ਸੈਟੇਲਾਈਟ ਪ੍ਰਦਰਸ਼ਨ ਦੀ ਸਮਾਪਤੀ ਹੋ ਗਈ। ਇਸ ਦੌਰਾਨ ਇਸਰੋ ਦੇ ਵਿਗਿਆਨੀਆਂ ਵੱਲੋਂ ਇਸਰੋ ਵੱਲੋਂ ਸਪੇਸ ਵਿਚ ਕੀਤੇ ਜਾ ਰਹੇ ਕਾਰਜਾਂ ਅਤੇ ਸੈਟੇਲਾਈਟ ਸਬੰਧੀ ਵਿਸਥਾਰ ਸਹਿਤ ਜਾਣਕਾਰੀ ਦਿਤੀ ਗਈ। ਦੂਜੇ ਦਿਨਾ ਟ੍ਰਾਈ ਸਿਟੀ ਸਮੇਤ ਮੋਹਾਲੀ ਜ਼ਿਲ੍ਹੇ ਦੇ ਵੱਖ ਵੱਖ ਸਕੂਲਾਂ ਦੇ ਤਿੰਨ ਹਜ਼ਾਰ ਦੇ ਕਰੀਬ ਵਿਦਿਆਰਥੀਆਂ ਨੇ ਸ਼ਿਰਕਤ ਕਰਦੇ ਹੋਏ ਪੁਲਾੜ ਵਿਗਿਆਨ ਨੂੰ ਜਾਣਿਆਂ। ਇਸ ਦੌਰਾਨ ਇਸਰੋ ਦੇ ਅਧਿਕਾਰੀ ਦੀਪਕ ਪਾਂਡਿਆ ਨੇ ਜਾਣਕਾਰੀ ਸਾਂਝੀ ਕਰਦੇ ਹੋਏ ਦੱਸਿਆਂ ਕਿ ਇਸਰੋ ਵੱਲੋਂ ਅਗਲੀ ਪੀੜੀ ਵਿਚ ਪੁਲਾੜ ਵਿਗਿਆਨ ਦੀ ਲਲ੍ਹਕ ਜਗਾਉਣ ਅਤੇ ਉਨ੍ਹਾਂ ਨੂੰ ਇਸਰੋ ਸਬੰਧੀ ਜਾਣਕਾਰੀ ਦੇਣ ਲਈ ਇਹ ਪ੍ਰਦਰਸ਼ਨੀ ਲਗਾਈ ਗਈ ਹੈ। ਉਨ੍ਹਾਂ ਦੱਸਿਆਂ ਕਿ ਇਸਰੋ ਦੀ ਸੰਸਥਾ ਨੂੰ ਸੁਰੱਖਿਆ ਕਾਰਨਾਂ ਦੇ ਚੱਲਦਿਆਂ ਅੰਦਰੋਂ ਨਹੀਂ ਵਿਖਾਇਆ ਜਾ ਸਕਦਾ। ਪਰ ਦੇਸ਼ ਵੱਲੋਂ ਕੀਤੀਆਂ ਗਈਆਂ ਅਹਿਮ ਖੋਜਾਂ ਨੂੰ ਭਾਰਤੀ ਨਾਗਰਿਕਾਂ ਨੂੰ ਦੱਸਣ ਦੇ ਮੰਤਵ ਨਾਲ ਕੀਤਾ ਇਹ ਉਪਰਾਲਾ ਕਾਮਯਾਬ ਰਿਹਾ ਹੈ।

ਈਸਰੋ ਦੇ ਦੂਜੇ ਵਿਗਿਆਨੀ ਭਰਤ ਭਾਈ ਚਨਿਆਰਾ ਨੇ ਦੱਸਿਆਂ ਕਿ ਭਾਰਤ ਹਰ ਤਰਾਂ ਸੈਟੇਲਾਈਟ ਲਾਂਚਿਗ ਤਿਆਰ ਕਰਨ ਵਿਚ ਸਮਰਥ ਹੈ। ਹੁਣ ਤੱਕ ਬੇਸ਼ੱਕ ਕਈ ਤਰਾਂ ਦੇ ਸੈਟੇਲਾਈਟ ਲਾਂਚ ਕੀਤੇ ਜਾ ਚੁੱਕੇ ਹਨ, ਪਰ ਉਨ੍ਹਾਂ ਦੀ ਵਰਤੋਂ ਕਰਨ ਸਬੰਧੀ ਜਾਣਕਾਰੀ ਦੀ ਲੋਕਾਂ ਨੂੰ ਜ਼ਿਆਦਾ ਨਹੀਂ ਹੈ।ਭਰਤ ਭਾਈ ਅਨੁਸਾਰ ਈਸਰੋ ਵੱਲੋਂ ਹੁਣ ਤੱਕ ਲਾਂਚ ਕੀਤੇ ਗਏ ਸੈਟੇਲਾਈਟ ਸਿੱਖਿਆਂ, ਪੰਚਾਇਤੀ ਰਾਜ, ਖੇਤੀਬਾੜੀ, ਮਛਲੀ ਫੜਨ ਦੀ ਥਾਵਾਂ ਦੀ ਜਾਣਕਾਰੀ ਜਿਹੀਆਂ ਲੋਕ ਹਿਤ ਲੋੜਾਂ ਨੂੰ ਪੂਰਾ ਕਰਨ ਲਈ ਸਹਾਈ ਹੈ।ਉਨ੍ਹਾਂ ਕਿਹਾ ਕਿ ਬੇਸ਼ੱਕ ਭਾਰਤ ਦਾ ਹਰ ਨਾਗਰਿਕ ਕਿਸੇ ਨਾ ਕਿਸੇ ਤਰਾਂ ਈਸਰੋ ਅਤੇ ਇਸਰੋ ਦੇ ਸੈਟਾਲਾਈਟ ਨਾਲ ਜੁੜਿਆਂ ਹੈ। ਪਰ ਇਸ ਦੀ ਪੂਰੀ ਜਾਣਕਾਰੀ ਨਾ ਹੋਣ ਕਾਰਨ ਇਹ ਸੁਵਿਧਾਵਾਂ ਦੀ ਵਰਤੋਂ ਨਹੀ ਹੋ ਰਹੀ ਹੈ ।

ਇਸ ਦੌਰਾਨ ਵਿਦਿਆਰਥੀਆਂ ਵਿਚ ਸੈਟੇਲਾਈਟ ਦੇ ਮਾਡਲਾਂ ਅਤੇ ਸਪੇਸ ਵਿਚ ਸੈਟੇਲਾਈਟ ਭੇਜੇ ਜਾਣ ਦੇ ਸਮੇਂ ਦੀ ਵੀਡਿÀ ਵੇਖਣ ਦਾ ਉਤਸ਼ਾਹ ਵੇਖਣ ਯੋਗ ਸੀ। ਈਸਰੋ ਦੇ ਵਿਗਿਆਨੀਆਂ ਨੇ ਭਵਿਖ ਇੰਜੀਨੀਅਰਾਂ ਅਤੇ ਵਿਗਿਆਨੀਆਂ ਨੂੰ ਈਸਰੋ ਦਾ ਹਿੱਸਾ ਬਣਨ ਲਈ ਲੋੜੀਂਦੀ ਪੜਾਈ ਅਤੇ ਪ੍ਰੀਖਿਆਵਾਂ ਸਬੰਧੀ ਜਾਣਕਾਰੀ ਦਿਤੀ। ਲਾਰੇਂਸ ਸਕੂਲ ਦੇ ਪ੍ਰਿੰਸੀਪਲ ਵੀਨਾ ਮਲਹੋਤਰਾ ਨੇ ਈਸਰੋ ਵੱਲੋਂ ਵਿਦਿਆਰਥੀਆਂ ਨੂੰ ਦਿਤੀ ਅਹਿਮ ਜਾਣਕਾਰੀ ਲਈ ਉਨ੍ਹਾਂ ਦਾ ਧੰਨਵਾਦ ਕੀਤਾ।