ਆਸ਼ਮਾ ਇੰਟਰਨੈਸ਼ਨਲ ਸਕੂਲ 'ਚ ਛੋਟੇ ਛੋਟੇ ਬੱਚਿਆਂ ਨੇ ਮਨਾਇਆ ਗਿਆ ਰੈੱਡ ਡੇ

ਵਿਦਿਆਰਥੀਆਂ ਨੂੰ ਲਾਲ ਰੰਗ ਦੀ ਮਨੁੱਖੀ ਜੀਵਨ 'ਚ ਮਹੱਤਤਾ ਨਾਲ ਕਰਵਾਇਆ ਜਾਣੂ

5 Dariya News

ਐਸ.ਏ.ਐਸ. ਨਗਰ (ਮੁਹਾਲੀ) 26-May-2016

ਆਸ਼ਮਾ ਇੰਟਰਨੈਸ਼ਨਲ ਸਕੂਲ, ਸੈਕਟਰ 70 ਵਿਖੇ ਜੂਨੀਅਰ ਸੈਕਸ਼ਨ ਦੇ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਨੇ ਰੈੱਡ ਡੇ ਧੂਮਧਾਮ ਨਾਲ ਮਨਾਇਆ ਗਿਆ । ਇਸ ਮੌਕੇ ਤੇ ਛੋਟੇ ਛੋਟੇ ਵਿਦਿਆਰਥੀਆਂ 'ਚ ਲਾਲ ਰੰਗ ਦੇ ਫਲਾਂ ਅਤੇ ਸਬਜ਼ੀਆਂ ਦੇ ਪੇਂਟਿੰਗ ਮੁਕਾਬਲੇ ਵੀ ਕਰਵਾਏ ਗਏ । ਇਸ ਉਪਰਾਲੇ ਦਾ ਮੁੱਖ ਮੰਤਵ ਬਲਾਂ ਮਨ ਅਤੇ ਦਿਮਾਗ਼ 'ਚ ਲਾਲ ਰੰਗ ਦੀ ਮਨੁੱਖੀ ਜੀਵਨ 'ਚ ਮਹੱਤਤਾ,ਲੋੜ ਅਤੇ ਵਰਤੋਂ ਬਾਰੇ ਜਾਣੂ ਕਰਵਾਇਆ ਗਿਆ । ਇਸ ਦੌਰਾਨ  ਜਿੱਥੇ ਵਿਦਿਆਰਥੀਆਂ ਨੇ ਲਾਲ ਰੰਗ ਦੀਆਂ ਪੋਸ਼ਾਕਾਂ ਪਹਿਨੀਆਂ ਸਨ ਉੱਥੇ ਹੀ ਕਲਾਸਾਂ ਨੂੰ ਲਾਲ ਰੰਗ ਦੇ ਰਿਬਨਾਂ,ਨਕਲੀ ਫੁੱਲਾਂ ਅਤੇ ਗ਼ੁਬਾਰਿਆਂ ਨਾਲ ਸਜਾਇਆ ਗਿਆ । ਇਸ ਮੌਕੇ ਤੇ ਅਧਿਆਪਕਾਂ ਨੇ ਵਿਦਿਆਰਥੀਆਂ ਨੂੰ ਲਾਲ ਰੰਗ ਦੇ ਮਨੁੱਖੀ ਦਿਮਾਗ਼ ਤੇ ਪੈਣ ਵਾਲੇ ਪ੍ਰਭਾਵਾਂ,ਵਿਚਾਰਾਂ ਅਤੇ ਵਿਹਾਰ ਬਾਰੇ ਵਿਸਥਾਰ ਸਹਿਤ ਜਾਣਕਾਰੀ ਦਿਤੀ ਗਈ।  ਇਸ ਦੇ ਨਾਲ ਹੀ ਵਿਦਿਆਰਥੀਆਂ ਨੂੰ ਮਨੁੱਖੀ ਸਰੀਰ ਵਿਚ ਦੌੜਦੇ ਲਾਲ ਰੰਗ ਦੇ ਖੂਨ ਦੀ ਸਰੀਰਕ ਲੋੜ ਬਾਰੇ ਵੀ ਜਾਣਕਾਰੀ ਦਿਤੀ ਗਈ ।

ਇਸ ਮੌਕੇ ਤੇ ਵਿਦਿਆਰਥੀਆਂ ਦਰਮਿਆਨ ਇਸ ਦਿਨ ਨੂੰ ਕਾਗ਼ਜ਼ ਤੇ ਯਾਦਗਾਰੀ ਬਣਾਉਣ ਦੇ ਮੰਤਵ ਨਾਲ ਜੂਨੀਅਰ ਸੈਕਸ਼ਨ ਦੇ ਵਿਦਿਆਰਥੀਆਂ ਦਰਮਿਆਨ ਪੇਂਟਿੰਗ ਮੁਕਾਬਲੇ ਮੁਕਾਬਲੇ ਵੀ ਕਰਵਾਏ ਗਏ ਅਤੇ ਜਿਸ 'ਚ ਵਿਦਿਆਰਥੀਆਂ ਨੂੰ ਲਾਲ ਰੰਗ ਦੇ ਫਲ,ਫੁਲ,ਸਬਜ਼ੀਆਂ ਅਤੇ ਹੋਰ ਕਿਸੇ ਵੀ ਤਰਾਂ ਦੀ ਲਾਲ ਰੰਗ ਨਾਲ ਸਬੰਧਿਤ ਪੇਂਟਿੰਗ ਬਣਾਉਣ ਲਈ ਕਿਹਾ ਗਿਆ। ਵਿਦਿਆਰਥੀਆਂ ਨੇ ਆਪਣੀ ਸੂਝ-ਬੂਝ ਨਾਲ ਲਾਲ ਰੰਗਾਂ ਨਾਲ ਬਖ਼ੂਬੀ ਚਿਤਰਨ ਕਰਦੇ ਹੋਏ  ਛੋਟੀਆਂ-ਛੋਟੀਆਂ ਸੋਚਾਂ ਨੂੰ ਸਫ਼ੇਦ ਕਾਗ਼ਜ਼ ਤੇ ਲਾਲ ਰੰਗ ਨਾਲ ਬਾਖ਼ੂਬੀ ਚਿਤਰਨ ਕੀਤਾ ।

ਇਸ ਮੌਕੇ ਤੇ ਸਕੂਲ ਦੇ ਪ੍ਰਿੰਸੀਪਲ ਅਮਰਪ੍ਰੀਤ ਕੌਰ ਨੇ ਆਪਣੇ ਵਿਚਾਰ ਪੇਸ਼ ਕਰਦੇ ਹੋਏ ਕਿਹਾ ਕਿ ਬੱਚੇ ਇਕ ਸਫ਼ੇਦ ਕਾਗ਼ਜ਼ ਦੀ ਤਰਾਂ ਹੁੰਦੇ ਹਨ ਅਤੇ ਉਨ੍ਹਾਂ ਦੀ ਜ਼ਿੰਦਗੀ 'ਚ ਵੱਖ-ਵੱਖ ਰੰਗਾਂ ਨਾਲ ਅਸੀ ਉਨ੍ਹਾਂ 'ਚ ਰੰਗ ਭਰਦੇ ਹਾਂ ਅਤੇ ਇਸ ਈਵੈਂਟ ਦਾ ਮੁੱਖ ਮੰਤਵ ਵੀ ਬੱਚਿਆਂ ਦੇ ਉਚਾਰਣ ਲਹਿਜ਼ੇ 'ਚ ਸੰਪੂਰਨਾ ਲਿਆਉਣਾ,ਉਨ੍ਹਾਂ 'ਚ ਆਤਮ ਵਿਸ਼ਵਾਸ ਪੈਦਾ ਕਰਨਾ ਅਤੇ ਅਤੇ ਉਨ੍ਹਾਂ ਦੀਆਂ ਅੰਦਰੂਨੀ ਪ੍ਰਤਿਭਾਵਾਂ ਨੂੰ ਉਜਾਗਰ ਹੀ ਸੀ  । ਪ੍ਰਿੰਸੀਪਲ ਅਮਰਪ੍ਰੀਤ ਕੌਰ  ਨੇ ਜੇਤੂ ਵਿਦਿਆਰਥੀਆਂ ਨੂੰ ਇਨਾਮ ਵੰਡਦੇ ਹੋਏ ਉਨ੍ਹਾਂ ਦੇ  ਸਫਲ ਜੀਵਨ ਦੀ ਕਾਮਨਾ ਕੀਤੀ ।