ਗੁਰਮੀਤ ਸਿੰਘ ਸ਼ਾਹੀ ਮੋਹਾਲੀ ਪ੍ਰੈਸ ਕਲੱਬ ਦੇ ਪ੍ਰਧਾਨ ਤੇ ਬੈਨੀਪਾਲ ਜਨਰਲ ਸਕੱਤਰ ਬਣੇ

5 ਦਰਿਆ ਨਿਊਜ਼

ਐਸ.ਏ.ਐਸ.ਨਗਰ. 21-Mar-2013

ਮੋਹਾਲੀ ਪ੍ਰੈਸ ਕਲੱਬ ਦੀ ਹੋਈ ਸਲਾਨਾ ਚੋਣ ਦੌਰਾਨ ਸ਼ਾਹੀ-ਬੈਨੀਪਾਲ ਪੈਨਲ ਦੀ ਜਿੱਤ ਹੋਈ ਹੈ। ਇਸ ਸਬੰਧ ਵਿਚ ਮੁੱਖ ਚੋਣ ਅਧਿਕਾਰੀ ਧਰਮਪਾਲ ਉਪਾਸ਼ਕ ਅਤੇ ਚੋਣ ਅਧਿਕਾਰੀ ਜਸਵਿੰਦਰ ਰੂਪਾਲ ਅਤੇ ਹਰਿੰਦਰਪਾਲ ਸਿੰਘ ਹੈਰੀ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਇਸ ਚੋਣ ਦੌਰਾਨ ਭੁੱਲਰ-ਪਟਵਾਰੀ ਪੈਨਲ ਨੇ ਕਲੱਬ ਦੇ ਅਧਿਕਾਰਾਂ ਨੂੰ ਧਿਆਨ ਵਿਚ ਰਖਦੇ ਹੋਏ ਅਪਣੇ ਨਾਮ ਵਾਪਿਸ ਲੈ ਲਏ ਸਨ, ਜਿਸ ਕਾਰਨ ਸ਼ਾਹੀ-ਬੈਨੀਪਾਲ ਪੈਨਲ ਨੂੰ ਬਿਨ੍ਹਾਂ ਕਿਸੇ ਵਿਰੋਧ ਦੇ ਜੇਤੂ ਕਰਾਰ ਦਿੱਤਾ ਗਿਆ। ਹੁਣ ਨਵੀਂ ਟੀਮ ਵਿਚ ਗੁਰਮੀਤ ਸਿੰਘ ਸ਼ਾਹੀ ਨੂੰ ਪ੍ਰਧਾਨ, ਸੰਜੇ ਮਲਹੋਤਰਾ ਨੂੰ ਸੀ: ਉਪ ਪ੍ਰਧਾਨ, ਅਮਰਦੀਪ ਸਿੰਘ ਸੈਣੀ ਅਤੇ ਧਰਮ ਸਿੰਘ ਉੱਪ ਪ੍ਰਧਾਨ, ਗੁਰਦੀਪ ਸਿੰਘ ਬੈਨੀਪਾਲ ਨੂੰ ਜਨਰਲ ਸੈਕਟਰੀ , ਮੁਨੀਸ਼ ਨਾਗਰ ਨੂੰ ਆਰਗੇਨਾਈਜਿੰਗ ਸੈਕਟਰੀ ਜਦੋਂ ਕਿ ਵਿਜੇਪਾਲ ਅਤੇ ਨਾਹਰ ਸਿੰਘ ਧਾਲੀਵਾਲ ਨੂੰ ਜੁਆਇੰਟ ਸੈਕਟਰੀ ਅਤੇ ਬਲਜੀਤ ਮਰਵਾਹਾ ਨੂੰ ਖਜ਼ਾਨਚੀ ਚੁਣਿਆ ਗਿਆ। ਇਸ ਤੋਂ ਬਾਅਦ ਚੁਣੀ ਗਈ ਟੀਮ ਨੂੰ ਅਪਣਾ ਕੰਮ ਕਾਰ ਸੰਭਾਲਦੇ ਹੋਏ ਪਹਿਲੀ ਮੀਟਿੰਗ ਕੀਤੀ ਗਈ ਅਤੇ ਜਿੱਤ ਪਾਰਟੀ 23 ਮਾਰਚ ਸ਼ਨੀਵਾਰ ਨੂੰ ਸ਼ਾਮ 7 ਵਜੇ ਕਰਵਾਉਣ ਦਾ ਫੈਸਲਾ ਕੀਤਾ ਗਿਆ। ਕਲੱਬ  ਦੇ ਸਾਬਕਾ ਪ੍ਰਧਾਨ ਸੁਖਦੇਵ ਸਿੰਘ ਪਟਵਾਰੀ ਅਤੇ ਸਾਬਕਾ ਖਜ਼ਾਨਚੀ ਕਰਨਬੀਰ ਸ਼ਾਹ ਨੇ ਨਵੀਂ ਟੀਮ ਨੂੰ ਕੰਮਕਾਰ ਸੰਭਾਲਦੇ ਸਮੇਂ ਵਧਾਈਆਂ ਦਿੱਤੀਆਂ। ਇਸ ਦੌਰਾਨ ਨਵੀਂ ਚੁਣੀ ਗਈ ਟੀਮ ਦੇ ਇਲਾਵਾ ਦਰਜਨਾਂ ਰੈਗੁਲਰ ਕਲਬ ਮੈਂਬਰਾਂ ਅਤੇ ਪੁਰਾਣੀ ਗਵਰਨਿੰਗ ਬਾਡੀ ਦੇ ਅਧਿਕਾਰੀ ਸ਼ਾਮਿਲ ਸਨ, ਜਿਸ ਵਿਚ ਗੁਰਜੀਤ ਸਿੰਘ ਬਿੱਲਾ, ਪਵਨ ਜਗਦੰਬਾ, ਅਮਰਜੀਤ ਸਿੰਘ,  ਕਰਨਬੀਰ ਸ਼ਾਹ, ਵਿੱਕੀ ਘਾਰੂ, ਈਸ਼ਵਰ ਸਿੰਘ ਅਤੇ ਪਾਲ ਸਿੰਘ ਕੰਸਾਲਾ ਸ਼ਾਮਿਲ ਸਨ।