ਕਾਂਗਰਸ ਦੇ ਖਰੜ ਤੋਂ ਬਾਗੀ ਉਮੀਦਵਾਰ ਹਮੇਸ਼ਾ ਲਈ ਕੱਢੇ ਗਏ

5 Dariya News

ਚੰਡੀਗੜ੍ਹ 03-Feb-2017

ਪੰਜਾਬ ਕਾਂਗਰਸ ਪ੍ਰਧਾਨ ਕੈਪਟਨ ਅਮਰਿੰਦਰ ਸਿੰਘ ਨੇ ਇਕ ਹੋਰ ਬਾਗੀ ਉਮੀਦਵਾਰ ਉਪਰ ਕਾਰਵਾਈ ਕੀਤੀ ਹੈ।ਇਸ ਲੜੀ ਹੇਠ, ਸੂਬਾ ਕਾਂਗਰਸ ਜਨਰਲ ਸਕੱਤਰ ਲਖਵਿੰਦਰ ਕੌਰ ਗਰਚਾ ਨੂੰ ਖਰੜ 'ਚ ਪਾਰਟੀ ਵਿਰੋਧੀ ਗਤੀਵਿਧੀਆਂ ਕਾਰਨ ਹਮੇਸ਼ਾ ਲਈ ਕਾਂਗਰਸ ਦੀ ਪ੍ਰਾਇਮਰੀ ਮੈਂਬਰਸ਼ਿਪ 'ਚੋਂ ਕੱਢ ਦਿੱਤਾ ਗਿਆ ਹੈ, ਜਿਥੋਂ ਵਿਧਾਨ ਸਭਾ ਚੋਣਾਂ ਲਈ ਜਗਮੋਹਨ ਸਿੰਘ ਕੰਗ ਨੂੰ ਕਾਂਗਰਸ ਦਾ ਅਧਿਕਾਰਿਕ ਉਮੀਦਵਾਰ ਬਣਾਇਆ ਗਿਆ ਹੈ।ਪੰਜਾਬ ਵੱਲੋਂ ਆਪਣੀ ਨਵੀਂ ਵਿਧਾਨ ਸਭਾ ਚੁਣਨ ਤੋਂ ਸਿਰਫ ਕੁਝ ਘੰਟਿਆਂ ਪਹਿਲਾਂ ਸ਼ੁੱਕਰਵਾਰ ਨੂੰ ਜ਼ਾਰੀ ਕੱਢਣ ਸਬੰਧੀ ਆਦੇਸ਼ 'ਚ, ਕੈਪਟਨ ਅਮਰਿੰਦਰ ਨੇ ਕਿਹਾ ਹੈ ਕਿ ਲਖਵਿੰਦਰ ਨੂੰ ਪਾਰਟੀ ਵਿਰੋਧੀ ਗਤੀਵਿਧੀਆਂ 'ਚ ਸ਼ਾਮਿਲ ਹੋਣ ਅਤੇ ਖਰੜ ਤੋਂ ਪਾਰਟੀ ਉਮੀਦਵਾਰ ਦੇ ਵਿਰੋਧ 'ਚ ਕੰਮ ਕਰਨ ਕਰਕੇ ਜ਼ਿੰਦਗੀ ਭਰ ਲਈ ਕੱਢ ਦਿੱਤਾ ਗਿਆ ਹੈ।ਗਰਚਾ ਨੂੰ ਕੱਢੇ ਜਾਣ ਨਾਲ, ਚੋਣ ਮੁਕਾਬਲੇ ਤੋਂ ਹੱਟਣ ਤੋਂ ਇਨਕਾਰ ਕਰਨ ਕਰਕੇ ਪਾਰਟੀ ਤੋਂ ਬਾਹਰ ਕੀਤੇ ਗਏ ਬਾਗੀ ਉਮੀਦਵਾਰਾਂ ਦੀ ਕੁੱਲ ਗਿਣਤੀ 22 ਨੂੰ ਪਹੁੰਚ ਗਈ ਹੈ, ਜਿਹੜੇ ਵੱਖ ਵੱਖ ਵਿਧਾਨ ਸਭਾ ਹਲਕਿਆਂ ਤੋਂ ਕਾਂਗਰਸ ਦੇ ਅਧਿਕਾਰਿਕ ਉਮੀਦਵਾਰਾਂ ਖਿਲਾਫ ਕੰਮ ਕਰ ਰਹੇ ਸਨ।