ਰਤਨ ਗਰੁੱਪ 'ਚ ਪਲੇਸਮੈਂਟ ਡਰਾਈਵ ਦੌਰਾਨ ਵਿਚ 70 ਵਿਦਿਆਰਥੀਆਂ ਦੀ 3.25 ਲੱਖ ਤੱਕ ਦੇ ਪੈਕੇਜ ਤੇ ਹੋਈ ਚੋਣ

ਬਿਹਤਰੀਨ ਨੌਕਰੀ ਲਈ ਤਕਨੀਕੀ ਜਾਣਕਾਰੀ ਹੋਣਾ ਜ਼ਰੂਰੀ - ਚੇਅਰਮੈਨ ਸੁੰਦਰ ਲਾਲ ਅਗਰਵਾਲ

5 Dariya News

ਐਸ.ਏ.ਐਸ. ਨਗਰ (ਮੁਹਾਲੀ) 08-Aug-2017

ਰਤਨ ਪ੍ਰੋਫੈਸ਼ਨਲ ਐਜੂਕੇਸ਼ਨ ਕਾਲਜ, ਸੋਹਣਾ ਵਿਚ  ਨੋਇਡਾ ਦੇ ਮਸ਼ਹੂਰ ਹਸਪਤਾਲ ਜੇ ਪੀ ਹਸਪਤਾਲ ਵੱਲੋਂ ਬੀ ਐੱਸ ਅਤੇ ਏ ਐੱਨ ਐੱਮ ਦੇ ਵਿਦਿਆਰਥੀਆਂ ਲਈ ਕੈਂਪਸ 'ਚ ਪਲੇਸਮੈਂਟ ਡਰਾਈਵ  ਦਾ ਆਯੋਜਨ ਕੀਤਾ ਗਿਆ। ਇਸ ਪਲੇਸਮੈਂਟ ਡਰਾਈਵ ਵਿਚ 160  ਵਿਦਿਆਰਥੀਆਂ ਨੇ ਹਿੱਸਾ ਲਿਆ । ਜਦ ਕਿ  ਪਲੇਸਮੈਂਟ ਡਰਾਈਵ ਦੌਰਾਨ ਜੇ ਪੀ ਹਸਪਤਾਲ ਨੋਇਡਾ ਦੇ ਐੱਚ ਆਰ ਮੈਨੇਜਰ ਪਰਸਨਾ ਸਾਜੂ ਅਤੇ ਮਨੀਸ਼ ਸਿੰਘ ਇਸਟੈੱਟ ਐੱਚ ਆਰ ਮੈਨੇਜਰ ਨੇ ਸੰਸਥਾ ਦੇ  ਮਨੋਰਥ ਅਤੇ ਭਵਿਖ ਦੀਆਂ ਯੋਜਨਾਵਾਂ ਸਬੰਧੀ ਜਾਣਕਾਰੀ ਵਿਦਿਆਰਥੀਆਂ ਨਾਲ ਸਾਂਝੀ ਕੀਤੀ।ਇਸ ਤੋਂ ਬਾਅਦ ਗਰੁੱਪ ਡਿਸਕਸ਼ਨ,ਲਿਖਤੀ ਟੈੱਸਟ ਅਤੇ ਇੰਟਰਵਿਊ ਤੋਂ ਬਾਅਦ ਸ਼ਾਰਟ ਲਿਸਟ    80 ਉਮੀਦਵਾਰਾਂ ਵਿਚੋਂ   ਕੁੱਲ 70 ਉਮੀਦਵਾਰਾਂ ਦੀ ਚੋਣ 3.25 ਲੱਖ ਤੱਕ ਦੇ ਪੈਕੇਜ ਤੇ  ਸਟਾਫ਼ ਨਰਸ ਦੇ ਤੌਰ ਚੋਣ ਕੀਤੀ ਗਈ ।ਇਸ ਮੌਕੇ ਤੇ ਰਤਨ ਗਰੁੱਪ ਦੇ ਚੇਅਰਮੈਨ ਸੁੰਦਰ ਲਾਲ ਅਗਰਵਾਲ ਨੇ ਚੁਣੇ ਗਏ ਉਮੀਦਵਾਰਾਂ ਨੂੰ ਵਧਾਈ ਦਿੰਦੇ ਹੋਏ ਕਿਹਾ ਕਿ ਇਹ ਪਹਿਲੀ ਨੌਕਰੀ ਉਨ੍ਹਾਂ ਲਈ ਵਿਦਿਆਰਥੀ ਜੀਵਨ ਤੋਂ ਇਕ ਪ੍ਰੋਫੈਸ਼ਨਲ ਜ਼ਿੰਦਗੀ ਵਿਚ ਪਹਿਲਾਂ ਕਦਮ ਹੈ ਅਤੇ ਆਪਣੇ ਚੰਗੇ ਕੈਰੀਅਰ ਲਈ  ਉਹ ਆਪਣੀ ਪਹਿਲੀ ਨੌਕਰੀ ਨੂੰ  ਸਖ਼ਤ ਮਿਹਨਤ ਅਤੇ ਮਨ ਲਗਾ ਕੇ ਕਰਨ । ਉਨ੍ਹਾਂ ਵਿਦਿਆਰਥੀਆਂ ਨੂੰ ਨਸੀਹਤ ਦਿੰਦੇ ਹੋਏ ਕਿਹਾ ਕਿ ਸਫਲ ਜ਼ਿੰਦਗੀ ਲਈ ਕੋਈ ਸ਼ਾਰਟਕੱਟ ਨਹੀਂ ਹੈ, ਇਸ ਲਈ ਜੇਕਰ ਉਹ ਜ਼ਿੰਦਗੀ 'ਚ ਇਕ ਸਫਲ ਇਨਸਾਨ ਬਣਨਾ ਚਾਹੁੰਦੇ ਹਨ ਤਾਂ ਇਮਾਨਦਾਰੀ ਅਤੇ ਸਖ਼ਤ ਮਿਹਨਤ ਨਾਲ ਉਹ ਦਿਤੇ ਗਏ ਕੰਮ ਨੂੰ ਪੂਰੀ ਨਿਸ਼ਠਾ ਨਾਲ ਨਿਭਾਉਣ।   ਅਤੇ ਸਚਿਨ ਨੇ ਨੌਕਰੀ ਹਾਸਿਲ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਵਧਾਈ ਦਿੰਦੇ ਹੋਏ ਉਨ੍ਹਾਂ ਦੇ ਉੱਜਲ ਭਵਿਖ ਦੀ ਕਾਮਨਾ ਕੀਤੀ।