ਪੰਜਾਬ ਅਤੇ ਫਰਾਂਸ ਵਿੱਚ ਨਵੀਂ ਸਾਂਝ ਵਿਕਸਤ ਹੋਣ ਜਾ ਰਹੀ ਹੈ –ਸੋਹਨ ਸਿੰਘ ਠੰਡਲ

ਫਰਾਂਸ ਦੇ ਸ਼ਹਿਰ ਸੇਂਟ ਤ੍ਰੋਪੇ ਵਿੱਚ ਲਗਾਇਆ ਜਾਵੇਗਾ ਮਹਾਰਾਜਾ ਰਣਜੀਤ ਸਿੰਘ ਦਾ ਬੁੱਤ

5 Dariya News

ਚੰਡੀਗੜ੍ਹ 06-Apr-2016

ਫਰਾਂਸ ਦੇ ਸ਼ਹਿਰ ਸੇਂਟ ਤ੍ਰੋਪੇ ਦੇ ਡਿਪਟੀ ਮੇਅਰ ਅਤੇ ਇੰਚਾਰਜ ਸੈਰ ਸਪਾਟਾ ਸ਼੍ਰੀ ਹੇਨਰੀ ਪ੍ਰੇਵੋਸਤ ਏਲਾਰਡ ਨੇ ਅੱਜ ਚੰਡੀਗੜ੍ਹ ਵਿਖੇ ਸਥਿਤ ਸੈਰ ਸਪਾਟਾ ਵਿਭਾਗ ਦੇ ਦਫ਼ਤਰ ਵਿੱਚ ਸ. ਸੋਹਨ ਸਿੰਘ ਠੰਡਲ ਸੈਰ ਸਪਾਟਾ ਮੰਤਰੀ ਪੰਜਾਬ ਨਾਲ ਮੁਲਾਕਾਤ ਕੀਤੀ ਅਤੇ ਉਹਨਾਂ ਨੂੰ  ਸਤੰਬਰ ਮਹੀਨੇ ਦੋਰਾਨ ਸੇਂਟ ਤ੍ਰੋਪੇ ਵਿੱਚ ਮਹਾਰਾਜਾ ਰਣਜੀਤ ਸਿੰਘ ਜੀ ਦਾ ਬੁੱਤ ਲਗਾਉਣ ਦੇ ਮੌਕੇ ਫਰਾਂਸ ਆਉਣ ਦਾ ਸੱਦਾ ਦਿੱਤਾ.ਇਸ ਮੌਕੇ ਸ. ਠੰਡਲ ਨੇ ਦੱਸਿਆ ਕਿ ਸ੍ਰੀ ਹੇਨਰੀ ਪ੍ਰੇਵੋਸਤ ਏਲਾਰਡ ਮਹਾਰਾਜਾ ਰਣਜੀਤ ਸਿੰਘ ਜੀ ਦੀ ਫੌਜ ਨੂੰ ਸਿਖਲਾਈ ਦੇਣ ਵਾਲੇ ਜਰਨੈਲ ਏਲਾਰਡ ਦੇ ਵੰਸ਼ ਵਿਚੋਂ ਹਣ. ਸ੍ਰੀ ਹੇਨਰੀ ਏਲਾਰਡ ਉਨ੍ਹਾਂ ਦੀ ਪੰਜਵੀਂ ਪੀੜੀ ਵਿਚੋਂ ਹਣ. ਉਨਾ ਕਿਹਾ ਕਿ ਮਹਾਰਾਜਾ ਰਣਜੀਤ ਸਿੰਘ ਜੀ ਪ੍ਰਤੀ ਆਦਰ ਸਤਕਾਰ ਪ੍ਰਗਟ ਕਰਨ ਲਈ ਸ੍ਰੀ ਹੇਨਰੀ ਏਲਾਰਡ ਵਲੋਂ ਇਹ ਪਹਿਲ ਕਦਮੀ ਕੀਤੀ ਗਈ ਹੈ . ਉਨ੍ਹਾਂ ਕਿਹਾ ਕਿ ਇਹ ਪੰਜਾਬ ਲਈ ਬੜੇ ਮਾਣ ਵਾਲੀ ਗਲ ਹੈ ਕਿ ਮਹਾਰਾਜਾ ਰਣਜੀਤ ਸਿੰਘ ਜੀ ਦਾ ਬੁੱਤ ਸੇਂਟ ਤ੍ਰੋਪੇ ਵਿੱਚ ਲਗਾਇਆ ਜਾਵੇਗਾ. ਇਸ ਨਾਲ ਪੰਜਾਬ ਅਤੇ ਫਰਾਂਸ ਵਿੱਚ ਨਵੀਂ ਸਾਂਝ ਵਿਕਸਤ ਹੋਵੇਗੀ ਅਤੇ ਸੈਰ ਸਪਾਟਾ ਉਤਸਾਹਿਤ ਹੋਵੇਗਾ.ਸ. ਠੰਡਲ ਨੇ ਅੱਗੇ ਦਸਿਆ ਕਿ ਮਹਾਰਾਜਾ ਰਣਜੀਤ ਸਿੰਘ ਦਾ ਬੁੱਤ ਪੰਜਾਬ ਸਰਕਾਰ ਵਲੋਂ ਦੇਸ਼ ਦੇ ਉੱਘੇ ਮੂਰਤੀਕਾਰ ਵਲੋਂ ਤਿਆਰ ਕਰਵਾ ਕੇ ਸੇਂਟ ਤ੍ਰੋਪੇ ਸਰਕਾਰ ਨੂੰ ਭੇਂਟ ਕੀਤਾ ਜਾਵੇਗਾ . ਉਨ੍ਹਾਂ ਦਸਿਆ ਕਿ ਇਸ ਬੁੱਤ ਦੀ ਘੁੰਡਚੁਕਾਈ ਰਸਮ ਮੌਕੇ 17 ਸਤੰਬਰ ਨੂੰ ਸੇਂਟ ਤ੍ਰੋਪੇ ਆਉਣ ਲਈ ਸ੍ਰੀ ਹੇਨਰੀ ਏਲਾਰਡ ਨਿਜੀ ਤੌਰ ਤੇ ਮੁੱਖ ਮੰਤਰੀ ਪੰਜਾਬ ਅਤੇ ਸੈਰ ਸਪਾਟਾ ਵਿਭਾਗ ਦੇ ਮੰਤਰੀ ਤੇ ਅਧਿਕਾਰੀਆਂ  ਨੂੰ ਸੱਦਾ ਦੇਣ ਆਏ ਹਨ .  

ਇਸ ਮੌਕੇ ਸ਼੍ਰੀ ਹੇਨਰੀ ਪ੍ਰੇਵੋਸਤ ਏਲਾਰਡ ਨੇ ਦਸਿਆ ਕਿ 16 , 17 ਅਤੇ 18 ਸਤੰਬਰ ਨੂੰ ਭਾਰਤ ਦੇ ਦੂਤਘਰ ਵਲੋਂ ਫਰਾਂਸ ਵਿੱਚ  ਨਮਸਤੇ ਫਰਾਂਸ ਦਾ ਅਯੋਜਨ ਕੀਤਾ ਜਾ ਰਿਹਾ ਹੈ ਅਤੇ ਸੇਂਟ ਤ੍ਰੋਪੇ ਵਿੱਚ ਇਸੇ ਲੜੀ ਤਹਿਦ ਲਗਾਏ ਜਾਣ ਵਾਲੇ ਤਿੰਨ ਰੋਜ਼ਾ ਮੇਲੇ ਦੌਰਾਨ ਪੰਜਾਬ ਬਾਰੇ ਲਗਾਈ ਜਾਵੇਗੀ ਪ੍ਰਦਰਸ਼ਨੀ, ਮਹਾਰਾਜਾ ਰਣਜੀਤ ਸਿੰਘ , ਜਰਨੈਲ ਏਲਾਰਡ ਅਤੇ ਉਨ੍ਹਾਂ ਦੀ ਪਤਨੀ ਬੰਨੋ ਪੰਨਦੇਈ ਦੇ ਬੁੱਤ ਲਗਾਏ ਜਾਣਗੇ , ਕਾਨਫਰੰਸਾਂ ਦਾ ਅਯੋਜਨ ਹੋਵੇਗਾ 'ਤੇ ਫਿਲਮਾਂ ਵਿਖਾਈਆਂ ਜਾਣਗੀਆਂ . ਉਨ੍ਹਾਂ ਪੰਜਾਬ ਸਰਕਾਰ ਦਾ ਧੰਨਵਾਦ ਕਰ ਦੀਆਂ ਕਿਹਾ ਕਿ ਪੰਜਾਬ ਸਰਕਾਰ ਵਲੋਂ ਭੇਂਟ ਕੀਤੇ  ਮਹਾਰਾਜਾ ਰਣਜੀਤ ਸਿੰਘ ਦਾ ਬੁੱਤ ਲਈ ਸੇਂਟ ਤ੍ਰੋਪੇ ਉਨ੍ਹਾਂ ਦਾ ਤਹਿ ਦਿਲੋਂ ਧੰਨਵਾਦੀ ਹਨ .ਇਸ ਮੌਕੇ ਸੇਂਟ ਤ੍ਰੋਪੇ ਤੋਂ ਵਿਸ਼ੇਸ਼ ਤੌਰ ਤੇ ਆਏ ਸੈਰ ਸਪਾਟਾ ਵਿਭਾਗ ਦੇ ਡਾਇਰੈਕਟਰ ਸ੍ਰੀ ਕਲੌਡ ਮਨਿਸਕਾਲਕੋ ਨੇ ਕਿਹਾ ਕਿ ਇਸ ਸਮਾਗਮ ਮੌਕੇ ਪੂਰੀ ਦੁਨੀਆਂ ਤੋਂ ਵੱਡੀ ਗਿਣਤੀ ਵਿੱਚ ਯਾਤਰੂ ਆਣਗੇ ਅਤੇ ਪੰਜਾਬ ਦੇ ਮਹਾਨ ਜਰਨੈਲ ਬਾਰੇ ਜਾਣਕਾਰੀ ਪ੍ਰਾਪਤ ਕਰਨਗੇ.ਹੋਰਨਾਂ ਤੋਂ ਇਲਾਵਾ ਇਸ ਮੌਕੇ ਪ੍ਰਮੁੱਖ ਸਕੱਤਰ ਸੈਰ ਸਪਾਟਾ ਸ੍ਰੀਮਤੀ ਅੰਜਲੀ ਭਾਵੜਾ, ਸ੍ਰੀ ਐਨ ਐਸ ਰੰਧਾਵਾ ਡਾਇਰੈਕਟਰ ਟੂਰਿਜਮ  ਅਤੇ ਸਮਾਗਮ ਦੇ ਕੋਆਡਿਨੇਟਰ ਸ. ਜਗਦੀਪ ਸਿੰਘ ਚੀਮਾ ਹਾਜ਼ਰ ਸਨ .