ਪੰਜਾਬ ਇੰਸਟੀਚਿਊਟ ਆਫ਼ ਟਰੇਨਿੰਗ ਵੱਲੋਂ ਦੋ ਦਿਨਾਂ ਬੈਡਮਿੰਟਨ ਟੂਰਨਾਮੈਂਟ ਦਾ ਆਯੋਜਨ

ਅੰਡਰ 9 ਤੋਂ ਅੰਡਰ 15 ਵਰਗ ਦੇ 114 ਖਿਡਾਰੀਆਂ ਨੇ ਲਿਆ ਹਿੱਸਾ

5 Dariya News

ਐਸ.ਏ.ਐਸ. ਨਗਰ (ਮੁਹਾਲੀ) 23-Jul-2017

ਪੰਜਾਬ ਸਰਕਾਰ ਖੇਡ ਵਿਭਾਗ ਦੇ ਡਾਇਰੈਕਟਰ ਟਰੇਨਿੰਗ ਸੁਖਬੀਰ ਸਿੰਘ ਗਰੇਵਾਲ ਦੀ ਦੇਖਰੇਖ ਹੇਠ ਪੰਜਾਬ ਇੰਸਟੀਚਿਊਟ ਆਫ਼ ਸਪੋਰਟਸ ਵੱਲੋਂ ਮੋਹਾਲੀ ਦੇ 78 ਵਿਚਲੇ ਖੇਡ ਸਟੇਡੀਅਮ ਵਿਚ ਦੋ ਦਿਨਾਂ ਬੈਡਮਿੰਟਨ ਟੂਰਨਾਮੈਂਟ ਦਾ ਆਯੋਜਨ ਕੀਤਾ ਗਿਆ। ਟੂਰਨਾਮੈਂਟ ਦੇ ਕੋਚ ਅਬਦੁੱਲਾ ਜ਼ਮੀਲ ਅਨੁਸਾਰ ਇਸ ਟੂਰਨਾਮੈਂਟ ਦੇ ਆਯੋਜਨ ਦਾ ਮੁੱਖ ਮੰਤਵ ਯੋਗ ਖਿਡਾਰੀਆ ਦੀ ਚੋਣ ਕਰਨਾ ਸੀ। ਇਸ ਟੂਰਨਾਮੈਂਟ ਵਿਚ ਅੰਡਰ 9 ਤੋਂ ਅੰਡਰ 15 ਦੇ 114 ਲੜਕੇ ਲੜਕੀਆਂ ਵੱਲੋਂ ਹਿੱਸਾ ਲਿਆ ਗਿਆ। ਇਨ੍ਹਾਂ ਮੁਕਾਬਲਿਆਂ ਵਿਚ ਅੰਡਰ 9 ਲੜਕਿਆਂ ਦੇ ਵਰਗ ਵਿਚ ਪ੍ਰਭ ਅਸੀਸ ਸਿੰਘ ਅਤੇ ਲੜਕੀਆਂ ਦੇ ਵਰਗ ਵਿਚ ਖ਼ੁਸ਼ਦੀਪ ਕੌਰ ਜੇਤੂ ਰਹੇ। ਇਸੇ ਤਰਾਂ ਅੰਡਰ 11 ਵਰਗ ਲੜਕੇ ਵਿਚ ਹੇਮੰਤ ਅਤੇ ਲੜਕੀਆਂ ਵਿਚ  ਅਸ਼ਨੂਰ ਕੌਰ ਜੇਤੂ ਰਹੀ। ਜਦ ਕਿ ਅੰਡਰ 13 ਵਰਗ ਲੜਕਿਆਂ ਵਿਚ ਸੰਤ ਪ੍ਰਵਾਨ ਸਿੰਘ ਅਤੇ ਲੜਕੀਆਂ ਵਿਚ ਮਹਿਨੂਰ ਕੌਰ ਜੇਤੂ ਰਹੇ। ਅੰਡਰ 15 ਵਰਗ ਵਿਚ ਲੜਕਿਆਂ ਵਿਚ ਕੇਸ਼ਵ ਚੌਧਰੀ ਅਤੇ ਲੜਕੀਆਂ ਵਿਚ ਸੀਰਤ ਬੋਪਾਰਾਏ ਜੇਤੂ ਰਹੀ। ਇਸ ਦੇ ਇਲਾਵਾ ਸਪੈਸ਼ਲ ਤੌਰ ਤੇ ਕਰਵਾਏ ਵੋਮੈਨ ਡਬਲ ਮੁਕਾਬਲਿਆਂ ਵਿਚ ਸੁਨੀਤਾ ਅਤੇ ਸ਼ਾਰਦਾ ਜੇਤੂ ਰਹੀਆ।